الروايه تحكي قصة حياتي مع قليل من الخيال
مش كل شي فيها حقيقي ……
الجزء الاول
الام: كيان جهزتي شنطتج ماباقي شي على سفرج كلها كم اسبوع
كيان : يوه ماما مالي خلق بكره برتبها باقي وقت
الام : لا يلا قومي معاي خل نرتب شنطتج وبلا كسل انا مدري اذا رحتي هناك شنو بتسوين
كيان : طيب نشالله
رن التليفون
الام:يلا سبقيني على فوق بروح اشوف مين على التيلفون
(كيان عمرها 18 توها متخرجه من ثنوي طلع لها قبول في جامعة طيبه في المدينه المنوره وهي في الدمام ، هي من الدمام)
في بيت ثاني …….
احمد: يمه منو تكلمين في التلفون؟
ام احمد:خالتك احلام بنتها بتسافر بعد اسبوعين
احمد: اي بنت؟
ام احمد: كيان
احمد: بروحها؟! وين بتروح ؟ وكيف اهلها يسمحون لها .؟؟
ام احمد: اي بروحها بتروح تدرس مابتروح تصيع وبعدين شفيها لو راحت كاهم خواتك وحده بلندن ووحده بأمريكا اشوف محد تكلم
احمد: يمه مو قصدي يعني كنت افكرها بتسافر حق صياعه ووناسه ماكنت احسب دراسه ، الا وين بتروح ؟؟
ام احمد: طلع لها قبول في جامهة طيبه في المدينه المنوره
احمد: وليش ماراحت بعثه مو احسن لها ؟
ام احمد: نسبتها في القدرات والتحصيلي ماتأهلها علشان تروح بعثه
احمد: هه شكلها كسلانه ؛ يلا مع السلامه
وطلع
(ام ممحمد احلام وام احمد صديقات بالحييل)
ام محمد: كيان شوفي شنو بتاخذين من هالاغراض ملابسج خلصناها باقي خرابيطج
كيان: طيب روحي ارتاحي وانا بحطهم
الام: بروح اشوف اختج نهال شنو سوت بواجب الرياضيات واتي اذا خلصتي نزلي علشان بنحط الغدا
كيان: ماشي ي روح ألبي
وهي ترتب اغراضها وتحط اللي بتاخذه من مكياج ومناكير وشوزات رن جوالها
سارا: ي حمارا وينج عني طول العطله مختفيه تعالي لي اللحين ابيج يلا
كيان: وعليكم السلام ي كلبه هذا اول شي ثاني شي مااقدر لاني قاعده ارتب شنطتي للسفر
سارا : ليش متى بتسافرين ؟
كيان: آآآآآآه بعد اسبوعين ؛ تعالي عندي انتي للحين انا ماتغديت تعالي تغدي معاي
سارا : طيب بشوف امي وارد لج خبر لاني ابي اشوفج قبل ماتسافرين
كيان :يلا اللحين علشان اروح اخلي الخدامه ترتب المجلس
سارا: اوكي
سارا: الو كيان
كيان: هلا بتجين ؟
سارا : اي اللحين بروح اجهز واججي بس ابي اروح الشاطئ مول
كيان: طيب يلا تعالي ونطلع
في بيت ام احمد
بشاير: يمه وين احمد ابيه يذاكر لي رياضيات
الام: طلع شوفي فيصل في غرفته خل يذلكر لج ويلا علشان تتغدوون
بشاير: انشالله
( بشاير ونهال بنفس العمر سادس ابتدائي وبنفس المدرسه وهم اصغر اخوانهم )
(احمد 27 سنه اكبر اخوانه مهندس متخرج من أستراليا وصار له سنه من توظف)
(فيصل 25 سنه يدرس بجامعة محمد بن فهد)
(اميره 23 تدرس في بيرطانيا وهذي اخر سنه لها)
(جميله 22 سنه تدرس في امريكا وباقي لهاا سنتين )
عند كيان وسارا
بعد ماوصلت سارا وقعدوا في المجلس وتغدوا ركبوا فوق لغرفة كيان علشان يكملون باقي الاغراض ولم خلصوا راحوا الى الشاطئ مول
في الشاطئ
سارا: ابي اروح سنتر بوينت عاجبني كولينسر من هناك ابيه
كيان: طيب انا بعد ابي مكياج بس بعد مانخلص ابي اروح بلاك اند وايت ابي مكياج من هناك
سارا: المكياج اللي موجود في سنتر بوينت موجود في بلاك اند وايت صح؟
كيان : اي تقريبا بس خل نروح يمكن الكولنسر مش موجود
اماا عند احمد كان قاعد يفرفر بسيارته مو عارف وين يروح بس حاس انه طفشان
