السلام عليكم ورحمة الله وبركاته
بصراحه انا ناويه اشتري غسالة صحون ليش ؟؟
عندي اربعة اولاد 2 يدرسون ويحتاجون مذاكره غير الاهتمام باكلهم ولبسهم جميعهم وعندي 2 صغار يحتاجون طبعا غير الاكل الى اللعب ومشاركتهم العابهم وقضاء الوقت معهم
وعندي زوج بيتوتي يحتاج تنوع فالاكل ونوم مريح بعد الدوام وقهوة العصر والحلى تبعه غير يبي زوجه مهتمه في نفسها وتحاوره بلطف وسعة بال
وعندي اهل يحتاجون مني السؤال عنهم دائما خصوصا الوالد والوالده وزيارتهم من حين لاخرر
وعندي بيت واسع يحتاج تنظيف واهتمام وتعطير
وعندي حب للنت تصفح واطلاع وترفيه واحب التصميم
وعندي كره للخادمات الله لا يحدني عليهم
لذالك فكرت اشتري اجهزه تسهل علي كل ذا بديت فالتفكير بغسالة الصحون كل اللي فالمنتديات يمدحونها لكن اصدقاء زوجي يذمونها مع انهم لا يملكونها عندهم في بيوتهم
سعرها مو شوي واخاف اجازف واشتريها ولا استفيد غير التانيب
فهل هي فعلا تفيد ربات البيوت وهل وجودها ضروري ؟؟؟؟؟
وجزاكم الله خير
بسم الله ما شاء الله لدي غسالة صحون ..بصراحة انصح كل سيدة
لديها ظروف او ما تحب غسل المواعين (مثلي) ان تشتريها
مريحة تاخذ عنك ثلاثة ارباع شغل المطبخ …
عزيزتي 
اسالي اي سؤال عنها وان شاء الله ساجيبك .
.
الله يوفقك
مره تمدحها اللي كاتبه الموضوع
وكانت مره مرتاحه عليهااااااااا
ماعليك من اصدقاء زوجك يهرجو من غير تجربه
اذا بتريحك جازفي وان شاء الله ترتاحي عليهااا
انصحك فيها … في ماركات كثيره …. ويربول .. اريستون .. ال جي .. بوش
وراح تريحك كثير بالغسسيل خصوصا لو تحبي تطبخي ،،،، بس مشكلتها تطوول بالغسسيل
ويختلف من برنامج الى برنامج … والمنظفات تبعها غاليه ومو اي مكان تلاقيها ،،،،،
بس هي مرررريحه …. خصوصا اللي عندها حساسيه بايديها امو موظف وعندها اطفاااااااال وعزاااااااايم
الله يكتب لك اللي فيه الخير …… استخيري
عزيزتي: انصحك بشراء غسالة صحون ميديا الصينية midea
والسبب: (1)ان شركتها وصيانتها متوفرة بالرياض وفي كل مكان
(2)ان اي ماركة اخرى مثلا امريكية تعطلت لن تجدي لها قطع غيار لان المتوفر القطع الصينية ..وقد يغشك ويقول لك : هذه قطعة غالية لانها امريكية .. فانتبهي .
* السعر : 1200 ر. س أو 1230 ر.س
*تصريف الماء : علوي
*خط الكهرباء :220
* معدنها : استيل
*اقتصادية في استخدام الماء
#اقرأي التعليمات جيدا ومن أهمها :
*لاتضعي فيها أواني المنيوم ولا خشبية ولا قطع بلاستيك لاتتحمل الحرارة*يمنع منعا باتا استخدام الصابون العادي كالفيري او لوكس او تايد او غيره (ممنوع صابون يرغي ) ولا الزيوت ولا ملح الطعام .
#انواع المنظفات :صابون فينيش-سومات-فريش-كاسيد:بودرة او سائل. (انتبهي لا تلمسي باليد لانها مادة حارقة) ..المقدار المستخدم 1-2 ملعقة ..السعر من 30 ر.س وما فوق ..والعبوة ستمكث معك مدة طويلة والافضل السائل .*الملح : نفس الماركات وشكله قطع كبيرة وسعره تقريبا 18 ر.س ويستخدم كل 5-6 شهور(تنير لك لمبة حمراء) *الملمع: نفس الماركات..وغير متوفر وغالي لكن يمكن استبداله (علميا)بالخل الابيض(بدون تخفيف)(وانا استخدم الخل)###نوعية الغسل في الغسالة :عادي- كثيف-اقتصادي-خفيف-شطف-سريع-نقع …عادة استخدم :كثيف.####عند استخدام الغسالة لأول مرة شغليها وهي فاضية بدون مواعين :
افتح الباب الى اخره :في قاع الغسالة على يسارك(من الداخل) يوجد غطاء افتحيه وصبي الملح لثلاثة ارباع الخزان (تقريبا حتى يكاد يمتلىء) ثم صبي فوقه 2كأس ماء ثم اغلقي .*وعلى يمينك الصفاية :بين كل فترة نظفيها برقة . *وعلى الباب من يسارك توجد فتحة الصابون :نمليه بالكامل(وفي المرات القادمة فقط التربيعة الصغيرة) *وعلى الباب (بالقرب من فتحة الصابون) على يمينك غطاء يفتح بالتدوير ثم يسحب، نمليه بالملمع أو الخل الابيض لحد ما تشوفي انه بقعة الزجاجة الجانبية صارت سوده ثم نغلق (وهو يملأ كلما نورت المبة على الباب من الخارج..ويقعد مدة طويلة)*في حالة الانتهاء من الغسيل اغلقي حباس ماسورة الماء الاساسي وافصلي الكهرباء .((ودائما في حالة عدم الغسيل افصلي الكهرباء).
# توجد ملاحظات صغيرة:*بين حين واخر(بالليل) اجعلي الباب مواربا بمساكة قماش مثلا للتهوية.*اذا في رائحة :شيء طبيعي فحوض المجلى العادي لها ذلك بس علشان مكشوف ما نشمه * هل تشعرين بثقل العمل : من مسح وترصيص؟:ستتعودين .*توجد بقع بيضاء على بعض الاواني (وهي نادرة):عادي .*يوجد بعض بقع الماء في قاع الغسالة :عادي .
### اسهل واسرع طريقة :
وأنت ترفعي الصحون نظفيها من بقايا الاكل ..او احضري سطل ماء (وبسرعة) وادخلي فيها الكاسات ورصي(فوق) ثم الصحون ورصي (اسفل) ..يمكنك الرص بالطريقة التي تناسبك ولكن 
احذري كل الحذر من اي قطعة تتدلى فتكسر المروحة .. ثم ضعي الصابون (في فتحته بمقدار المربعة الصغيرة واغلقي الغطاء)
ثم اقفلي الباب وتسمعي له صوت : تكه .. ثم ركبي الكهرباء وافتحي ماسورة الماء ثم وضعي الزر على2 الكثيف ثم اضغطي زر التشغيل.
وانسي انها تشتغل ، كملي تنظيف القدور بيدك او التباسي الكبيرة : يعني كم راح يكون 2-3 ليس مشكلة : انت ازحتي حمل ثقيل عنك .
اتمنى لك اوقات سعيدة وبيتك يلق من النظافة.
.