السلام عليكم ورحمة الله وبركاته
والله العظيم فيني بكى ودي أبكي
تعبت من نفسي أقسم بالله تعبت
وجهوني انصحوني
ماعاد أطيق حالي
متزوجة
وأم
وقبل لاأكون زوجة وأنا غير عن باقي البنات
كل بنت وهي صغيرة حتى تميل للزينة
تلاقونها تحط روج
تسشور شعرها
اذا كبرت شوي تبدا تطفش امها عشان تشتري اللبس الفلاني
وتبدا تتعلم كيف تحط المكياج
تشوف اللي بعمرها ولا أكبر شوي وتتعلم منهم
المهم انها عندها ميل ورغبة لكل شي انثوي
فيها انوثة وتحب تطلع اجمل وحده .. اكشخ وحده
هذا الطبيعي في البنت
صح!!
طيب لما تكون البنت أبعد ماتكون عن هالأشياء
مخها تنك في خصوصيات البنات
ماعندها ذرة فضول تتعلم
ممكن حاولت كم مرة وطنشت بحكم انها شافت بنات احسن منها
وصار عندها ثقة مهزوزة وتقول مو لازم احط لايضحكون علي
لايكون غبية ومتخلفة وقروية
لو ماحطت كان احسن
وهي طبعا محد قال عنها شي كل هذا يدور براسها بس
وتزوجت وجابت اطفال وهي كأنها رجال
لامكياج ولاسشوار ولاتسريحة بسيطة ولا لبس انثوي
لا ميوعة ولاااااشي يقول هذي انثى
هذي شيسمونها
جاية من المريخ؟؟
هذا أنا
ءبغى أتعلم
بس احساسي يقول ماراح تتعلمين لازم يجي احد يوقف على راسك ويعلمك
كل أحاسيسي ضدي
أطلع من الأربعين كأني عجوز
لامشاغل ولا مكياج
زوجي طبعا مايقول شي
لكن انا لما أشوف حريم أصحابه أتندددددددم
كلهم يعرفون يهتمون ويلبسون
إلا أناااااا
والله تعبت نفسيتي محطمة كررررررهت نفسي وأنا أصلا ماعمري حبيتها
بيتي مو نظيف وأنا الشعر يقعد بيديني ورجولي أشهر لين أرحمه وأشيله
شعري كشة
نحيفة وأبغى أمتن بس ماسويت أي مجهود
ماحاولت أمشي على نظام يزيد وزني
شعري تعبااااان وقصييير
الحمدلله ملامحي حلوة وبشرتي كويسة
بس وش فايدتها إذا انا مهملتهااا
أغار والله لما أشوف الحريم مطولين شعورهم
وصابغين ومهتمين بأدق التفاصيل
كيف حتى أظافرهم ومناكير
وأنا ولاشي
تخيلوني بالله
لو تشوفوني وش راح تقولولي
والله يازوجي إنه يستاهل الإهتمام ويستاهل أصيرله عروس
بس دايم كلام مجرد كلام
مافي تطبيق
يابنات كل شي فيني تعبان
وأنا لسى صغيرة
الحمدلله يارب الحمدلله الحمدلله الحمدلله
تعبان قصدي من ناحية جفاف ونحف وسمار
آآآآآه بس وربي زهقت من نفسي
حتى اللبس نفسي ءعرف كيف انتم تختارون ملابسكم وملابس أطفالكم؟
كيف تعرفون الموضة ايش؟
كيف تنظمون ءنفسكم طبعا بدون خدم؟
كيف تفضون تهتمون بأنفسكم أبغى أعرف
يعني متى أشيل الشعر ؟ متى أسوي أظافري ؟ متى أسوي زيت لشعري ؟ كيف أحط الكحل
وتصير عيوني واسعه؟
كيف كيف
وش أشتري لوجهي وش أشتري لجسمي
عندي جفاف وعندي سمااار وكلف
أبغى كلامكم انتم ماأبغى كلام المنتديات
اللي فيكم مهتمة تقول كيف مهتمة بنفسها
لأني اذا شفت حرمة مهتمة بنفسها أحقر نفسي
وودي أسألها بس فششششششلة والله شقووول أصلا وكيف نظرتها بتكون لي !!
