السلام عليكم ورحمة الله وبركاتة
أخواتي أنا عمري19 سنة أتعرفت على شاب وحبني وأتفاجئت أنه طلب مني الزواج هو مبتعث في أمريكا وأنا حلم حياتي أني أسافر وأكمل جامعتي هناك هو قالي أخطبك وأدخلك معهد أنجليزي وكملي جامعة أنتساب ويوم تخلصين نحضر ماجستير بأمريكا هوا تقريبا أكبر مني بثلاث سنين
أنا كلمت أمي لكن قلت لها أخو صديقتي وأمي قالت الله يقدم اللي فية الخير أتخيلو اليوم كنا نتكلم عن الموضوع فجئة قامت تقول أنتي مكركبة وغرفتك محوسة وماتعرفين شي وماتتحملين المسؤلية قلتلها وقت الزواج كل شي غير اذا بفضل طول حياتي بعيونكم وحدة مو قد تحمل المسؤلية متى بتحملها يوم اصير 50 سنة
وربي جلست أبكي من القهر هو قال بيتقدم لي في الأجازة ذي ويارب يكون صادق معي لكن أبي أقنع أبوي وأعدل رأي أمي كيف وربي هوا جدا محترم ويحب التعليم ومثقف ويحبني وشايف أني محترمة الحمدالله رب العالمين وحلم حياتي أسافر أدرس أكمل أي شي وأهلي عارفين الشي ذا ويوم خلصت الثانوي قلتلهم ودي اسافر الأمارات أكمل قالو لا لمن تتزوجي خل زوجك يوديك للحين أبوي مايدري عن الهرجة لأن باقي ماصار شي رسمي وأمي زي ماقلتلكم قلتلها أن صديقتي كلمتني عن أخوها ممكن أبوي يقول طيب بدون ماأتعب وينكسر خاطري لكن ممكن يكون في أحتمال يقول لا خصوصا أني أنخطبت قبلها لواحد كان يبغى يوديني وادي الدواسر وأبوي رفض لكن أتوقع الحين ممكن يوافق لأن في فرق بين وادي الدواسر وأمريكا الله يخليكم ساعودني بأي طريقة كيف أقنع أبوي بكلام يكون رزين وعين العقل وأقنعهم أني أقدر أتعلم شغل البيت وأهتم بزوجي ودراستي ومحد نزل من بطن أمه متعلم
ثاني شي لو تم هالزواج صدقيني مراح تتهنين مزبوط وبعدين انتي تصدقينن هالرجآل ؟؟؟؟؟؟!!
يختي النت الكل يقدر يغير شخصيتوا فيه من واحد اهبل وغبي لمحترمممم
صدقيني لاتتهوري اثقلي عليه هذا واحد يبي يلعببببب ويستهبل وفاضي وماعنده فلكك واسالي اي واحد عن المبتعثين هناك يعني راح تتعبين مرررررررةة
ومن ناحية الشغل ترا مو بيوم وليله راح تصيرين قدها وقدود اذا ماتعودتي من الحين صدقيني راح تتعبي
من الحين عودي نفسك حتى لو ماتزووجتي لنفسكك .. من الحين ابدأي حبه حبه لكن كذا فجأأه مرة متعب
واحسها حلوة انك قلتي لامك انه اخو صديقتي لكن بفنس الوقت قويه اذا جات وقالتلك هاتي رقم مثلاً صديقتك
او امها تبي تستفسر او حتى بعد الخطبه ويوم الشوفه الشرعيه مثلاً بتقول وينها صديقتك ؟
او بيزل بسانها وبتكلم اهله ع اساس انك صديقة بنتهم وكذآ > انا م اخوفك لكن احطك على الواقع الفجآئي خخ
والله يعيييييينك يختي ويفتح عقلتس للصواب قولي آميييييينن :)))))
ويوم يجي يشوفتس أو بعد الزواج (مثــــــــلن) إنصدم !!!
أنا ي شسمتس ما أحطمتس أبد بس يختي خفت عليتس يعني وخصوصن إننا عاطفيات
يعني نرووووح فيها فعشان تسذا لاتعلقين نفستس فيه أببببد وخصوصن إنتس لسا صغيرونه مثلـــي
يعني قدامتس العـــــــــــــــــــــــــــــــــــــــــــــــ ــمر طويل (مثل المده إلي ب العمر )
وبعدين ي خي ماسمنا منكم كل يوم وحده حاطه مثل هالموضوع ي خي شلون تفهمون إنتم ؟؟ :مخنوق:
وكلام إلي فوقي كفت ووفت أحسها من قلبها توصيتس وتحذرتس الله يسعدها ( كأني عرفتس ي اللي فوقي؟)
أدريبي دايمن أشطح حياتي تسذا أحب القرقره ما أتعب خخ
| مدري والله انا هذي 4 مره ادخل الموضوع ومدري شلون ارد عليج وافهمج >.< ؟ بصراحه ي اختي هالرجال خراطين والله العظيم قبيلي ولا موقبيلي صدقيني حتى لو كان عادي والله هالمواقع مامنها إلا الهلاك .. وبعد الزواج صدقيني كره وكل هممه السرير ولا بيحترمج تدرين ليه ؟ لانج رخصتي نفسج له بكل سسسسهوله الرجال أبد مايححححب هالحرمه حتى لو كان جاد بس يوم يفيق ويرجع لنفسه يحقرها لانه تزوج بهالطريقة وانا قريت مشكله قديييمة وبمنتدى ثاني عن كذا والله العظيم يقول انه تزوج بهالطريقة وشكلها يجنن وكلش والحين حامل بالخامس وانا ابي اطلقها مو مرتاح معهاااا وكل حياتنا شكك ونت وخرابيط.. > هالكلام وايييييييد قديم بس لعل الذكرى تنفع المؤمنين صدقيني هالنصيحه اعتبيها من اخت لج وخليها حلق بأذنج ومهما تأخر النصييييييب صدقيني كل شي ربي كتبه فيه خيييييير وحكمه عظيمه وجليله انتي احمدي ربج وكل تأخيره فيها خيرهـ بس انتي اكثري من الاستغفار وقراءة القرآن وتصدقي وان شاء الله يعوضج بواحد احسن منننننننننه ويسعدج معاه .. =) |
^
كلام عجبني ونسختهه ولعل الذكرى تنفع المؤمنين
(المواضيع متشابهه للمعلوميه)