دق على صديقه عبدالله
عبدالله: شفيك داق
احمد: مدري طفشان
عبدالله: تعال لي انا بالشاطئ مول مع اختي وطفشتني تعال فكني منها
احمد: طيب يلا مسافة الطريق
ام محمد: محمد روح اشحن الشنط ماباقي شي وتطير الطياره
محمد: اي ماباقي شي ؟ ماما ترى باقي ساعتين
– وانت شعليك روح اشحن الشنط
– طيب ابوي وينه ؟
-راح يقطع البوردنق
– اووووووووف شكثر الشنط ابي افهم ليش جايبيين هالكثر شنط ؟
كيان: لا احلف قول والله يعني تبيني اقعد هناك بدون ولا شي
محمد: انطمي انتي محد كلمج وطلب رايج
كيان بعصبيه: ي خايس احترم ننفسك ي كلب تراني اكبر منك
محمد: هه ترى كلها سنتين ونص ذليتينا فيها ترى
ام محمد: وبعدين معاكم فشلتونا حتى بالمطار تتناقرون انت روح اشحن الشنط وانتي ذلفي داخل قاعة المسافرين مع اختج وروحوا فطروا
كيان: اوووف حتى الاكل بالغصب النوم بالغصب الكلام بالغصب مدري شالعييله
الام: كيان روحي مع اختج لا تعصبيني
راحت كيان بعد مااخذت البوردنج حقها وحق اختها من عند ابوها
الساعه12 اقلعت الطياره
اول سيت كان فيه كيان ومحمد
الثاني الام ونهال
الاخير الابو وكان قاعد جنبه وواحد مصري مليان شوي
الساعه 2:10 هبطت الطياره ونزلوا وهم يستنون السواق
الابو: قعد جنبي واحد مصري متين وريحته استغفر الله والمصيبه انه نام ومال علي فعصني بالموت اتنفس كتم انفاسي
كيان ونهال ومحمد:ههههههههههههههههههههههههههههههههههههههه
الام:يلا وصل السواق
وصلوا الفندق ارتاحوا وعلى المغرب طلعوا يشوفون شقة كيان ومنو راح يسكن معاها
ثاني يوم راحوا نظفو غرفتها وشروا لها مكتب وسجاده وستاره وكل الاشياء اللي تحتاجها
يوم الجمعه موعد طيارة ام محمد ونهال ومحمد
كيان مسويه نفسها زعلانه ولا تبي تكلم احد ولا سلمت على امها واخوانها علشان ماتبي تودعهم
يوم الاحد اول يوم دوام لها في الجامعه الساعه 6 دخلت يقين عليها الغرفه وبروعه :
كييييييييياااااااااااااااااااااان ماقممتتتي السواق تحت
كيان: ها !مين ! اي سواق؟
(يقين ساكنه بالدور اللي فووق وكيان بالدور اللي تحت وهي اكبر منا بسنه وتعرفها من قبل لانها صديقة بنت خالتها)
يقين: السواق وصل ويقول يدق عليك ماتردين
-اي لان جوالي صامت
– طيب يلا قومي بسرعه
قامت كيان بسرعه ي دوب بدلت ملابسها وغسلت واخذت مكياجها حطته في الشنطه
اول ماوصلت الجامعه سألت البنت اللي كانت معاها بالسياره
:وين الحمام؟
البنت: تلاقينه هناك اخر الممر على ايدك اليسار
– اها اوكي شكرا
– تبيني اروح معاك
– عادي براحتك
راحوا الحمام طلعت كيان شنطة المكياج
البننت: مامداك تحطين لك
– ههههههههههه لا اصلا وصل وانا كنت لسه نايمه
-ههههههههههههههههههههههههههههههه
حطت لها بلشر وردي وماسكارا كثفت رموشها وروج بيج على وردي
البنت: خلصتي؟
– ايوه
-طيب انا بروح اللحين لاني تاخرت على محاضرتي اذا احتجتي اي شي كلميني
– مشكوره ماتقصرين
راحت كيان الى مبنى التحضيري دخلت زي التايهه مو عارفه وين تروح لمحتها بنت من بعيد
البنت: اهلين
كيان: هلا فيج
-اول سنه لك ؟
– اي
-شكلك ماهو من هنا
– اي انا من الدمام
-هلا فيك نورتي المدينه
– مشكوره ، يلا اخليج انا بروح ادور كلاسي وين
– ادوره معاك اذا تبين
– لا مايحتاج لاتتعبين نفسج
– لاتعب ولا شي الا ماقلتي لي شنو اسمك؟
– كيان
– كيياااان؟ ماكأنه اسم اولاد!
