يناس ياعالم مشكلتي مالها حل تعبت من البكي وربي تعبت .. تعبت من الالم تعبت من الدنيا تعبت من كل شي خلاص مالي رغبه فالحياه
مشكلتي مالها حل ابداااااااا
السنه هذي 2024 و 2024 اسوء سنه مرت علي احس بكأبه احس بغيض احس بلؤم احس بحقد احس اني مكسووره
انا بنت خايفه من الله ومالي بالسوالف البطاليه اللي طالعين فيها الشباب هذي الايام اخاف عى سمعتي وسمعه اهلي.. اهلي ربوني احسن تربيه
المشكله وانتو عارفين لبمثل كثر الدق يفج اللحام
كنت قبل 11 شهر مشتركه بموقع العاب مشهوور واظن تعرفونه
المهم كنت ادخل لمجرد اللعب وبس والله ما اكذب عليكم .. اي حد يكلمني ما ارد عليه لان هدفي العب وبس
مع الايام صرت ارد عليهم بس اي حد يتمادى اسكر الصفحه بوجهه
ومع الايام كان في واحد كل يوم يدخل وكنا نلعب مع بعض بس لمجرد العب لا اكثر
وبعدين طلب مني ايميلي بحجه انه عنده امتحانات ومايقدر يدخل
طبعا انا ماضفته كنا بس نتراسل بالايميلات وبعد فتره شهر طلب اني اضيفه ومن غبائي الزايد ضفته
=(
وعقب فتره اعترف انه يحبني << كذاااااااااااب الله ياخذ حقي منه
انا كنت احبه من كل قلبي بس ماقلت له لان ادري بسوالف الشباب كذابين وفعلا ماخاب ظني
طلب رقم تلفوني وقالي وحلف انه ماراح يطلع منه شي
انا من غبائي عطيته وللعلم ماكلمته بس رسااايل
يعني عمره ماسمع صوتي
كان يطلب انه يكلمني بس انا ارفض لانه ادري اني غلطانه =(
بعدين نفذ صبري وانفتح موضوع الزواااج
والله يابنات انه قالي (( اهلي مايرضون ))
حسبي الله عليك ان شااااااااااااااااااااالله ضيعتني معاك وانا كان حلم كبير
بس هو قال هالكلمه وانا ماعدت ارسل له رسايل وهو يرسل وانا ما ارد عليه وبجذي انتهت السالفه
بعدين انا كنت محتفظه برسايله لاني وربي احبه
لين اليوم احبه احبه اتمنى اي صدفه تخليني اتعرف على اهله عشان يكون لي امل =(
المهم اهلي اكتشفو اني اعرف واحد من هالرسايل بس قلت لهم اني انهيت كل شي
والحمدلله تفهمو موقفي لكني انا مستصغره نفسي
بعدين فتحت لي موقع صور وواحد كان كل يوم يحن علي ابي ايميلج ابي ايميلج انا كرهت الدنيا وسكرت الموقع
بس بعد شنووو ؟؟؟
بعد ماعطيته ايميلي
لكن بس تكلمنا لفتره شهر لا اكثر
هو يبي يتزوجني بس يبي يشوفني قبل وانا رافضه هالشي
عرفت هو وين يدرس وانا الحين ادرس بنفس كليته
واتمنى تصير اي صدفه عشان يعرفني
بس دوامي مسائي ودوامه صباحي
يعني كلش الامل ضعيف
طبعا مستغربين مني شلون احب اثنين بس الاول انتهى كل شي بيني وبينه وماظنه جاد لانه كذب علي
والثاني يحلف لي انه جاد وانه يبي يتزوجني واهله مب معارضين
الحين نفسيتي كلش فالحضيض ماعرف شسوي
قطعت علاقتي فيه وانا احسه جاد
بلييييز شورو علي بس بدون تجريح لاني قطعت علقتي من زمان
شسووووي ارجوكم ودي اموووت بس خايفه من الله
الحمدلله على كل حال
ولاحول ولاقوه الا بالله
تعرفين المثل اللي يقول<<قالوا للحرامي احلف…..قال الحرامي جاني الفرج>>>
حبيبتي الاثنين يبون يسرقون منك عفتك وشرفك واخلاقك….حبيبتي البنات اللي هن بنات ينقدن على البنات اللي يتعرفن على شباب ويكلمنهم ومتأخذين بالكلمه يستحقرن البنات اللي يكلمن شباب وايميلات وما يعود بينهن ثقه لااااااااااااوبعضهن يبعدن عن بعض خايفات على انفسهن وينسن شي اسمه صداقه
فما بالك بالشباب الذئاب لايغرك حبيبتي الاسلوب ولا المظاهر ترى نص الشباب هذا اذا مو كلهم من نفس الطينه
احيكي اختي انك تكلمتي عن مشكلتك بكل قوه وما خفتي من شي
وانتي عارفه انهم كذاااااااااااااااااااااااابين
وهذا يدل على رزانتك وقوتك شخصيتك واخلاقك العاليه ………..فلاتخربين على نفسك والله يوفقك بدراستك وبحياتك ويكفيكي شر الذئاب
تقبلي مروري ………ولاتزعلين مني
هذا كلام اخت لاختها
وتصدقين اغلب الشباب بيحلفون انهم جادين للزواج عشان تطلعين لهم صدقيني لا تطيحين بالفخ
يبي يتقدم لكي يتحرك بيقولك لا ابي اشوفك ديري بالك يبي يشوفك في بيتكم والله نصيحه من اخت
انا عارفه تفكيرهم يبي يشوفك لما يطيحك بالغلط وعقبها بينحاش الله يرضى عليكي قوليله جذي
يبيكي يتقدم غيره مافي وابعدي عنه وابعدي وساوس الشيطان من راسك على شنو تبين تموتين
ولا تلعبين في الموقع اللي بتلعبين فيه مادام يدخلون عليكي الشباب وانتي تعرفين ابليس ماخله احد
مابيكي تطيحين في الغلط ياقلبي اعتبريني زي اختك بنصحك
وتقبلي ردي ياحبيبتي
احذري بنيتي انهم ذئاب بشرية يريدون ان يهتكو الاعراض ولا يبالون
ولان في الاول والاخير البنت هي لتكون الضحية
اقطعي علاقتك بالاثنين ولا تدخلي في المسنجر ابدا
والايميلات المشبوهة لانها اصبحت
واهتمي بدراستك احسن لك حتى يجي النصيب وتبقي عفيفة
صالحة لنفسك ولاهلك ولمجتمعك
ولو يحبك صدق ايش عليه بالشوفه
خليه يجى يتقدم
ما رضى واصر على موقفه انسيه لانه يلعب فيك
وحبيبتى لا تامنى للناس بسهوله
والله معك
ثانيا غيري اسمك الى اسم يفرح قلبك و يعطيك ايحاء نفسي بالفرح و التفاؤول
وثالثا انت ماشاء الله انت محترمة بس لا تصدقين الثاني ولا غيره لأن اصحاب العلاقات مع البنات كذابين لا تصدقين ولا واحد منهم
وتحياتي لك