حياتي ما ادري كيف صايره الحمدلله مجابة

السلام عليكم ورحمه الله

مبارك عليكم الشهر الكريم

انا حابه اطرح مشكلتي لاول مره
دايما اكتم الي فيني لاكني تعبت
اسألكم بالله الدعاء لي ولجميع المسلمين
ان ييسر الله امرنا ولا يحملنا ما لا طاقة لنا به ولكم بالمثل
والي عنده حل يخبرني لانه خلاص .. ما اقدر استحمل اكثر
تعبت من دنياي والله الشاهد
انا بنت عمري في بداية العشرين اكمل دراستي في الجامعه .. احس اني مب متوفقه في شي ولله الحمد .. واللهم لا اعتراض .. انخطبت 3 مرات او اكثر ما ادري في فتره وحده ولا مره صار لي فرح او غيره من هالاشيا لازم تتعثر اموري والله يابنات انا ابغي الستر واسأل الله دااايما انه يبعدني عن الحرام .. والله اجاهد نفسي لاني وقعت ف معاصي كثره من مشاهدات اقصد
.. انا تعرضت للتحرش 23 مره يوم كان عمري 10 لين 13 سنه من كاافه المجتمع من القريب والبعيد ولخوفي وجهلي كنت اسكت واستحمل لاكن كان تحرش والحمدلله بعدني عذراء .. الله حماني من الوحوش والله يا ينات كنت اصيح واتألم .. والحين لما كبرت تعبت وانا اتذكر المواضيع امي وابوي واميين .. كانوا يحسبونا في امان في هذا الزمان ولهذا صار لي كل هالتحرشات .. والله ادعي رب يعوضني على الي جفته من ظلم وقهر .. من الايام الي عشتها وما سلمت من حد وفتحت عقلي على امور اكبر مني ..

والحين حياتي اتعس واتعس .. لا نصيب ولا شي .. انا الحمدلله دايما اذكر الله ودااايما ادعي الله انه يستر علي وبيين هالشي من الخطااب الي يوو لي والله اتمسك فيهم ابي اتزوج والله يعلم .. ابي ابتعد عن الحرام والله اجاااااهد نفسي وااايد واااايد لاكني اضعف ف لحظات واررد بسرعه اتذاكر الامر ..

دنيااي والله غيررر دايما لما اشوف الناس كيف نصيبها سواء في الدراسه او في الزواج او بالحياة بشكل عام انقهر على حظي .. الحمدلله على كل حال

في دراستي .. دايما اتعرض لتجريج من الدكاتره وما عندي اصدقاء دايما مع نفسي محد يحب يشاركني اكله ومذاكرته وو دايما لحالي اسير وايي نفس الروتين اسبوعيا وف الزواج لااازم يتعرقل من امي تردهم لاتفه الاسباب 💔💔 ولانها هي الكل بالكل وابوي متوفى من 2024 صارت تتحكم فيني .. كيف اقولها اني ابيهم كييف لو اقنعها لازم تعصب علي وتتعب بعدها ويخلون الموضوع كله علي انتي السبب في تعبها .. والكل ينصدم مني ليش ابي اتزوج انا ما ابين لهم لاكن يوم ايي الخاطب اتمسك فيه .. ابي ابني حياتي الكل عندنا تزوج ليش انا لا شو الي يمنع 💔💔 ماني عارفه اخوي الي اصغر مني تزوج وخذ وحده صغيره ما تدرس ولا شي والله اكذب عليكم اذا قلت ما احسدها … استغفر الله لانها تنخطب اكثر من مره وهي صغيره ومطلقه والحين ما في احلى منهم ما شاء الله واخوي وفر لها بيت كامل وسفرها اكثر من مره والله اني ابي لهم الخير لاكني من داخلي اتقطع .. ويوم اشوف امي كيف فرحت له في عرسه وخواتي وانا لا والله تجيني غصه امي داايما تخرب مواضيعي دااايما وتتعب ويغمى عليها 💔 ليش شو سويت انا .. انا ابا اتزوج حالي حال غيري .. لانه ما عندي اب يصير كل هذا 💔

خاطري تكون لي حياتي خاطري حد يتذكرني والله وما اكذب عليكم انا اكثر وحده اشتغل لاهلي اي طلب اييي شي ينادوني ولا القى منهم شي بعدين .. دايما ضدي 💔 ما اعرف اعيش ولا اعرف شو اسوي حياتي جدا ممله .. واشوف فيها القهر كل يوم واسكت

الله ما خلقني جميله ولا خلقني بيضاء الحمدلله انا راضيه لاكن المجتمع اللحين ما يتقبل الي مثلي والله وهذا الصدق اختي ابيض عني واصغر .. اخر مره خطبني واحد وخبرني اخوي وانا والله اعجبت بالشخص .. وامي رفضته لاجنسيه امه وانا تمسكت فيه ورجعت من الجامعه وكلمت اخوي يرد عليه انه يصبر لحد ما اقنع امي اول مرة اسوي كل هذا وانا ما اتكلم مع اخوي مره يعني هو اكبر واحد .. وكلمت امي وقلت لها كلام الله يسامحني عليه 💔 قلت لها هذي حياتي ورفضك لامه هذا سبب غير مقنع وهو زين وااايد زين لاكن اكتشفنا انه ما يبيني انا ويبي اختي الاصغر وما طراني اصلا وعادي بينتظرها لين تخلص لاكنه رفضوه للحساسيه .. اقسم بالله تمنيت الارض تبلعني .. انكسر قلبي وخسرت امي والكل يشوفني بشفقه 💔 انحرجت من الي صار .. الحمدلله على كل حال