السلام عليكم و رحمة الله و بركاته
بغيت نفتح هاد الموضوع للأخوات للي مغربيات و باقي مكتابش ليهم يحملوا باش كل وحدة تحكي تجربتها الخاصة…. ياللاه ألبنات خويو قلبكم و حكيو على تجاربكم مع الحمل
|
المشاركة الأصلية كتبت بواسطة ام سوسن وياسمين
 يارب تحملي هيدا الشهر وربي يفرح البك
|
آميييييييييييييييييييين يا رب
الله يفرح قلبك يارب
و الله فرح كثيرر لما أشوف دعوات الحبايب
|
المشاركة الأصلية كتبت بواسطة almohajaba
الله يرزقك الحمل السليم عاجلا غير اجل يارب ياكريم
|
اللهم آآميييييييييييين يا رب العالمين
يااااا ربي اسجب من أخواتي في الله يا أرحم الراحمين
حفظك الله و رعاك
|
المشاركة الأصلية كتبت بواسطة نقطة بداية
السلام اختي انا نحكي تجريبتي انا عام و نص دابة باقي ما جابش الله متبعة عند الدكتور المريسي كيعاودو عليه مزيان مهم مخليت مادرت من الوصفات والو دخلني الشك درت الراديو ديال كرون هاذ الشهر طلعت مزيانة مع ذلك مجابش الله تاني هاذ الشهر و الله دخت و حرة و ليت كنقول ملي كلشي مزيان و تحاليل راجلي تاهي مزيانة يكما شي حد داير لينا شي حاجة استغفر الله العظيم وليت كنفكر في اي حاجة المهم باقي تحاليل الدم لي مادرتش عندي موعد من هنا شهر 5 الا ماجابش الله غادي ندير التحاليل و الله يصوب دعيو معايا والله نفسيتي عيات و ليت موسوسة وخايفة وحياتي ناقصة و جافة ياااااارب تحن عليا و ترزقني الحمل هاذ الشهر ياااااارب
|
أهلا بيك ختي نقطة بداية
أنا و الله حاسة بيك … أنا غير 6 اشهر دابا و شاعلة فيا الشعالة الله يستر
يا رب ترزقنا و ما تحرمنا يا ربي … ختي متخافيييش أمالنا في الله كبير و ربي مغاديش يخيبنا مع الدعاء كملي مع الطبيب و ديري للي عليك و ما عرفتي شنو كاين و زيدون الخير وقتما جا كينفع خلاها راجلي….
صبري و احتسبي و مضيعيش حياتك جالسة تفكري في هاد الموضوع صافي (مع أنني عارفة بأنه مستحيل متفكريش فيه وهو الحلم ديالك أنا عارفة و حاسة أختي) ولكن بالمقابل استمتعي بالحياة ديالك مع الزوج ديالك و توضعيش الطفل و الإنجاب هو محور دوران حياتك و علاقتك الزوجية
يااااا ربي ترزقك و تبشرك و تفرحك بالذرية الصالحة
و الله حتى ندعي معاك (باسم نقطة بداية) فصلاتي و سجودي إن شاء الله حبيبتي
و لكن هاد الطبيب المريسي في جا ؟ أنا فطنجة؟ إلا كانت شي بنت من طنجة في المنتدى تبان الله يجازيكم بغيت أسماء طبيبات
أنا منتقبة و منقدرش نمشي عند طبيب راجل
