السلام عليكم ورحمة الله وبركاته
تعرفوا ان الحريم يحبوا السواليف..وعلشان تكوني ذكية وتستفيدي من القعده اسمعي كل وحده اش تقول عن حياتها وحاولي تستفيدي في اي مجال مثلا وحده قالت انا زوجي فيه وفيه وانت شايفة ان زوجك العكس قولي في نفسك الحمد لله على النعمة الي انا فيها ..ومو لازم تقولي هالكلام جهارا حتى لاتجرحي مشاعرها..
وحدة ثانية قالت لقيت اليوم طريقة خطيرررة علشان تمسحي الحبر الجاف من الجدار ولا الملابس..
هنا افتحي اذنك عدل واسمعي ..
سمعتي وحده سوت حركة حلوة لزوجها وانت عارفة ان زوجك راح تعجبه هالحركة لو سويتيها ممكن من غير ما تقولي لأحد تسويها في بيتك..اهم شي لاتتحدثي بالشي الي فيه سعادة زوجك وعيالك اما م الملاء ماتدري وحده منقهرة من زوجها تنقهر زيادة وحدة حاقده تعطيك عين..
سمعتي طريقة وحده في تربية ابناءها وكيف ان طريقتها جابت ثمار ممكن تستفيدي منها وطبعا مثل مافي كلام مفيد اكيد في حش وفي كلام سئ..مثل ان الوحدة تسب في زوجها والا تدعي عليه..هذا اسلوب ابدا مو راقي الوحده مهما كان زوجها فيه عيوب ما تقعد تخليه سالفة الحريم..وتتمسخر عليه ولا على هيئته وشكله..
ولا تقعد تمدح فيه انه احسن الناس طول الوقت والجالسين يدروا هو كيف معاها..
شوفي كيف اسلوب الزوج يتغير لما زوجته تتغير برضوا من سماع قصص الحريم..او كيف تكون الحياة فيها حيوية بالبداية وبعدين يتسلل الروتين وتصير نكد في نكد…
نصيحه من واحده من الاخوات في أحد المنتديات أعجبتني كثيررررررر0
وقلت أنقلها لأخواتي هنا للفائده والله حنا بحاجه ماسه للنصائح المثمره مو للحش والشكوى 0
أغلب جلساتنا لاتسمن ولاتغني من الجوع 00
الله يوفق كل زوجين للخير الدائم00 ويرزق الغير متزوجين أزواج صالحين0
يارب العالمين00
————————————————
الله يوفقك اختي وجزاك الله خير
الله يعينا على التغيير في هذه الجلسات القاتله وإحداث المفيد فيها0
الله يعينا على التغيير في هذه الجلسات القاتله وإحداث المفيد فيها0