السلام عليكم ورحمة الله وبركاته
أزيكم سيداتي بقدم لكم طريقة أكلة المكرونة باللحمة تجنن وأظن إن صورة الاكلة كافلة باظهار إزاي هي لذيذة ومن غير ما نطول ندخل بالمقادير
المقادير :
– طماطم مفرومه ناعم
– ثوم طازج
– جبنة موزاريلا مبشورة
– جبنه رومي او بارميجانو مبشورة
– زيت زيتون
– زبده
– مكرونه اقلام زي اللي في الصوره
– وطبعا ملح وفلفل
الطريقة :
نحط المكرونة في مية مغلية ونحط معاها ملح وفلفل اسود ونسيبها من غير ما نقفل الغطا عليها لغاية ما تطيب وما تنسوا زيت الزايتون عشان ما تعجن في بعضها وتلزق
في طاسه مناسبه نضيف اللحم المفروم ونقلبه دقيقتين علي النار مع الثوم المفروم وملح وفلفل وملعقتين زيت ونقلب لحد ما ياخد اللون البني
بعد كده نضيف الطماطم ونقلب كويس ونتركها تتسبك علي النار حوالي 20 دقيقه
لحد ما قوامها يتخن
في الوقت هذا نبدأ نقلب المكرونه مع الجبنه الرومي المبشوره ومللعقتين زيده سايحه
ونرصها بالشكل هذا في صينيه جوانبها ممكن تتفك وطبعا ما ننسى ندهن الصينيه بالزبده الاول ونرش القاعده بالبقسماط
الناعم عشان تطلع بسهوله
بعد ما اللحمه تتسبك نبدا نرشها على وحدات المكرونه ونحاول نحشي كل واحده باللحمه كويس
الشكل بعد ما نحشي المكرونة باللحمة المسبكة هيكون كدة
في الاخر نحط الجبنه الموزاريلا علي الوجه
بعد ما نرش الجبنه علي الوجه ندخلها الفرن اللي بنكون مسخنينهم قبل كذا نتركها حوالي 10 او 15 دقيقه لحد ما الجبنه تسيح و وجهاا يحمر نفك جوانب الصينيه ونقدمها ساخنه وممكن لو فيه صوص لحمه متبقي يتحط جمبها وأسيبكم مع الصور الروعة !!!! :
بألف صحة وعافية 
يا رب تكون الأكلة عجبتكم ولا تنسوا بلييز الردود 
باي 
الطريقة والتصوير والطبخ رائع
تستاهلي احلى تقييم وخمس نجوم
وشكرا لمشاركتك الجميلة
بالتوفيق غلاتي
شيف ام رقة
ما شاء الله شكلها روعة تستحق التجربة
للاسف الموضوع ليس من مطبخك لذلك ينقل الى القسم المناسب
تستــأـأهلي تقييم