السلام عليكم ورحمة الله وبركاته
اخواتي الكريمات توجد لدي مشكلة منذ سنة تقريبا وهاذه المشكلة أصبحت تزعجني كثيرلأنها كل يوم تكبر عن اليوم الذي قبله
أصبح التفكير مصيطر علي
والمشكلة هي تطنيش الناس لي
كرهت الناس وكل من حولي ولاأريد ان اجرح اكثر
هل المشكلة مني ام منهم
لأنني أرى كل الناس تفعل هذا بي
انا طيبه كثير واهرج وأنظر بالي يكلمني وأحترم الصغير قبل الكبير ويعلم ربي انني لاأمدح نفسي
اناتركت اقرب الناس لي
قلت خليني انعزل واترك الناس وحركتهم
اصبحت اخرج بالأسبوع يومان فقط وهاذه اليومان اخرج مع اهلي وليس مع اقاربي والناس الي تزعجني
وساعات أمي تخرج(لخالاتي مثلا) او عمتي او غيرهم
وانا أرفض لأنني عندما أذهب لهم أفضل 3 أيام أفكر بتحركات من حولي وهاذه عملت وهاذه وهاذه (لذالك أرتاح واجلس بمنزلي) لاأريد ان اتعب نفسي أكثر
والمشكلة الكبرة انني عندما لاأجد شيء أفكر به أرجع مامضى من 3 سنوات وأفكر به !!
كنت طبيعية جدا وقوية جدا
وامي ملاحظه وعماتي سكوتي وهدوئي وبعضهم يسئلوني فيه احد مزعلك فيكي شي
ساعات أكلم هذه تلتفت بشيء اخر ))
وساعات اكلم هذه لاتلتفت لي نهائيا وبعد دقيقه من كلامي معها ترجع وتكلمني وانا سريعا انظر لها وأكلمها ))
وساعات اكلم هذه وتنظر لغيري وتكلمها ))
اه يابنات قلبي مجررررررررررروح وفيه أشياء ثانية
ماعندي لاثقة ولاصديقات وأصبحت وحيدة ومن عزله
انا والله يابنات من كثر التفكير ماانام الليل وأنا ماعندي اخت أحكي معها
وحيده وحيده ربي يفرج همي وأشرح لي صدري
أنا الكل يمدح بأخلاقي وادبي ولكن …!
أنا ماأحكي مع احد أبدا امي حاولت تحكي معي لكن انا أهرب وماأحب أنزل دموعي امامها
أروح بغرفتي وأبكي ولما ارتاح اخرج منها
ماأقدر أحكي صعب جدا
لاتحرموني من ردودكم
ومشرفات القسم الله يدخلكم الجنة نزلو مشكلتي فانا بحيرة ولاأعلم ..
ما أدري ايش أقول لك .. بس حاولي تربطي بين الأحداث و شوفي ايش يطلع معك
.. يعني هم يتعمدوا ذلك …. في ناس اذا منتي من ستايلهم ( قصدي طريقة عيشتهم و أخلاقهم و كذا ) ما يتداخلوا معك و غالباً هم فئة بجد تافهة في كلامها و ثقافتها و حتى شكلها (طريقة لبسهم و تصرفاتهم )..
غير كذا أنا تعبت من كثر ما أذكر كلمة مس و عين و سحر في ردودي .. اللي يقرأها يقول ذي موسوسة …. بس هذي الحقيقة الأشياء هذي صارت كثير منتشرة بين الناس … يمكن تحسي مالها علاقة بمشكلتك لكن انا شاكة بوجود رابط …. أرقي نفسك و لا تتهاوني ..
جزاك الله ألف خير والله يجلعه بميزان حسناتك
قبل سنه تقريبا كنت بمناسبه لواحد قريب لي
وطلعت أرقص وكانت اول اغنيه لي حسيت برجفه بجسمي غير طبيعية وحسيت اني أبغاادوخ يادوب مسكت حالي وألى الأن هادي الرجفة عندي كل ماطلعت أرقص طبعا لما أرقص لحالي عادي لكن لماسرت اطلع قدام الناس يهتز جسمي والله يااختي جسمي يهتز هزه بقوه بسم الله
وقبل تقريبا 3 شهور شفت وحده من الي كانو بهادا الفرح وقالت أهل العروسه كانو يتكلمو عليكي كل ماشافوني وألى الأن الرجفه زي ماقلت وغير كدا الزحلقه بعد ماأرقص من الأغنيه رجلي تتلف
وغير كذا انا مخطوبه ولي سنه والناس كلها أنخطبتي ومتتى فرح وغيرو
وياأختي لوهادي ظواهر العين ياريت لو تجاوبيني او إي احد يعرف عن هادي الشغلات ياريت يفيدني
سبحان مبدل الأحوال مابين بنت كنت وسرت بعالم أخر
واختي ذابله في سن الزهور
الله فرج همك ويبعد عنك كل شر
أنا أحس مشكلتك بسيطة بوجود شخصيتك الحلوة
انت كوني واثقة من نفسك ولا تفكري بهالطريقة ترا تفكيرك خطأ
ومواقف التطنيش كثييرة وبكل مكان موجودة وهذا طبيعي أو يمكن انت تفكريهم مطنشين بس هني
بكونو انشغلو بشي أو كانت تكلم غيرك ومن الأدب انو تخلص من الحكي معاها وبعدين تلتفت لك
وفي نقطة مهمة ((((((((لازم تعرفي متى تتكلمي وأي سيرة تفتحيها تكون مناسبة للموقف مع التزام اّداب الحديث حتى يسمعوك وما يملو من كلامك)))))))))
بالتوفيق
أرقي نفسك و خليك قريبة من ربنا و حاولي تتداخلي مع الناس و خليهم يحبوا شخصيتك…. أتوقع تعرفي حكم الأغاني و أنها مزامير الشياطين … و الرقص كمان ابتعدي عنهم مرة لا قدام الناس و لا مع نفسك ….
استغفر الله أنا سامعة عن وحدة دخلت في غيبوبة بسبب العين و هي ما كان فيها شيء … هي مصممة كوش أفراح و الناس انهبلوا على تصميم لها و من بعدها و هي راحت في غيبوبة … العين حق بس ياليت الناس يقولوا ما شاء الله دائماً..
و بالنسبة لزواجك و كذا لا تعطوا الناس تفاصيل … ياما ناس تخرب أمورهم بسبب كلام الناس و الحسد …. إذا قرب الزواج وزعوا كروت وخلاص غير كذا أستري على أمورك لين ما تتم بإذن الله ….
الله يوفقك أختي و يبعد عنك السوء… آمين