اخواتي حاولت فيهم يعلموني بس طنشوني لأني المفروض أفهم بهالأشيا أكثر منهم وخاصة انهم مو متزوجات
آآآسفة طولت عليكم
سامحوني
ماعندي مشكلة في التهزيئ بس صدقوني مايأثر فيني للأسف الشدييييد
ليش الكسل والاهمال !!! من كلامج تبين لي انج ما تشتغلين يعني عندج وقت تهتمين فيه بنفسج
متى أشيل الشعر ؟ شعر الجسم مرة كل شهر ممكن تشيلينه
متى أسوي زيت لشعري ؟ مرة كل اسبوع او كل اسبوعين حسب نوع الشعر
بعدين فيه بعض المشاغل تسوي دورات تعليم مكياج وشعر
خذي الدورة بتستفيدي ان شاء الله
واذا مب حابة تتعلمين على الاقل كل شهر روحي ع المشغل وغيري اللوك سوي تنضيفات بدكير ومناكير وغيري بشعرج
موفقة
استغفر الله العظيم الذي لا إله إلا هو الحي القيوم و اتوب اليه 
تعرفي متى حتفوقي وتتغيري 180 درجة؟
لاسمح الله زوجك قالك انا بتزوج
حتلقي نفسك بين الحمامات المغربية والمشاغل والأسواق
قبل دا كله وقبل يجرحك
الحقي نفسك
ترى الرجال ادا صبر يطلع حق صبره كله
يعني ياخد حقه كامل
ويتركك محطمة ومكسورة ومكتئبة
ولاحيهمه.
لو عالعناية ايش ماكانت متعبة هي مرة سهلة
زيت عالشعر والجسم وتدخلي في حمام ساونا < تشتريه خيمة مع منفاخ مع جهاز البخار
هو يعلمك كيف تستخدميه
كل أسبوع
وتدعكي بموية حارة
وتغسلي شعرك وتحطيله بلسم وهو مبلول لفيه مكر لين ينشف
صعبة؟
وعالتسمين كل يوم تمارين ماتتعدى النص ساعة
بالكتير نص ساعة
حتلقي نفسك جيعانة اشربي حليب على قول الأخت وكلي أشياء دسمة ومعجنات
مو لازم تسشوري شعرك كتير
أهم شي تعتني فيه
مرة في الشهر تشيلي شعر الجسم وتسشوري كتغيير
فيه اشياء كتيرة
مناكير ملابس ناعمة وحلوة زبطي شعرك حطي ماكياج خفيف < تطلعي حلوة قدام نفسك وزوجك
وكل عنايتك خليها وقت زوجك في الدوام علشان لما يرجع يشوفك جاهزة
كل الأمور سهلة جدا بس انتي يائسة
ايش يعني لو سألتي؟
مارح يقولو عنك شي
بالعكس راح تشوف نفسها وتفرح وتقولك أغلب اسرارها
وربي يوفقك .
هداك الله اضنها وسواس نفسية من داخلك ِ
زوجكك يستحق الكثير الى متى وانتي مهملة بنفسك
الى ان يخرج الى الخارج ويرى المناضر الخارجية
ويحبها وبعدها اكيد راح تتحركي لكن بعد فوات الاوان
اسرعي الوقت ك السيف وزوجك صبور والصبر له حدود .
من تروحي مجمعات تلاقي اصلا اللبسه تكون منضمة من نفسها
او تلاقي كتالوج منضم تاخذي اللبسه كامل وعليكي تختاري مقاسم وتدفعي الحساب
او تلاقي بالمجمع نفسه هناك أمراة تنظم وترتب انا عادي أستشيرها
من ناحية من افضل هذا اللوان او اللون .. من افضل هذه القطعه او القطعة الاخرى
وممكن تساعدك اختك بنت خالك صديقتك أي مقربة منك ..!
