السلام عليكم
مشكلتنا بختصار عندنا شغاله بطيئة جدا وبنفس الوقت شغلها حلو
هي فقط مسؤله عن اعمال النظافه مالها شغل بالطبخ أو الاطفال
المشكله تنام الساعه12وتقوم4ونصف
انا احس فترة نومها قليله بس امي رافضه انها تتاخر في وقت الصباح وانا احسه ظلم ماتاخذ كفيتها
شورا علي ايش اسوي امي الله يخليها عنيده وهي بطيئه انا ارمله وعندي اطفال واكون مشغوله مع اطفالي
ايش الحل برايكم
اخاف من الظلم
والظلم مو زين … حاولي تكلميه ان تكون اسرع بأنجاز عمله
موفقين
وسئلتها اذا تاخذين راحتك بالنوم قالت ايه
مع أن مره في الاشياء الثانيه مانظلمها الاكل اللبس مواد العنايه كله منا
بس هي مشكلة نومها
يا الله .. بجد حرام هي إنسان وتحتاج للراحة عشان تعمل لكم من قلب
وبعدين التنظيف شغلة كبيرة خصوصاً البيت فيه أطفال وين بتلحق لتلحق
وقلة نوم لا أحس ضروري تنام على الأقل 8 ساعات ولها عليهم ساعة استحمام وساعة للعناية بنفسها
وساعة تشوف شؤنها الخاصة ولا تحملوها فوق طاقتها
يعني تتركون لها على الأقل 12 ساعة لها هي وبكيفها تنام فيها تغسل ملابسها تخيط تسوي اللي هي تبيه فيها ..
ارحموا من في الأرض يرحمكم من ف السماء
لا تسهرونها حاولي تدخليها تنام من بعد صلاة العشاء
وبعد الغداء عطيها ساعة او ساعتين تنام فيهم
والله يجزاك كل خير ويوفقك أمك قولي لها هذي شروط المكتب وقانون ربنا بيحاسبنا عليها
حنا وقعنا على الشروط وحاولي تكرمينها بينك وبين نفسك بلبس جديد أو هدية صغيرة عشان تحس فيه أحد بيحس فيها وساعدوها بتكنيس الغرف او تمسيح النوافذ أو غسيل الحمامات بعد الصغار مو كل مر عليها لوحدها
موفقة يارب