السلام عليكم انا مشكلتي يمكن تكون تافه عند البعض انا لي تسع شهور متزوجه وقبل الزواج واعدني زوجي نقضي شهر العسل في ماليزيا وكل شويه يقولي راح نروح ونروح وانا خلاص اتأملت ان نروح لدرجة انه حجز التذاكر وبعد الزواج اتفاجأت يقولي ما معي فلوس نروح يادوب نروح اسبوع داخل السعوديه لان الفلوس كلها راحت تكاليف الزواج هذا كله عادي
لكن اللي قاهرني ان التكاليف الزايده هذي كلها بسبب اهله يعني كان الاكل من احسن الفنادق واحسن مطربه واحسن تقديم وهذا كله من جيبه وانا قلت له ابغى الزواج يكون عادي اهم شئ احنا نبسط بعدين
والمشكله هي انه انا ماني قادره اسامحه في الشئ هذا ودايما اسوي مشكله عند هذي السفره اخرها اليوم والله موبيدي بس احس اني مااتهنيت وانا عروس زي باقي البنات وبسبب عمله جلس معي اسبوعين وراح داوم وماحسيت اني عروس الا لاسبوع واحد
ارجوكم انصحوني اذكنت على غلط وقولوا اي شئ يخليني انسى هالشئ ومااسوي مشكله منه
انتظري ربي يفرجها عليه ويسفرك لاتضغطي عليه عشان لاتكوني عروس ومال منك بسرعه
اهي اختي لها 3 سنوات تقريبا متزوجه ومعاها بنت وولد ماشاءالله
وهو وعدها يوم تزوجوا شهر العسل بماليزيا
وللحين ماشافت شي خخخخخخخخخخخ
بس لسه عندها امل
قالت بوقف معاه للأخر ومصيرنا اذا ربي اراد بنسافر واذا مااراد مو خير يمكن
واهي باعت حتى ذهبها عشان توقف معاه بأزمته الماليه
ولو شفتيه شايلها بعيونه والله يشهد علي انه حاطها في عيونه وشايل لها جميل مساعدتها
وحتى لما يتزاعلوا هو الي يجي يراضيها كلها عشان ساعدته وصبرت عليه
صبرك عليه لاتخليه يمل منك وانتي توك عروسه
بس هذا ما يعني انك ما تكلمينه
بس بشرط تكونين هاديه واعصابك زينه وهو كمان يكون هادي
كلميه على رواق
قوليله الصراحة
قوليله ان السفره بنفسك
وانه هو مارح يخلي شي بنفسك بدون ما ينفذه
فهميه انك بتصبرين عليه عادي بس على وعد انه ما يخذلك
اول ما تصير فرصة يسفرك
ويعوضك خير عن الفلوس اللي صرفها عشان اهله 🙂
هذول هم الرجال , اصبري وانا اختك
عاد قبل فترة سافرت صح مو ماليزيا بس يالا سفرة غيرت جو
يعني اصبري وان شااالله بتسافري والايام جايه لاتخلقي مشاكل وبعدين يحلف عليك ماتسافري
الله يوفقك ويسعدك
جزاكم الله خير كل اللي ردت عليه