السلام عليكم بدخل بالمشكلة أنا توي داخلة العشرين، اول سنة جامعة، مشكلتي في مظهري الخارجي، الحمدلله اعلم ان الله خلقنا في احسن صورة بس الناس مايفهمون هذا الشيء وكثير يخلون المقياس هو شكلك، انا ماني بيضاء ولاسمراء مرة يعني وسط، عيوني ماهي صغيرة نتفة ولا كبيرة مرة، وسط وعادية احيانا اشوف ان عيوني جميلة لان بؤبؤة عيني السوداء كبييرة واحيانا اشوف نفسي اقل من العادية، انفي كبير الصراحة وهذا نقطة ضعفي، شعري الحمدلله ناعم، بس خواتي الباقي احلى من بكثير يعني اختي الكبيرة صحيح خشمها كبير بس أنا خشمي اكبر وهيا ماشاءالله بيضاء وعيونها فاتحين مرة وشقرا وهذا شي يجذب دايم الناس يقولون لها انت تهبلين وان شاءالله تجيبين بنت تشبهلك وكذا اختي الثانية سمراء بس كانها هندية يعني عيونها كبيرة مرة وخشمها سلة سيف وتهبل يعني، كل وحدة من خواتي فيها شي يجنن الناس عليها، بس انا لمن اطاالع نفسي ادور شي حلو في شكلي مالقى طبعا خواتي الثنتين متزوجات من صغرهم احمد الله واشكره ع الصحة والعافية كثير ناس محرومين منها بس تدرون ان الله جميل ويحب الجمال وانا بنت وفطرتي وانوثتي ومجتمعي وكل شي يخليني ابحث عن الجمال في شكلي والله ساعات اجلس ابكي وتنتفخ عيوني من القهر انا ماخترت اكون كذا ليه الناس يجرخوني بكلامهم، خواتي يقولون لامي عني : هي طالعه ع مين؟ تشبه مين؟ منين جايبة الخشم؟ مع انب عايلتنا موكلهم خشومهم حلوة بس يعني كلهم احسن مني، وامي ترقع السالفة وتقول لالا بيزين شكلها وووو واصلا لمن تقول كذا تجرحني اكثر لان لمن تقول اني راح ازين تحسسني اني بشعه، واحيانا لمن اندمج بالسوالف واضحك ويتوسع الانف امي تتأمل فيني وتقول لاخواتي شوفول شوفول صارت تشبه فلانة، تقصد وحدة من عايلتنا خشمها كبيييييير وموحلوة مثل حالتي، بس انا اقسم انا ناشبهها كثير عيوني اكبر من عيونها ولوني افتح منها اللهم الشبه في كبر الخشم ومع ذلك اسكت وش اقول وحتى ضخكتي تختفي تعقدت نفسيا وش اسوي احس استحي لمن احد يحط عينه بعيني احس فيني شي غلط مابي الناس تشوفه مدري وش اقول بس بكل بساطة الانثى لمن احد يحسسها انها قبيحة كل ثقتها تتزعزع واحاسيسها واحلامها الجميلة تتحطم وكل شيء
وترا امك لما تشبهك مو يعني انك بنفس درجة جمالها ، لا
احيان تلاقين وحده قمة فالجمال وتشبه وحده غير جميله كذا سبحان الله يكون فيها شي لمحه تذكرك
وترا انتي لما تشوفين نفسك جميله هالشي يعطيك اشراقه وجمال اهتمي فنفسك وخلك واثقه ولا عليك من اي احد هذول الفلبينيات والكوريات خشومهم مسح ومع هذا ثقه وجميلات
انت بطلي تشوفين خشمك لانك ماراح تشوفين في المرايه الا هو ومثله الاسنان ولا الاذون كلها لما تدققين فيها تلاقينها كبيرة وبشعه ع حسب احساسك ومار علي هالشي في فترة من حياتي انت تجاهليه خلاص انت حلوة بس لو خشمك اصغر كنتي احلى احساسك وهذا شي عادي
لما نقول فلانه حلوة بس سمرا ولا بس عيونها ولا بس فمها ولا ولا
عادي ترا والناس تركز اكثر ع العيون بمعنى النظرة والابتسامه ولا الخشم مو مهم
خلك واثقه من نفسك واحمدي ربك ع العافيه
ولاتقولينه عند احد لانك تخلينهم يلتفتون لشي مانتبهو له وتخلينهم يتخيلونه معك
واذا اهلك علقو ماعليك منهم قولي بالعكس يجنن احس اني مميزه ولاتلتفتين لهم وغريبه من خواتك هالحكي
ربي يهديك
وبيدك هذا الشي انك تغيرين رأيك بنفسك
ناظري نفسك بالمرايه بالعكس بدل ماتقولي موحلوه وتبشعي بنفسك امدحيها وخلي ثقتك بنفسك عاليه ..
