السلام عليكم ورحمة الله وبركاته
عندي اخ يحب المناقشات ودايم يفتح مواضيع ماشي موضوع الا تكلم عنه من نوع يحب الفلسفه والتحليل والتعليق
مهم ها مرا وصلنا لسالفة ورث المرءه المتزوجه ويحكي لي قصه عن رجال من معارفنا ماتت زوجته واخذ ورثها وذهبها كله
قلت له يمكن اهلها متنازلين موب محتاجين ..والخ
بختصار السالفه :
انه يقول الحرمه المتزوجه ورثها كامل لزوجها فقط ولايعطون شي لا لعيالها ولا لاهلها لو يكون عندها عشرين ولد مايعطوهم شي ابدن ابدن
عاد انا انفعلت معه بالسالفه وخشينا مجادله طويله وعصب علي خخ
قلت له هاكلام مايدخل العقل
والحمدالله انا ادرس جامعه وهو ولد متوسط
وصراحه مامر علي كلامه
معقول ورث الحرمه كله لزوجها مثل مايقول
اخر شي قال انتي ماتتناقشين جبي شي يثبت ولك الف ريال
واذ ماجبتي تعطيني الف ريال
وافقت مع ان ماعندي الا مصروفي الخاص اخاف يروح علي 
وهو متوضف وراتبه زين
ساعدوني الله يسعدكم
جيبو لي افتاء لشيخ معروف ولا دليل
عشان اقوله عليه
؟؟؟
———
بعد السموحه عندي صديقتي اصغر مني سنه تباا تترك الدراسه وهي اخر سنه ثنوي وصايره ماتحل فالاختبارات وحالتها ماتسر وبس تقول من الدخول السكول يجيني ضيق
اضن الله اعلم جتها عين
كيف اقدر اساعدها وش علاج الضيقه اللي جتها بها الفتره ووش سالفتها
وجزاكم الله خير
والرجاء من اداره تنزيل موضوعي باسرع وقت
للفوز بالالف
ولمساعدة صديقتي اللي كاسره خاطري
(وَلَكُمْ نِصْفُ مَا تَرَكَ أَزْوَاجُكُمْ إِنْ لَمْ يَكُنْ لَهُنَّ وَلَدٌ ۚ فَإِنْ كَانَ لَهُنَّ وَلَدٌ فَلَكُمُ الرُّبُعُ مِمَّا تَرَكْنَ ۚ مِنْ بَعْدِ وَصِيَّةٍ يُوصِينَ بِهَا أَوْ دَيْنٍ ۚ ) سورة النساء
وبالمناسبة الرهان حرام
رفع
والدليل افتحي القرآن الكريم وشوفي سورة النساء وخلي اخوكي يشوفها