– ههههههههههههه لا اسم بنت واسم ولد برضو
– انا اسمي حسن
كيان بخخوووف: ايييييييييييييييييش ؟؟ مميييين ؟
– ههههههههههههههههههه لا تخافين انا بنت بس تمبوي
كيان بتسليك: امممم اها
– ترى انا ادرس بكلية العلوم المبنى حقنا جنب مبناكم
– طيب شنو اسوي لج ؟
– ليش فجاه كذا كمشتي لم عرفتي اني تمبوي المفروض تعرفين من اول ترى شكلي مو بنت
– اي ادري بس قلت يمكن بس كذا ستايل لان شكلج كيوت يعني الزبده وين الحمام ابي اشوف شكلي قبببل مااروح للكلاس
– مدري تعالي ندوره
– ها! لا خلاص مايحتاج
– طيب شعبه كم انتي؟
– شعبه 30
وهي تدور في الجدول : امممممممممممم انتي كلاسك فوق بالدور الثالث القاعه رقم 5
– اها اوكي مشكوره تعبت معاي
– مو مشكله بس خلينا نشوفك
– نشاللله
راحت البنت وخلت كيان للحين ترتجف من الخوف كيان تتكلم مع نفسها :
البنت هذي نظراتها مو طبيعيه ليش تطالعني كذا؟ لالالالا يمكن هذي نظراها كذا
وراحت كيان ركبت للدور الثالث حضرت اول محاظره وبعدها صار وقت البريك قبل مايخلص البريك بربع ساعه راحت كيان للحمام تضبط نفسهاا
زادت على الروج وحطت بلشر من جديد قالت وهي تسكر الروج وتطالع نفسها بالمرايه : يمممه فديت هالجماال انا اممموووووووح
ماخلصت جملتها الا تسمع صوت من وراها : من اول ماشفتك وانا خاقه معاك
تسمرت كيان بمكانها من الخوف لانها لم دخلت الحمام ماكانن فيه احد
البنت استغلت الفرصه وقربت من كيان وحوطتها من ورى
كيان بعصبيه: خخخخخخخخيييييييير انتي تشبين ووخخريي عني
– اافففا كذا تردين الجميل ؟ اللحين انا اساعدك وانتي تسوين معاي كذا ؟
كيان بخوف تحاول تخفيه لكن ماقدرت : طيب بعدي شوي
بعدت البنت ولفت كيان بحيث صار وجهها مقابل لوجه البنت وظهرها للمرايه
البنت: ليش خايفه
كيان: ماني خايفه
البنت قربت شوي لكيان : متأكده؟
كيان خلاص ماقمت تبكي : وخري عني تكففيين
البنت: لا
كيان وهي تبكي والبنت تقرب شوي الا انفتحت الباب وكيان خافت اكثر طلعت لها بويه ثانيه
البويه: ححسسسسسسسسسسسسسن ي ززفففت شنو تسوي
– مالك دخل ويلا برى لاتخرب علينا الجو
– حسسن سيب البنت في حالها
كيان خافت اكثر لم قربت لها البويه لثانيه وجرتها من ايدها وطلعتها برى الحمام
:وين كلاسك
كيان مافيها تتكلم اشرت لها على الكلاس
دخلت البنت ووراها كيان
البنت: خلاص لا تبكين
كيان :……………………..
