كبرت وانا أتجرع نظرات الشفقة آآه ياقلبي -لصحتك 2024.

السلام عليكم
أسأل الله ربي الكريم الرازق ان يفرج هم من اقترحت قسم مشكلتي لطرح المشاكل بسرية وانفضفض عن كل اللي بخواطرنا وقلوبنا
اللهم افتح لها من الرزق في الدنيا والآخرة مالا يخطر لها على بال وكل إدارة هذا المنتدى الناجح اللهم آآآمين

مش انا اول عضوة تكتب نفس المشكلة هي مكررة بس كل وحدة فينا تعيش بغير عن اللي تعيش الثانية

انا تعديت سن الثلاثين ورزقي من ناحية الزواج مسدود والحمدلله على كل حال وحنا بالهزمن زمن الفتن وأبي الستر

والله بنات اني ملتزمة وبنت بيت شاطرة ماشاء الله واعرف الواجب واللباقة مع الناس وعندي مواهب والكل يعرف هالشي بس باب الزواج متسكر الله يفتحه من عنده

نظرات الرحمة والشفقة اذبحتني والكلام الجارح يوصلني من أقرب قريب تخيلوا وحدة من قريباتي تدعي لي بالزواج مو كذا بس تقول أني مسكينه لأني كبيرة بالعمر آآآآه وآآآآه

تعبت من الناس

لاتقولون خليك قويه أنا وربي قويييية ولاأبين بس المشكلة مو فيني المشكلة بالمحيط اللي حولي لاصارت هذي نظرتهم لي ويش أسوي ياناس

المشكلة الثانية ان جماعتنا من النوع ان البنات مايسمح لهم بحضور الزوجات إطلاقاً الا اذا كان زواج اخوان او أخوال وكذا والخطابة ممنوعة منعاً باتاً وعيب أصلاً وحتى مفضوحة قدام الناس اللي تبي تتزوج عن طريق خطابة وتقعد عيارة للناس الين تموت

الحمدلله انا أدعي ربي بالزوج الصالح لي وللبنات وانا موقنه ان ربي ماراح يردني لكن انا طرحت المشكلة هنا أبيكم تدعون لي لأن دعوة المسلم لأخيه المسلم مجابه

وهذا اللي حفزني أضع مشكلتي أو بالأحرى أسميه طلب
مو شرط تكتبون الدعاء أبيكم تدعون لي من حرة قلوبكم في ظهر الغيب الله يستر عليكم وعلى اهليكم وذريتكم