السلام عليكم و رحمة الله
انا اجهضت من شهرين و كان الجنين بعمر 6 اسابيع لكن توقف نموه بعد باسبوعين نزل دم و الدكتورة ساوتلي تنضيف للرحم .. و بعد شهرين ( بعد مرور دورتين شهريات منتظمات ) حملت من جديد الحمدلله و الشكر وانا الان في الاسبوع الرابع دكتورة حللتلي دم ووقالت كلو سليم ماعدا الغدة الدرقية في خمول بسيط النسبة الطبيعية لهرمون الغدة tsh لازم من ربع ل 5 انا طلع عندي 5.7 يعني زيادة بسيطة … ووصفتلي عدة ادوية
فوليك اسيد 5 ملغ
فتامنات ناتال
بيبي اسبرين
تحاميل مثبتتة سيكلوجست عيار 400
بس ما وصفتلي حبة قصور الغدة و الي هو هرمون الثيروكسين 🙁
طلبت اعيد التحليل بعد 10 ايام و اذاضلت النسبة فوق ال5 توصفلي الحب
انا حايفة ومرعوبة كتير و نهاري و ليلي كلو قلق و خوف و توتر خايفة من الاجهاض مرة تانية خايفة يكون سبب الاجهاض الاول هو قصور الغدة حتى لو كان بسيط
خايفة تتكرر معي تجربة الاجهاض المرة نفسيا و جسديا
خايفة اني بهالعشر ايام يلي ما عم عالج فيها قصور الغدة انو يوقف نمو البيبي و يصير اجهاض …
شو ساوي ….
بلش اخد حب قصور الغدة و ما انطر 10 ايام ولا انطر و شوف التحليل
و ليش طلبت دكتورة تحليل تاني خلص ما القصور موجود موجود وما رح ينقص …..
يا رب وكلتك امري …
فيدوني بخبراتكن بترجاكن
انا مغتربة ومالي حدا حاسة بالوحدة
بتشوفي شو بتقلك بعدين اتركي التوتر والقلق لان كل شي بأيد رب العالمين
الله يثبتلك حملك اختي