البنت: ترى ماصار شي ليش تبكين
بكل عصبيه:لااااااا ابد ماصار شي بس وحده مسخ قربت مني وكان بتسوي اشياء تهز عرش ربي معاي وكل هذا وماصار شي
البنت لم شافت كيان منهاره ضمتها
حست انها صج أبتدت حياه جديده بعيد عن اهلها
حست انها تبي تتفضفض وتتكلم لاحد عن الي صار مالقت نفسها الا داخله الواتس اب وتكلم اختها نهال صج اختها اصغر منها بثمان سنوات بس ماتدري ليش كلمتها وقالت لها عن كل اللي صار
يوم الثلاثاء
كانت نهال وامها قاعدين بالصاله الساعه 4 لم وصل ابو محمد
ابو محمد: السلام عليكم
_ وعليكم السلام
ام محمد: تبي الغدا اللحين
ابو محمد: كيفج
وركب فوق
نهال: ماما شفيه ابوي جذي من رجع من المدينه وهو اخلاقه زفت وكله معصب اككييد كيان سوت له شي
ام محمد: بلا سخافه احترمي اختج شالكلام ؟ انا بروح اشوف ابوج
ركبت له فوق شافته في غرفة التبديل ورى الشمعدان يبكي
ام محمد: شفييك ؟
ابو محمد وهو يمسح دموعه بشماغه: كيان حسها في البيت غير احس البيت فاضي بدونها
ام محمد: آآآآه اي والله حتى انا مشتاقه لها
( ابو محمد رجع من المدينه يوم الاثنين بالليل)
مرت الايام بسرعه جت عطلة اليوم الوطني
الساعه 3:40 آخر محاضره
miss Amerah: Ok girls u can live have a nice time
كيان ماصدقت سمعت هالجمله الا وهي طايره برى الكلاس تبي ترجع الشقه ترتب شنطتها وتروح للمطار
الساعه 9 بالمطار اقلعت الطياره وكيان كالعاده حطت السماعات بأذنها وغمضت عينها تتخيل كيف راح يستقبولنها اهلها شنو ردت فعل خالاتها وعماتها لم يشوفنها لانها ماقات لااحد انها بترجع للدمام وحرصت على اهلها ان محد يقول
هبطت الطياره على ارض الدمام وكان باستقبال كيان امها وابوها
بالسياره
ام محمد: كيان بكره لازم تمرين على خالتج ام احمد كلنت تسال عنج طول الوقت
كيان: انشالله بكره قبل مااروح بيت جدي بمر لها
ثاني يوم الظهر
كيان: اهلين خاله شخبارج
ام احمد: هلا والله تو مانورت الدمام
-تسملين ؛ مشغوله انتي ؟ ابي امر لج اسلم عليج
-ي عمري انتي تعالي بأي وقت
– تسلمين خلاص اجل مسافه الطريق بس
– استناج يلا
– مع السلامه
0- مع السلامه
ام احمد راحت تجهز الحلا والقهوه
بشاير : يمه منو جاي ؟ حق منو القهوه؟
ام احمد: كيان بتجي اللحين
بشاير: حسافه مابقدر اشوفها بروح بيت خاله الاء
ام احمد: طيب منو بيوصلج
احمد: انا
ام احمد: طيب يلا اطلع بسرعه قبل لاتجي البنت
بعد ربع ساعه وصلت كيان وفتحت لها الخدامه الباب
ام احمد: هلا والله شخبارج
كيان: هلا فيج الحمدلله تمام انتي شخبارج
– مشتاقين لج طمنيني عنج
– تمام الحمدلله ماشي حالي لسه ماتعودت على الوضع الجديد
– بتتعودين مع الايام
– انشالله
انفتح الباب ودخل احمد
:احم احم
ام احمد: ادخل احمد
دخل احمد جى بيركب الدرج بس وقفه صوت ام احمد : سلم على كيان توها راجعه من المدينه
احمد لف عليها : اهلين الحمدلله على السلامه
كيان : الله يسلمك يلا خاله انا بمشي السواق واقف يستنناني برى
– خليه يروح تغدي معانا وبخلي سواقنا بعدين يوصلج
– لا معليش مره ثانيهه لازم اروح
-طيب براحتك
طلعت كيان ولفت ام احمد على احمد
ام احمد: كذا الناس تسلم بدون نفس ؟ وبعدين مو عيب عليك تدخل ولا تسلم ؟
احمد: مدرري منو هي عاد علشان اسلم عليها عدل
– اووووف منك بروح احط الغدا تبي شي
احمد باس راسها : سلامتك ي الغاليه