السلام عليكم ورحمة الله وبركاته
انا عزباء وعمري 31 سنة، ولحد الآن محد طق باب بيتنا يطلبني زوجة على سنة الله ورسوله.
بالرغم من اني عايشه حياته وما افكر بالموضوع كثير بس في الايام الاخيرة حسيت ان العمر مضى وانا نفسي يكون عندي مملكتي الخاصة واجيب لي ضنى يملى علي الدنيا.
بدت المشكله تتعبني نفسيا وصار عندي ارق وما انام الا 3 او 4 ساعات في اليوم. خاصة اني موظفة واشوف البنات قدامي اللي تنخطب واللي تتزوج وكل اللي معاي في القسم تزوجوا ما عدا انا، وبدات تطلع عليهم نظرات الشفقة وفي نفس الوقت نظرات الخوف مني اني مثلا احسدهم على ازواجهم او اولادهم وانا والله ما افكر في اني احسد غيري ولله الحمد. حتى لما ادخل عليهم وهم يسولفون في مواضيع الزواج او الاولاد يغيرون الموضوع مباشرة وطبعا غير كلمات اللمز مثل (متى راح تتزوجين يا بنت وغيره وغيره)
عموما ما ابغى اطول عليكم، بس لفت انتباهي موقع اسمه العفاف للزواج بإشراف شيخ اسمه الهويمل. فكرت ان اسجل معلوماتي بس خايفة من الموضوع.
فأيش رايكم اخواتي. هل انتظر نصيبي ؟ او اني اتوكل على الله وادور على ولد الحلال بنفسي من خلال موقع العفاف؟
لااله الا انت سبحانك اني كنت من الظالمين
اسأل الله العظيم ان يرزقني اللي في بالي ويرزق خواتي ويرزقك بالزوج الصالح عاجلا غير اجل
وبعدين حذفت الطلب وارتحت اذا الله كاتب لي الزواج باخذه
والاغلبيه اللي هناك متزوجين ويبونه سري او المهر 15 الف او بدون مبيت او يبون موظفه عندها بيت يعني باختصار ماخذها طقطقه وبديل اذا زوجته ولدت او سافرت
سجلي وجربي حظك بس انتبهي منهم لايلعبون عليك
هم مايطلبون رقمك ولا شي حطي مواصفات الطول والوزن والعمر والاصل
لاتحطين معلومات شخصيه مثل رقمك واسمك
واذا حصلتي الجاد وارتحتي له ذيك الساعه يتواصلون معك المشايخ وياخذون رقم ولي امرك
دامك موظفة و سايرة على النهج الصحيح والقويم ماعليك من كلام الناس
لان الناس حتى الميت حكوا عنه
خليك بثقه وترنم في عملك ماعليك منهم ومن كلامهم اشغلي نفسك بالوناسه و الطلعات مع اهلك وحاولي
تكوني بشغلك متالقه و صبورة ولما يجيبوا طاري الزواج قولي لهم الزواج قسمه ونصيب
وانا مابخد الا نصيبي من هالدنيا اذا الله كتب لي وانا مو بايعه نفسي او رخيصه على الزواج
وقت اللي الله كاتبلي اتزوج راح اتزوج
والله يرزقك بولد الحلال اللي يستر عليك وتجيبي الذريه الصالحه البارة فيك يارب
حبيبتي قومي الليل وادعي وانطرحي بين يدي الله واخرجي مافي قلبك
اكثري استغفار وتصدقي بنيه الزواج اواب شئ
اسئل الله ان يحقق امانيك