اكلة فاخرة وأكابرية وكتيييييييييييير طيبة وسهلة وما بدها وقت
بطاطا مسلوقة ومبشورة
جبنة كاسات
دجاج صدور او لحمة ناعمة بس الدجاج اطيب هون
فطر- بصل مفروم ناااعم
كريمة
ملح فلفل جوزة الطيب
نبشر البطاطا المسلوقة بالناعمة وبعدين منخلطها مع جبنة كاسات شي معلقتين "اوووعكن تهرسوا البطاطا بالفرامة او الخلاط"
وممكن تبشروا جبنة شيدر وضيفوها معها كمان
يعدين بتكوروا البطاطا كرات كرات كبيرة او صغيرة حسب الرغبة
وطبعا لاتنسوا تظبطوا ملحها وفلفل ابيض كمان
وفيكن تحطوا شوفان جوا كمان
بتلقوا البصل الناااااعم كتير بعدين التوم وصدور الدجاج المقطعة صغير والفطر وملح وفلفل وجوزة الطيب
يفضل الفلفل هون ابيض بس انا لا استغني بحياتي عن الاسود معه
بضيفوا الكريمة ومجرد ما تسخن بتطفوا النار
هلاء بجاط بيركس اوالمهم جاط بينحط بالفرن
بتصفوا كرات البطاطا بالجاط وبتكتوا الكريمة مع الدجاج والفطركلها حول البطاطا
وبتحطوا على وش كل كرة بطاطا شوية جبنة موزاريلا او شيدر او بارميزان
وبتحطوها بالفرن لتتحمر من فوق شوي
وبالهناء والعافية
خرج ضيوف وعزيمة طعمها وشكلها كتير حلو
"ممكن بعد ما يتقلى الجاج مع البصل والتوم والخضار اللي بدك ياها متل درة فليفلة بتحطوها بالبيركس وبعدين بتصفوا كرات البطاطا فوقهن وبعدين بتصبوا الكريمة وبتكون بحرارة الغرفة عليهن وعالفرن وطبعا جبنة عالوجه ,,ما بتاخد وقت كتير بالفرن بس يادوب لحتى تغلي الكريمة وبعدين حمروا الوجه شوي
و صحة و هنا 