كل يوم قولي انا حلوه وماهمني احد وخليها نابعه من داخلك مو بس نطق وشوفي كيف راح تتغيري بس انتي عودي نفسك على الشي الايجابي مو السلبي
أذا كانت نعومة وأنيقة ومرتبة وشكلها عادي أو مو حلوة مره تلفت نظر والنَّاس يقولوا
ماشاء الله ع أناقتها ونعومتها ،، أما أذا كانت غير مرتبة ودفشة والذوق في طريق وهي في
طريق وكانت جميلة الناس بيعيبوا عليها بيقولوا أو شفتيها مرره مخربة نفسها مرره مو
باين عليها أنها بنت ومن هذا الكلام ،، وحبيبتي الناس اللي عندهم عقول صاحية
مابيقولوا هاذي شينة وهاذي زينة لأنو مو هي اللي أختارت كيف تكون خلقتها ربي خلقها
والمفروض تكون راضية بخلقتها لأنو ربي مانقص عنها شي ،، بيشوفوا كيف لبسها وكيف
أناقتها وكيف هي تبرز جمالها وتكون واثقة من نفسها ،، وبالتوفيق حبيبتي …..
لون بشررتك فيه بنات كثير شفتهم بالكلية يسوو تان عشان يصيرو زيو متخيلة !
بالعكس الحنطي ماشاء الله لون حلو والله ،، جربي اصبغي شعرك زيتي وحطي ميك اب ينحت الانف مره راح تطلعي اجمل كثير شفته على بنات ما شاء الله جميلات جدا على ان الناس تقولي انا جميلة والله انا بنظري هم اجمل مني وانا بشرتي فاتحة بس اشوف اللي بشرتهم حنطي اجمل ،،!
الناس كذا ما يقتنعون او يرضون استغفر الله والله واحنا البنات كذا كل مره يعجبنا شيء ولا نشوف انفسنا !
وبعدين امك قولي لها لا تضحك على الناس عشان لا يبتليها الله بنفسها ،،!
صورة الصبغة اللي اقصد زيتوني غامق مائل لرمادي هههههه شيء زي كذا لو امك تسمح اصبغي واسالي الكوافير اول ،، غيري بلوكك شويه راح ترتاحي شويه ويعجبك اكثر بس برضه الخلقة من ربنا ولما نتضرر من حكم الناس علينا لا نحكم على الغير واي احد يحكم ننبه لاننا عرفنا مضرته ،،!
انا شفتها على الحنطيين مره تجنن ما شاء الله ،، كلمي امك لو قدرتي كان بها ماقدرتي مره ثانية ان شاء الله
|
المشاركة الأصلية كتبت بواسطة ريفية
 تصدقين انك معقده نفسك بنفسك يعني مثلا خشمك افريقي؟ طيب وحتى عادي جدا وطبيعي
وترا امك لما تشبهك مو يعني انك بنفس درجة جمالها ، لا احيان تلاقين وحده قمة فالجمال وتشبه وحده غير جميله كذا سبحان الله يكون فيها شي لمحه تذكرك وترا انتي لما تشوفين نفسك جميله هالشي يعطيك اشراقه وجمال اهتمي فنفسك وخلك واثقه ولا عليك من اي احد هذول الفلبينيات والكوريات خشومهم مسح ومع هذا ثقه وجميلات انت بطلي تشوفين خشمك لانك ماراح تشوفين في المرايه الا هو ومثله الاسنان ولا الاذون كلها لما تدققين فيها تلاقينها كبيرة وبشعه ع حسب احساسك ومار علي هالشي في فترة من حياتي انت تجاهليه خلاص انت حلوة بس لو خشمك اصغر كنتي احلى احساسك وهذا شي عادي لما نقول فلانه حلوة بس سمرا ولا بس عيونها ولا بس فمها ولا ولا عادي ترا والناس تركز اكثر ع العيون بمعنى النظرة والابتسامه ولا الخشم مو مهم خلك واثقه من نفسك واحمدي ربك ع العافيه ولاتقولينه عند احد لانك تخلينهم يلتفتون لشي مانتبهو له وتخلينهم يتخيلونه معك واذا اهلك علقو ماعليك منهم قولي بالعكس يجنن احس اني مميزه ولاتلتفتين لهم وغريبه من خواتك هالحكي |
اسمعي لرد عزيزتي ريفية 
جزاها الله كل خير
من وصفج لنفسج تخيلتج جميلة و حلوة … لكن مشكلة الانسان طماع ويبا يكون كامل في كل شي
وصدقيني لو ما كانت عندج مشكلة انفج وكنتي تشبهين اختج الثانية بتقولين معقدني سماري يعني بتدورين على اي شي يضايجج
مرة قريت انه الانف عبارة عن دهون وممكن تصغيره بخلطة الزنجبيل دوري عليها في النت وجربيها
موفقة
استغفر الله العظيم الذي لا إله إلا هو الحي القيوم و أتوب إليه 