في البدايه انا دخلت الجامعه وصرفولي بطاقة صراف فرحت فيها وصرفت المكافاه واخذتها طبعا كان الوالد عينه على الفلوس فعطيته النص منها واخذت النص بعدين انا انسانه مهمله خفت اضيع البطاقه فعطيتها الوالد وليتني ماعطيته 
المهم صارت تنزل المكافاه واعرف من البنات اللي بالجامعه واروح اطلب الوالد السوق وينزلني اشتري عادي قعدت سنه كذا
السنه الثانيه التحقت اختي بالجامعه ونفس الشيء طلب الصرافه واخذها وصار مايعطينا الا بعد زن وينزلنا السوق انا وياها ع 500 لشراء مقاضي الجامعه
بعدين تزوجت والمفروض يعطيني الصرافه المشكله طلبته وزعل وسوى سالفه عاد سكت
والادهى انو زوجي ظروفه صعبه وراتبه ماياكل عيش والمكافاه 1000 ريال 500 للباص الخاص و500 للوالد
وانا لاشيء بس اتعب ومشوار وكرف ع الفاضي
هو صح ظروف الوالد صعبه شوي بس انا ماطلبت المكافاه كلها لو ربع عادي انا قنوعه
وفوق كذا مكافاة ثنتين من خواتي ياخذها ولا يعطيهم ريال وفوق كذا لاطلبوا شيء يقول ماعندي شوفوا لامكم
وكمان لمن ولدت وجبت بنوتتي تعبت بعدها فاضطريت اأجل ترم وطبعا يقطعون المكافاه ولما درى ابوي زعل وقال مافيك شيء ليش تتركين الدراسه وانا في حاله مايعلم فيها الا الله كلها عشان المكافاه يوم درى انو بتنقطع وقالها بوجهي الحين يقطعون المكافأه علينا
ومافكر فيني ولا بتعبي
حاليا ظروفنا صعبه زوجي فصلوه من الشركه وانا عندي بنت وحامل وابوي موراضي يسعفني لو بالقليل من المكافاه والمشكله اجازه لا باص ولاشيء ياخذها يعني تصفى له المكافاه كامله
وهو عارف بظروفي وبصراحه استحي اطلبه لاني ببساطه احس اني اطلب شيء مو من حقي وفوق كذا متزوجه مو حلوه واصلا لو بيعطيني بيعطيني 100 لاغير زي أي مره اطلبه واخواتي نفس الحاله لا مكافاه ولا شيء اصلا صرننا ننسى انو عندنا مكافاه
فحبيت اشوف رايكم بالموضوع وش تنصحوني اسوي؟؟؟؟؟؟
الله يفرج همك ويرزقكم يارب
ما رآح تستفيدي شي فيها
اذآ امك تبغى تحووشهـآ تسسحبهـآ وتحطها في توجوري ..
.. عمومــآ خبري زوجك انة لك بطاقة صصرآف من جامعة وهي من حقك مع ابوك خلة ياخذة منة بقوة ..
او اسرقي بطاقتك من ابوك مثلا و هو نايم خذيها من البوك ، هذا حقك و ابوك يقدر يقدم على الضمان و الجمعيات الخيرية اذا ظروفه صعبة ، وانتي موب راضية هذا حرام عليك انتي لانك قاعدة تساعدين ابوك على الخطأ .
و اذا زوجك راتبه اقل من 40000 الضمان يعطونه مساعدة خليه يروح يسال عنها .
|
المشاركة الأصلية كتبت بواسطة مشكلتي
 عادي بسيطة بلغي الجامعة ان صرافتك ضاعت منك و تبين تطلعين بدل فاقد و طلعي بدالها ، و اذا سالك ابوك قولي قطعوها .
او اسرقي بطاقتك من ابوك مثلا و هو نايم خذيها من البوك ، هذا حقك و ابوك يقدر يقدم على الضمان و الجمعيات الخيرية اذا ظروفه صعبة ، وانتي موب راضية هذا حرام عليك انتي لانك قاعدة تساعدين ابوك على الخطأ . و اذا زوجك راتبه اقل من 40000 الضمان يعطونه مساعدة خليه يروح يسال عنها . |
سوري اقصد 4000 .
الدين قال حتى لو المرأة تاخذ 20 الف لازم الاب او ولي امرها واجب يصرف عليها
فـ انتي روحي للجامعه وقولي بغير بطاقتي وعطيهم الأيبان الجديد و ترجع لك فلوسك
وابوك قولي له ان معدلك اقل من 2 وقطوا علي المكافأة اذا كنتي خايفة من غضبة