طبعا يا بنات كلنا بيطلع عينا
فى ترتيب البيت او ننظيف المطبخ
انا هكتب شوية نصايح تجميع طبعا مش كلها من عندى واللى عندها ماتبخلش بمعلومة لاخواتها
يلا بأذن الله نبدأ
اى اكله فيها بصل شوحى البصل شويه على نار هاديه من غير زيت او سمنه لمده5دقايق عشان تتخلصى روايح البصل ومشاكله ف الفم والمعده معلومه اكيد
___________________________________
للما اجى اشوح اى لحوم فى معلقه سمنه بحط فصين مسكته ف السمنه يسيحم بيفرق كتيييييييييييييييييير ف الطعم وكمان تحمصى ورق اللورى والحبهان برضه ف الاول
______________________________
لما ايدي بتتلسع او تتحرق فورا بحطها في دقيق ابيض وبيروح الحرقان والحرق
___________________________________
لو عاوزة تاكلى ممبار ويكون قريب من الدايت اعملى الخلطة نى فى نى وما تحطييش زيت ولا سمنة وتحشيه وتسلقيه فى مية هينزل كل الدهون اللى فيه وبعدين طلعيه رصيه فى صنية وادهنيه ببيض عليه معلقة واحدة زيت وهو هيتحمر طعمه تحفة وابقوا ادعولى
________________________________
ى بقعة فى الهدوم اغسليها الاول ببريل بتاع المواعين هتروح علطول
____________________________________
اى بقعة فى الهدوم اغسليها الاول ببريل بتاع المواعين هتروح علطول
___________________________________________-
الخضره بلفها في كيس بلاستيك بتقعد معايا 10 ايام ولما بعمل اى نوع خضار بسله او فاصولياء او كوسه بشوحهم الاول مع البصله والتوابل والسمنه ووتنزل ميتها قبل ما احطلها الصلصه بتفرق جامد في الطعم ولما بعمل كشري بقطع بصله صغيره مع الشعريه وهى بتتحمر طعم الرز بيبقي احلى بكتيررررررررر ودقه الكشري حطى عليها رشه جنزبيل وكلى احلى دقه كشري لما بعمل اى تعصيجه لحمه مثلا للمكرونه البشاميل رشي شويه قرفه عليها وبجد بتبقي مميزه
__________________________________________. اول ما الزيت يقع منى ع الارض بحط ملح عليه وبعد شويه بمسحه ومش بيزحلق الحمدلله وعن تجربه اكيييد
________________________________________
لو خرجه وكنتي وكله اي حاجه زفره سمك مثلا هاتى حبت بن وادعكي ايدك وبس كده اغسليها ولا كأن ف حاجه
_________________________________________
اقشر البطاطس عادي في مية ع النار وخل وملح يدوب 5 دقايق بس وبعدين علي زيت غزير ساخن ودوقي بقي القرمش
_______________________________________
بعيدا عن الاكل .. اى لبس جه عليه حبر حطى على الحته الى فيها حبر ميه و معجون سيجنال لمدة يوم و اليوم التانى افركى الحبر بيروووح
____________________________________
عشان تتطورى من صوص البشاميل حطى 4 مثلثات جبنة نستو او كريمة لبانى
___________________________________________
عشان نشيل الدهون بسرعه م المواعين زودي خل علي صابون المواعين وادعولي
___________________________________________
لملوخيه عايزه تنشفيها بسرعه لفيها فى حاجه قطن وحطيها فى الغساله على التنشيف
___________________________________________
علشان تنضفي عيون البوتجاز بدون تعب انقعيهم في خل وملح واغليهم عالنار وشوفي الفرق
___________________________________________
لو هدومك فيها وبر هاتي ماكنة الحلاقه الرجالي وامشي بيها بالراحه واتفاجي بزوال الوبر نهائي دى انا مجرباها وتحفة بصراحة
___________________________________________
عاوزه الحنفيات تبقي زي الفل ادعكيها بنص لمونه وبعدين امسحيها بفوطه واتفرجي عاللمعان
__________________________________________
قبل ما تحطى المكرونة فى صلصة الطماطم شوحيها فى معلقة زبدة او سمنة مع شوية توابل بتبقى تحفة
________________________________________
لما تحبى تلمعى الخشب هاتى بخاخه وحطى فيها كوبابه خل وكوبايه ميه وامسحى بيها الخشب بقطعه قماش
___________________________________________
طعم الشيبسي بيجاب من عند العطار الجبنة والشطة واليمون والكباب
___________________________________________
لو عايزة تلمعى اوضة نومك واى عقش عندك هاتى ماية وحطى فيها شاى عادى واغليها وسبيها اما تبرد وصفيها ولمعى بيها عفشك
____________________________________
لو افتكرت حاجة تانية هقولكوا
يعطيك العافية
أتمنى انك ما نزعجتي
*للحفاظ على القطاني لمدة اطول في المطبخ، نضيف كمية قليلة من اﻻبزار في اﻻناء اللدي يتواجد به.
*لتنظيف الخشب، نخلط زيت المائدة والخل تم نبدا بمسح الخشب.
*لعﻻج مشكل التعرق في الحداء، نرش بداخله النشا لليلة كاملة.
(لتمنى انو هي النصائح تساعدكم في حل بعض مشاكلكم، سلام)