السلام عليكم ورحمة الله وبركاته
مادري من وين ابدا لكم الله يعلم اني اعتبركم خواتي وهالمشكله مأزمه علي حياتي
مشكلتي هي اني بطبعي اجتماعيه كثير واحب اتعرف على بنات ولمن كنت بالمتوسط كنت اتعرف على بنات غير صديقاتي والله يعلم بس ك صداقه وصاروا البنات يفهموني غلط وكانوا يقولون عني معجبه ومن حزتها دخلوا هالفكره ببالي وكنت ماعرف افكر زي الحين يعني تعرفون حركات المتوسط وصرت اخذ الموضوع بإعجاب وكان فيه بنات يجوني كمعجبات وكانوا يجوني ك لعب وأحس صاروا البنات يكرهوني ويقولون عني غبيه ومخفه ويوم دخلت الثانوي والله شلت هالفكره من بالي خوفا على سمعتي وكل ماامشي مع بنت وربي ماخذها الا كصديقه مازالوا يتكلمون عني وهالمشكله حيييييل متعبتني بحياتي ونقلت لمدرسه ثانيه وكمان مازالوا يتكلمون والله ماتدرون وش قد يخنقني كلامهم مع اني تغيرت بس مو راضين يصدقون حتى الجامعه مابي اسجل فيها عشان مالاقي بنات ويتكلمون فيني ويخربون سمعتي عند بنات الجامعه
اسفه عالإطاله اتمنى تساعدوني جد بحاجتكم
تكفون ساعدوني والله مالي الا الله ثم انتوا
الله يعينك انا مجربه كيف يتكلمون عني بالمدرسه واحس بضيقه لما يتكلمون عني
وقفيهم عند حدهم وكلمي المديرة وهي تكلمهم هاذا احسن حل
قولي للمدييرة انهم يتكلمون عن سمعتي ويقولون اشياء ماهي فيني وبس ..
وابتعدي عن اي شي يثير الشبهه فيك
دعواتي لكم
ماعليك من احد فترة وعدت وتبتي خلاص ماعليك منهم
سجلي وكملي تعليمك ماعليك من احد انتي غيري وجهة نظرك بنفسك
بعد كذا البنات غيروها والناس مايرحمو بكل الاحوال تضيعي عمرك ومستقبلك عشانهم
والله محد يرحمك لو بتمشي ع كلام الناس يودوك مصحه نفسيه
صادقي لك صديقات كويسين وامشي معاهم ترى البنات يقيموك بصحباتك حتى لو كنتي كويسه
|
المشاركة الأصلية كتبت بواسطة أميرة الذووووق
 واثق الخطى يمشي ملكا
ماعليك من احد فترة وعدت وتبتي خلاص ماعليك منهم سجلي وكملي تعليمك ماعليك من احد انتي غيري وجهة نظرك بنفسك بعد كذا البنات غيروها والناس مايرحمو بكل الاحوال تضيعي عمرك ومستقبلك عشانهم والله محد يرحمك لو بتمشي ع كلام الناس يودوك مصحه نفسيه صادقي لك صديقات كويسين وامشي معاهم ترى البنات يقيموك بصحباتك حتى لو كنتي كويسه |
كل مايقال عنك من الغيره منك
بالتوفيق غلاي