مشكلتي الوحدة -لصحتك

السلام عليكم ورحمة الله اخواتي
في الحقيقة انا مششكلتي الوحدة الفظيعة على الرغم من اني ام لبنتين توأم عمرهم لم يتعدى السنتين لكن شغل زوجي ليلا ونومه او بالاحرى نومنا نهارا وكمان سكنا البعيد وعدم توافر سيارة في الوقت الحالي مخلي حياتي بجد جحيم

انا زوجة احب زوجي وبناتي جدا والحمد لله انا مفيش في حياتي حد غير زوجي واحمد الله على ذلك فنحن تزوجنا عن قصة حب وكفـــــــــــــــــــــــــــاح 3 سنوات ولم يساعدنا احد بعد الله في زواجنا لا من اهلي ولا من اهله ولكن لا يوجد مشاكل والحمدلله

يمكن بعد ما فتحت وقريت مشاكل العضوات الاخوات الافاضل حسيت ان ممكن تكون مشكلتي صغيرة وضئيلة لكن والله انا كتير بحس بالوحدة انا مش عندي اصدقاء اثق بهم لدرجة اني اتكلم معاهم واحس انهم امناء على مشاكلي ولو كانت بسيطة وكمان انا حاولت ادخل على النت اتعرف على سيدات افاضل واكون دايرة علاقات بين الاخوات المسلمات ولكن حسيت ان انامش عارفة وطبعا مينفش انزل شغل علشان البنات وانا كنت بشتغل قبل زواجي من وانا عندي 17 سنة …. وطبعا بعد ما قعدت وخلفت دا عملي اكتئاب كبير جدا

حاولت اعمل كل حاجة لقتل الوقت
اتعلق بأشياء كثيرة عشان اشغل وقتي اتابع المسلسلات و البرامج التلفزيونية

كمان انا قريت مرة ان السيدة الي لديها اطفال اقل من اربع سنين بتكون اكثر عناصر المجتمع عرضة للاكتئاب
وفي الحقيقة انا مش عارفة اتكلم مع حد في الحكاية دي

الوحدة القاتلة
اتعلق الاشياء لغير مقصد فقط لمجرد ان انا اشغل وقتي
مراحل الاكتئاب وصلت معايا لمنتهاها وكمان في الحقيقة بتأثر على حياتي الزوجية مع زوجي بشكل سلبي وانا مش ف ايدي اي شئ عشان احل المشكلة دي

المشاركة الأصلية كتبت بواسطة لمياء الماضي زوجك وشغل البيت بياخذ وقتك وينك من هالااشياء واتشرف بصدددددداقتك وربي يخلي زوجك وبناتك لك

شغل البيت مسيره بيخلص
البنات بتنام وانا عاوزة احس بوجودي زي زمان
للعلم انا كنت زمنان برسم وبكتب قصص دا غير الشغل
كل دا اختفى بسبب البنات والبيت
واول ما ولدت كمان كان معنديش وقت لحاجة