لا علاقة بلون البول ورائحته بالحمل -الجمل و الولادة 2024.

كثير بشوف موضوعات وعلى جوجل ان الحامل لون بولها بيكون غامق وله رائحه قوية استغربت فاارسلت لدكتور برسالة على موقع طبيب وقلتله على كل الاعراض والادوية الي عندي واني باخد دوفاستون وجلوكوفاج والدورة متأخره 18 يوم فقالي انتظري اسبوع كمان وحللي

سألته عن ان بيقولوا بول الحامل بيكون غامق وريحته قويه وده علامة على انها حامل لكن انا البول صافي عندي ولونه دهبي وعادي طبيعي يعني معناه مافيش حمل ؟؟

فده كان رده عليه

بالنسبة للبول فمالوش أي خوائص ثابتة عند الحمل لأنه بيعتمد على تركيز البول وشرب المياه.

أعراض الجهاز الهضمي تعتبر أعراض جانبية للدوفاستون.

خليكي على الدوفاستون هو فعلا بيستخدم كمثبت للحمل. أنا شايف انك تستخدمي تحليل الحمل المنزلي وتعمليه كمان أسبوع بعد الصحيان من النوم صباحا.

حبيت افيدكم علشان كل المنتظره حمل وتلاقي البول عندها عادي مش غامق ولا له رائحه تقول خلاص مافيش امل لا البول بيعتمد على السوائل الي بتشربيها كتيره او شوية ده الي بيأثر فيه لكن مالوش علاقة بعلامة حمل