السلام عليكم ورحمة الله وبركاته
ارجوكم ي بنات طلبتكم ساعدوني
انا عمري 17 سنه ثاني ثانوي اوك؟
كل البنات اللي معي عندهم جوالات واللي اصغر معي عندهم جوالات واللي في الابتدائي عندهم جوالات ماعداي انا
المهم هذا مو موضوعنا ي بنااتت
احنا اول كنا كل اسبوع نتجمع انا والبنات اللي نعرف بعض في بيت صغار كبار كللنا من الابتدائي للثانوي زين معاكم
عااد كللهم يكلمون اولاد الا انا وصديقتي المقربة بس كنا استغفر الله معاهم ونشجعهم وكذا بيووم من الايام كل الاهالي عرفو ان البنات يكلمون والحمد لله بس انا وصديقتي طلعنا من السالفه وصارت مشااكل وفضاايح كلن سمع بالخبر عاد امي منعتني اني اتجمع معاهم ومالومها وقالت لي مافي جواال الين تروحين الجامعه هالموضوع مر عليه سنه ونص ولين الحين الناس مانسوه وامي صارت تشك فيني كثييير الحين انا معي ايباد اكون خاشه النت فجاة تخطفه مني وتشوف انا ايش اسوي كلمتها بهاللموضوع وقلت لها اني مو مثل هالبنات وفعلا انا مو زيهم المهم ي بنات ابي اخليها تثق فيني وتشتريي لي جوال والله كل اللي اعرفهم معهم جوالات واصغر مني بكثييير لاتقولون توك صغيرة واصبري للجامعه اللي معي مو صغار؟ تكفووون عطوني حل واهم شي امي تثق فيني والله ادعيلكم ليل ونهار
امك معاها حق تشك من خوفها عليك طبعا لانها شافتك تجتمعين مع بنات
كلهم يكلمون شباب وانتي راضيه وساكته وتساعدينهم بعد
حتى لو كنتي ماتكلمين معهم بس تشجعينهم وهذا بحد ذاته غلط ولاتزعلين من صراحتي
واتمنى انك تكونين الحين فعلا مقتنعه ان مكاملة الشباب غلط ومعصيه وفضيحه وتجلب
لك ولاهلك مشاكل كثير انتم في غنى عنها واللي راح غلطه ماراح تعيدينها
وامك لولا خوفها عليك كان ماتصرفت هالتصرف
بس الحاحك عليها الحين انك تبين جوال بيزيد شكها اكثر بتقول ليش تبينه ومكالماتك ممكن تقضينها
من تلفون البيت ولا اي جوال في البيت
وطبعا امك ماراح تعطيك جوال الا اذا زال شكها عنك
وشكها ماراح يزول الا اذا اقتنعتي انتي من داخلك ان العلاقات مع الشباب حراااام
وانك لايمكن بيوم تخربين سمعتك وسمعة اهلك وتقعين في هالمعصيه وتعهدي بهالشيء مع نفسك
هذي اول واهم خطوه اذا سويتيها بقناعه تامه وبصدق
بعدها لاتبينين لامك انك مهتمه بالجوال هالفتره ابد
واعترفي لامك انك غلطتي ذاك الوقت انك سكتي عنهم (( بس لاتقولين كنت اساعدهم ))
وبيني لها انك فعلا كنتي صغيره بذيك وماتصرفتي التصرف السليم
وبيني رايك الحقيقي اللي انتي مقتنعه فيه الآن بعلاقات البنات المحرمه مع الشباب ومكالماتهم وانك معارضه لها
في كل موقف او سالفه تمر عليكم حول هالموضوع
هالشيء بيكبرك في عينها وشوي شوي بيرجع ثقتها فيك وثقتها فيك اهم من مية جوال بس لاتستعجلين
وبعدها بوقت كافي تقدرين تطلبين الجوال باسلوب حلو وتبينين السبب الحقيقي لرغبتك فيه
لاتخبين شيء ع امك من هالناحيه عشان مايرجع شكها
لان لو مارجعت الثقه ماراح يجيك شيء بس لاتستعجلين بالطلب الين تتاكدين ان شكها زال
ولو رفضت تعطيك حاولي تتقبلين وتصبرين ويكفيك انك تستعيدين ثقتها فيك وهذا لحاله مكسب لك وبيريحك بعدين في امور كثيره
لان الشك لو ماقطعتيه الحين بيكبر مع الايام وحتى لو عطتك جوال بعدين بعد ماتدخلين الجامعه بتصير طول الوقت تشك فيك
يعني اهم شيء اقطعي الشك الحين وبعدها الجوال بيجي بسهوله ان شاء الله
موفقه 🙂
طبعا الاخت اللي ردت قبلي كفت ووفت وماعليها قصور
اشكرها على سلاستها بالنصح والتعبير
وحابة اقولج شي وفكري فيه بينج وبين نفسج
انتي تقولين ان كل البنات عندهم الا انتي
اذا انتي تشوفين هالشي سلبي انا بعكسج اشوفه شي ايجابي جدا
بالنسبه لنفسي ، احب الناس اللي مايعطون عيالهم فونات قبل الجامعة
لان هذي التربية الصحيحة
انتي حاليا بغنى عن الفون صدقيني
لو تفكرين بحياتج بتلاقينها احلى من الناس اللي عندهم فونات
ان شاء الله كلها سنة او سنتين وبتحصلين الفون وبتروحين الجامعة
لاتحطين نفسج بموقف جدام امج وتخليها تفكر بسبب اصرارج على الفون وتوسوس وتشك فيج
الله يوفقج حبيبتي ويرزقج ع قد نيتج
و اهنيج ع هلج و اهني هلج فيج
المسنعات نادرات هالوقت
وتابعي دروس دينية
احكيلها معلوماتك بالدين عذاب قبر يوم الحساب الجنـــــــــــــــة و غيرو
وئت تشوفك هيك بتقول خلاص البنت التزمت وقتها اكيد بتثق فيكي و تفتخر فيكي كمان
هادى اصلا مو اسمها مشكلة
والله معظم البنات امهم تخاف عليهم وتقول مافى جوال الا فى الجامعة
وده شئ عااااااادى جدا
لانها تخاف عليك وهى ادرى بمصلحتــــــــــك
الله يوفقك وتدخلى الجامعة ع خير وان شاء الله
امك تشتريلك الجوال اللى تبغيه ونفسك فيه
موفقه