ارجو من الاداره طرح موضوعي
كنت طفله بريئه العب واروح واجي وما كنت فاهمه شي بالحياه
وللاسف بسبب المشاكل الي بين اهل امي وابوي ومستوانا المادي السيء وابوي عاطل عن العمل ما كان احد يعطينا اهتمام كبير من نواحي مهم
لكن امي ماقصرت كانت تحاول تشتغل وتصرف علينا وابوي كان يدور شغل ويهتمون في اكلنا وشربنا والنوم ويحبونا بس ما كنت احس بالعاطفه
توفى ابوي وعندي 9 سنوات كنت اشوفه يموت قدامي بس مو عارفه وش الي فيه
لحد ما مات واختفى فجاه نضجت بس بطريقه سلبتني برائتي ومشاعري وضحلتي كل الامور 9 سنوات لكن عقلي كان عقل واحده كبيره وكبيره كثير كبر تفكيري قبل اوانه ابوي توفي مستوانا المادي سيء الناس صارت تجيب لامي عرسان كل واحد اخيس واشيب من الثاني جيرانا يودونا مشاويرنا بفلوس حتى ما احد يفكر يودينا مجانا يقول حرام هذولا ابوهم ميت
هربت من هاذي المشاكل بدراسته ابدعت لدرجة اني لو انام وماسكه الكتاب ما عندي مشكله تعلمت امور كثيره وتثقفت وماخليت شي ما تعلمته كل شي يخطر في بالكم كنت اهرب اهرب بدراسه للاسف لما وصلت سن 17 كانو الحريم يجبون لنا اشكال غريبه عجيبه تخطبنا على بالهم ماعندنا ذكر بالعيله و ومادتنا سيئه بنظرا باي شي لدرجه ان شياب كلاب يدقون على امي يبون يغرونا زوجينا بناتك ونحط لكم فيلا وكل واحده مليون غير الصدقات
لكن الحمدلله ربي رزقنا وتحسن مستوانا كثييييييييييييييير ماشاء الله وتعدلت احوالنا
لكن ماعادت عندي اي مشاعر وكل الي اعرفه الكره والعزله والوحده
اخر مره شافوني الجيراني من عشر سنوات ومابي اتعرف او اصادق احد كرهت كل الناس
ما اتعامل مع احد على اساس المشاعر او العواطف
الناس تجي تروح عادي عندي ما تفرق شباب في الشغل يحالون معي يتوددون لي ويلمحون بخطوبه زواج ماكن احد يتكلم ومدير القسم خطبني لولده قالي ابي رقم اهلك اصريت عليه اعرف ليش قالي موضوع خطوبه قلت له لا ما احب احد ما احب اتكلم مع احد طول وقتي لحالي كم مره يحاولون معي بدوام اجلس معهم اتكلم معهم مافيه امل فيه موظفات يحبوني حب خيالي ويبون اصير صديقتهم ويغروني بهدايا واشياء ارفض كل شي و مايتحرك فيني شيء تجاهم زملتي بشغل ست اشهر تحاول معي تكلمني على اخوها يبي يخطبني وقالت ما عندك قلب انت ست اشهر اترجى فيك قلت لها عندي بس وظيفة القلب ضخ الدم مو الحب والمشاعر
قررت اروح لدكتور نفسي من الجلسه الاولى مليت من كثر اسئلته وطلعت
ما اقدر اقول لنا ان من شدة الالم الي مريت فيه ماعدت احس بشي او عندي مشاعر
تعاملي مع الناس لله يعني لا اظلم احد او ااذي احد في حالي ومع نفسي طول الوقت
واكثر من مره حاولت اطرح مشكلتي وكنت اكتبها وامسح بس اليوم قررت اكتبها يمكن في واحده مرت بنفس وضعي ولقت حل
افتحي نافذة امل تفائلي افرحي صادقي
صحيح فيه ناس اذوك لاكن فيه ناس ما اذوك
انتي زي اللي لابس نظاره سوداء ويشوف كل شي اسود
طيب اقرائي قصص روايات ترا مو كل الناس سيئه والله فيه ناس مافي احن ولا اطيب منها
لاتصيرين قاسيه والحنان اهم صفه تميز المراءه
ادري مو بيدك هالامر لاكن حاولي
فيه كثير امراض نفسيه وتغلبو عليها بالصبر والمحاوله
تكلمي عن نفسك عن اشياء تحبينها واشياء تكرهينها
لاتقولين محب شي وماكره شي مستحيل
مثلا شكثر تحبين امك؟
ايش مشاعرك بالنسبه لاختك؟
ايش الاكله او الطبخه اللي تفضلينها؟
ايش هواياتك؟
اذكري موقف ضحكك؟
متى اخر مره بكيتي؟
اذا جاوبتي على هالاسئله انتي انسانه عندك مشاعر
ولاتقولين مجرده من العواطف
لاكن تااذذيتي من الناس واخذتي موقف
ابدائي بالتدريج اي شخص يخطبك اسالي عن صفاته
حاولي تدخلين مع الناس شوي وبالتدريج
وان شا الله تبشرينا بتغيرك من حال الى حال
وتذكري ان الله لايغير مابقوم حتى يغيرو مابانفسهم
اختك متى نفرح؟
من كثر الصدمات الي يتلقاها بحياته
بس هذا مو معناته احكم على حياتي بالموت
واعيش مع الناس جسد بلا روح
تقربي من الله واقري القران الكريم لانه يحيي القلوب الميته
خلي تفكيرج ايجابي فكري انه بيجي يوم تفتحين فيه بيت
ويكون عندج اسرة انتي مسؤوله عنهم
وثقي بأن المؤمن يبتلى ليكشف الله مدى صبره
وكله بأجره ان شاءالله
وخير البشريه ابتلوا الانبياء والصحابه
والحمدلله الله فرجها عليكم
ليش تعقدين نفسج
عطي روحج مجال عشان تحب الحياااة
موووفقه
اذا انعدمت معناها عنده مشكله عويصه
الاكيد انك مو زي ما قلتي بس فيك غضب مكبوت
نصيحه استمري مع الدكتور و بتتغيرين
تفائلى فان الامل رحمة من الله ولا يقنط من رحمة الله الا القوم الظالمين فلا تظلمى نفسك