السلام عليكم ورحمة الله وبركاته
اخواتي الغاليات رجعت بعد طول الغيبه 
كيفكم ياحلوات ..
طبعا انا اختفيت لانه اللي حصلي شي فضيع مرررررررررره وفي الاول الحمد لله الذي لايحمد على مكروه سواه ..
قبل كذا قلتلكم اني اعاني من ورم
وقاعده اتعالج منه وقبل موعد العمليه تاخرت الدوره وخفت وقلقت لاني كنت ابغى اخلص واسوي العمليه وسويت تحليل والمفاجأه .
طلعت حامل فرحت مررررره ورحت المستوصف وحللت دم وطلع حمل انبسطت وفرحت وجلست اخطط رحت العياده على اساس اخذ الفيتامينات اللازمه بما انه اول حمل ..
رحت لدكتورتي اللي اراجع عندها وقلتلها انا حامل قالت تعالي اكشف ععليكي وهنا كانت الصدمه …
قالت لي مافي حمل قلت والله حللت قالت مافي يابنتي بس نتاكد بالسونار ومع الاسف قالتلي حمل خارج الرحم لازم ينزل والله والله اني بكيت لكن احتسبته لوجه الله اعطوني ابر كيماويه عشان ينزل وشفت المر من الالم وكنت اترجاهم انهم يعطوني اي مسكن ماكانوا يرضون حسبي الله عليهم اخس مستشفى من غير ذكر مسميات لا خدمه ولا نظافه ولا اهتمام حتى جرس فالغرفه مافي لكن لمن نزفت حاول زوجي يسعفني على اقرب مستشفى وصبرت وبدون فايده مانزل وفالاخير خضعت لعمليه قيصري وطلعو الجنين وكان عمره شهرين ومستقر فالمبيض والله والله اني شفت الم فحياتي ماشفته الحمدلله كنت اتقطع ولكن امر الله نافذ واحتسبته لوجه الله والحين بدات اتحسن يارب لك الشكر ولكن مازال الالم يروح ويجي وليه 20 يوم من وقت ماعملتها ..
كل اللي اتمناه منكم الدعاء ليه بالشفاء يالغاليات وربي يعوضني خير ..
ولعلها خييييييييير حبيبتي اصبري واحتسبي الاجر
الله يعافيكي و يشفيكي ان شاء الله
هذا ابتلاء من رب العالمين و اذا صبرتي فلك الاجر و الثواب
الله يرزقك الذرية الصالحة التي تعوظك و تنسيكي كل هالآلام و التعب
اذا انتي من المدينه خبريني باسم المستشفى 
عشان ماأتورط فيهــــــــــا ولا أروح لهـــــــــــــا لاني اخاف 
11 مشاهدة ورد واحد بس الله يسامحكن بدي ردكن يابنات