مرحبا يابنات انا اليوم جايبه لكم ثلاث نصائح مهمه للي شعرها جاف ومتقصف ومتعب ويعاني من القشره ماراح اطول عليكم
اولا استعملي شامبو خاص لشعر المتعب والمتضرر وخلطي معه شويت ماي هاذي للي شعرها مايتحمل الغسيل اليومي وبعد كذا حطي البلسم المناسب لطبيعة شعرك 
ثانيا اذا كان شعرك مصبوغ وتالف ومقطوع قلبه من الصبغات طبعا لويتكلم بيقولك كفايه ارحميني يرحم والديكي اخخخخ تستعملين له شامبو لشعر المصبوغ طبعا يختلف عن الشامبو الي لشعر الجاف وتخلطين معه زيت الزيتون الاصلي اكرر الاصلي وكل ماتبين تغسلين شعرك تخضين العلبه علشان يمتزج زين مع بعضه
ثالثا الي تعاني من القشره وصايرراسها مثل الملاحه تجيب بعد شامبو الي يناسب نوع شعرها اكرر يا بنات لاتاخذين اي شامبو وسلام لازم لازم يكون مناسب لطبيعة شعرك وتجيبين حبتين بندول العادي وتطحنيهم وتحطينهم في علبة الشامبو وترجينا لين يدوخ ويمتزج مع بعضه ملاحظه الطريقه هاذي للي شعرها عادي او دهني راح تخف القشره ويصير الشعر يلمع بشكل ملحوض
اتمنى اكون ماطولت عليكم وافدتكم اخواتي الغاليات وتري انا مجربه الطرق هاذي كلها ونفعت معاي يعني كتبت موضوعي هاذا عن تجربتي الشخصيه واتمنى ان ما يكون موضوعي مكرر في النهايه تقبلي تحياتي والا تنسون ابي ردودكم الحلوه