السلام عليكم ورحمة الله وبركاته
كيفكم بنات
اعجبني القسم هذا لحل المشاكل قلت اجرب واقول مشكلتي وانا متامله
احصلها حل لاتبخلون علي يابنات
القصه ومافيها
ما ادري كيف ابدا بس بقول كل اللي مضايقني وابيكم تقولون لي وش اسوي
اولا: انا متزوجه من فتره بسيطه والحمد لله حياتي عاديه
لكن المشكله والمصيبه في خوات زوجي وش اقول فيهن احس الكلمه قويه بنات تخيلو ان اخت زوجي وحده كبيره عمرها في الثلاثين راعية طلعات ومكالمات وعندها بنات مثلها نفس الطينه لو اقول هذولا ببيتهم
طيب الموجودات عندنا بالبيت 2 مثلهم يكلمون وحده منهم دايم صديقها يجيب لها هدايا وظروف من تحت الباب الشارع اللي يقهرني انو زوجي مو ملاحظ شي ابدا مايشك في تصرفاتهن ويموت باخته المتزوجه الضايعه ولا يجبرني نروح نزورهم وننام عندها
تخيلو مره كنت زايرتها وبعدين لما طلع زوجي طلبت ياخذني لبيت عمتي
واخذني لها وبنفس اليوم بناتها دخلو ولد ببيتهم ابوهن كان معزوم من اللي كشفهم ولد جيرانهم دخل عليهن البيت وطلع الولد وظربه اللين تاب
اللي قهرني في السالفه شنو انو ولد جيرانهم سال زوجته عني قالي هي وينها عندهم بس زوجته قالت له اني رحت لعمتي تخيلو شاك انو انا من نفس طينتهم لو اني مارحت لعمتي وش راح يصير تخيلو لو انهن مدخلاته علي يسونها بايعات انفسهن عادي يبيعني
ااااااااااه تعبت منهم ومصايبهم لو كنت ادري عنهن قبل وربي ما اتزوج ولدهم اللي يقهرني زوجي احلف لكن بالله انو رجال بمعنى الكلمه وطيب مره معاي بس المصيبه بخواته العالم عارفه عن فضايحهم الا اخوانهن
مايدرون عنهن وامهن اللي هي عمتي انسانه عايشه حياتها على بالها لسى بنت مو مثل النسوان الكبار بالسن غريبه مره وش اسوي انا اخاف على نفسي من هالناس بنات اطلب الطلاق واطلع من هالعالم اللي كله فساد قبل ما احمل منه تخيلو بكره اذا ربي رزقني بنات يطلعون عماتهم صايعات وش ذنب بناتي
ابي حل وربي اكرهم مره مره مره عمري ماجبت طاريهم عند زوجي
ولا مصايبهن وش اسوي ساعدوني لاتتركوني
تكفون ادعو لي ان ربي يكفيني شرهن ياحي ياقيوم
اكره الناس اللي كذا وين عقولهن مايخافن الله في انفسهن
ناسيات الله والا كيف يسوون هالحركات كيف يكلمون
الله يكفيني شرهن ويهديهن يارب العالمين
والله يوفقك يارب
انفصالك عن زوجك لو مافهم الوضع افضل لان الي مايخاف الله يسوي اي شيء حتى لو يدبرولك مصيبه حتى تسكتين على بلاويهم وساعتها زوجك مابيصدقك لو قلتيله ان خواته مسوياتها ويشوهن سمعتك المره الاولى الله نجاك 000والله يحميك انشاء الله 0