والكحل واالاشياء هذه مره راح تحطيها خطا وبعدها تتعلمي
وتعرفي شو الي يناسبك او لا
الكحل الاسود للعيون الوسيعة
الازرق والابيض للعيون الضيقة
وتسألي العامل الي يشتغل بنفس المكان
قولي انا ابغي كذا ..ابي مفتح للبشره انا بشرتي سمراء
يعطيك الدرجة الي تناسبك هو خبير ما فيها مشكلة ..
الله يساعدكك
آنتي والله مكبرا المسأله كأن هذي الشغلآت يبيلهآ درآسه وشهآده ..
يـآ حبيبتي ترآهآ آمور طبيعيه كلنآ تعلمنآهآ وجربنآ الي ينآسبنآ ومشت آمورنآ ..
آسمعيني يالغـآليه ..
آنتيٍ يبيلك شوي آهتمآم وتغيرين كل حيآتك ..
آولآ خلي عندك صآبونه دوف آذآ تعرفينهآ هذي طبعآ الصآبونه لوجهك آول مآتصحين غسلي 3 مرآت ..
تعطي نظآره وشكل آفضل ..
وآشتري منشفـه للمنآطق الحسآسه ..^ومنشـفه لوجهكـ .. هذي خليهآ للأستخدم الدآيم ..
آلزيووت روحي للعطآره وشوفي زيت السمسم آو الخروع وكثير زيوت قـولي آبي زيت يطول الشعر يكثفـه ..
وحطيه مثلآ بالاسبوع مرتين آو مرآ طبعآ يوم مآيكون زوجك موجود آفضل .. حطي الزيت بالتحديد ع فروه رآسك وبعدين آمسحي شعرك كله وتعرفين السفره العآديه حقت الطعآم.؟ هذي ذي خذيهآ ولفيهآ على رآسسك لفي 2 عشآن لآينزل على رقبتك ..وآجلسي تآبعي التلفزيون وآنسي موضوعه وخليه برآسك كم سآعه .. بعدهآ خذي شورً بشآمبو وبسلم ..
طبعآ هذآ بالنسبه لشعر
_
الامر الاخر بالنسبه لوجهك .. ورقبتك ويدينك .. آنآ مآنصحك بكريمآت تدرين ليش لآنهآ حوسه تخلينهآ يخرب وجهك يعني بالاصح يتعود عليهآ .. وآنتي دآم بشرتك تمآم مآنتي بحآجآت كريمآت وقروشه ..
يكفيني آقلك كل يومين آستخدمي الزبآدي .. حطيه على وجهك ويدينك ورقبتك لمده 20 دقيقه بالضبط ..
وحطي وقتهآ على شفآيفك فآزلين .. وبعد عشرين 20 غسلي وتشوفين كل يطلع شكلك نظآره وجمآل مو طبيعي ..
هذآ بـ النسبه لوجهك ..
_
بـ النسبه لجمسك زي مآعرف الجسم الجسم شئ مهم ببيت الزوجيـه ولم يكون اهتمآمك كبير.. يدينك وآلآبط ورجلينك شيليهآ بـ الحلآوه مع بدآيه الشهرً وتجلسين شهر كآمل مرتآحه .. يعني صدقيني هي بسيطه بس آنتي مكبره المسأله آنآ مع بدآيه كل شهر آشيلهآ والشهر كله مرتآحه .. ب النسبه للمنطقه الحسآسه.. آشتري الموس الي بصآبونه وشيليهآ فيـه .. وبعد مآتشيلي الشعر وكذآ خذي لك شـور..
وحطي كريم مرطب ع جسمك كآمل..
_
وألبسي آحسن لبس عندك وآكشخي.. ويطلع مآفيه زيكك…
باي
حتى انا رغم صغر سني اني لا اميل للانوثة فشيء بنات عمي تعبو معي ينصحوني
وانااا كاني رجاال
حتى لو اني حاولت مرة او مرتين اني شوي اهتم بنفسي وبعدين امل ماعندي نفس اكمل
في حياااتي مارحت لصالون حلااقة
بس مرات اتعلم احط كحل او ملمع شفااه رغم الانتقادات لي من قريبتي على اساس مش حااطة صح اني اني ما اسمع لهم
ان شاء الله ابنات يفيدوك خيتو