بنت خالتي انتحرت والسبب ؟! 2024.

السلام عليكم ورحمة الله وبركاته

اخواتي انا شفت كيف تساعدوا البنات وردودكم حكيمه ماشاء الله

انا بكتب لكم معاناتي وهي مو مشكله بس فضفضه ومرت عليها 3 سنوات كانت بنت خالتي بنت ملتزمة والكل يمدح باخلاقها وكثير خطبوها بس رفضت بحجة الدراسة وكانت علاقتي فيها مرا قوية كنا مثل الاخوات هي وحيده اهلها وانا وحيده اهلي ماعندنا الا اخوان اولاد حتى كنا ندرس بمدرسة وحده بيوم علمتني ان واحد مزعجها على الجوال وانه طفشها واحرجها قدام اهلها بكثره اتصالاته بيوم ردت عليه وهزاته وصار يتصل اكثر ومزعجها يوميا ومع الايام صارت بينهم علاقة صداقة وتغيرت علي كثير صارت معه اغلب وقتها لما بالاخير قالت انها تحبه وانها تعلقت فيه ولا تقدر يمر يوم ماتكلمه المهم مرت الايام وصارت تطلع معه ويتقابلون بس حلفت لي ان ماصار بينهم أي شي مو كويس وبعد فتره من علاقتهم يمكن سنة وانا دايما انصحها تتركه وبالاخير بطلت انصحها لانها ماعاد تتقبل وصارت تصرفني كثير وتقول انه يحبها وبيتزوجها باخر فتره تغير عليها صار مايتقبل منها ولا كلمة ويتخاصم معها على اشياء سخيفة ويفتعل المشاكل واذا جات تقوله خلنا ننفصل يقولها لا انا احبك ومابغى ننفصل صارت ذيك الفتره بس تشتكي وتعاني وتقول مو قادره انام من الضيقة ومن الهم ولا اخفي عنكم يااخواتي وانا اتذكر كلامها واقسم بالله احس اني ببكي المهم الحقير بالاخير يسوي مشاكل معها وهي صارت تترجاه تصور لي محادثاتهم وانا ميتة من القهر عليها ذلت نفسها له وهو ولا همه وبيوم تخاصم معها وقفل جواله لمده 3 ايام وهي انهارت ذيك الفتره واقسم بالله يابنات انها تدق علي ولا افهم كلمه من كلامها من كثر ماتبكي تبكي وتصيح وتقول ماقدر اعيش بدونه كلميه تفاهمي معه فهميه ودقيت على جواله مقفل وبعدها فتح جواله وهي ماكلمته قلت لها انا بكلمه بشوف وش النهايه معه وكلمته يقول خليها تتربا بس تسوي مشاكل من اشياء سخيفة وانا ماتحمل طريقة تعاملها معي وشفت ان البعد لصالحنا احنا الاثنين لما قلت لها كلامه انهارت وقفلت الخط بوجهي وقفلت جوالها وماعاد سمعت خبرها الا بالعنايه المركزه واقسم بالله يابنات ماتتخيلون كيف الخبر صدمني صدمه قويه ماتذكرت وقتها الا ايامنا زماان وذكرياتنا وحنا صغار وش اللي تغير ليه صديقتي طاحت ضحية لهالحقير والاعيبه الله لايوفقه كانت ماخذه جرعه زايده وحاولوا ينقذون حياتها بس تاخروا وماتت منتحره الله لايوفقه ولايوفق كل رجال يلعب على البنات وبعدها دق الحقير ندمان ويترجاني اني اقولها تفتح جوالها ولما قلت له اللي صار لها وصرت ادعي عليه قام يكذبني يقول كذابة شكلها حبت لها واحد غيري ! واقسم بالله يابنات هالسالفة احسها صارت زي الرواية بحياتي بعد ماماتت بنت خالتي حاولت ادور صديقات اتناسا همي معهم بس كلهم تغيروا والا تركوني بدون اسباب مالقيت ولا صديقة مخلصة وينوثق فيها كل مرا اتذكر بنت خالتي ادعي لها بالجنة بس اتذكر انها ماتت منتحره اغسل الامل اني اقابلها حتى بالجنة هي كان معها اكتئاب حاد وكان واضح من تصرفاتها بالفتره الاخيره اذا ماتت وهي مكتئبة ربي بيعفو عنها ؟ افيدوني يابنات لانه حتى الدعاء والله صرت اياس منه وصرت احس بالياس اني اقابلها مره ثانيه لا بالاخره ولا بالدنيا الله لايوفقه ذاك الحقير حسبي الله ونعم الوكيل على كل ظالم حسبي الله ونعم الوكيل حسبي الله ونعم الوكيل