السلام عليكم
انا متزوجه من سنه وسبعه شهور تقريبا حامل ولله الحمد
دايم يصير بيينا مشاكل وزعل وهوشات اخر هوشه شفت رقم بنت بجواله وطبعا انكر و……. الخ وتقريبا تسكرت السالفه
قبل فتره بحثت بنكه اللي يسجل فيه دايم بالمواقع ومتعارف فيه بالانستقرام ولقيت له حساب وشفته مضيف اسواق وحراج مع انه دايم يقول ماعندي حساب وماحب الانستقرام طبعا اسكتت ماقلت له شي
قبل يومين شيكت على حسابه واشوفه مقفله ومضيف 20 شخص
المهم الوضع عادي واشوف المضافين كل يوم يزيد 6 او 7 صارو 49
عادي انا ماستغربت الا لانه منكر ان عنده حساب ومقفله ؟؟؟
جيت امس قلت بجرب ارقامه السريه اللي اعرفها بالصدفه لما جربت دخلت حسابه مرره انصدمت
كل اللي مضيفهم +18 كلهم اجنبيات اللي صورهم عباره عن اجسامهم منفخه المناطق الحساسه ويستعرضون باللبس الفاضح
واللي صدمني اكثر انه برمضان وحتى حاط رقم جواله ويسوي لايك مررره ضاق صدري طبعا ماكلمته ولا قلت شي ولانويت اقول ولاخلياه يحس لانه ادري بينكر ويقلب السالفه علي لانه عنده مهاره بهالشي بس محتاره وضايق صدري !! مدري ليش يسوي كذا ؟
وصرت اشيك اشوف متى يدخل حسابه لما اكون طالعه لان الاحظ المضافين عددهم يزيد
ومره كنت بالليل وكان طالع وتاخر جيت ارسلت له واتس واشوف يوصله الكلام لما دخلت الحساب بالانستقرام لقيته داخله المهم مارد علي بعد عشر دقايق جاء وتروش !!!!! 
أو تروحين لبيت أهلكِ
حتى يتادب شويا
إلاه من رياجيل كلهم كذابون وخونة
ما يلى عيونهم غير التراب
الله لا يبتلينا
وإن كآنو بيخلوكِ ترجعي له ! وريهم الصور وقولي لهم كل شي
إبنكِ لآزم يتربى تربية سليمة صآلحة !
إرسلي له مقآطع عن جزآء الآشيآء اللي يعملهآ
موفقة
|
المشاركة الأصلية كتبت بواسطة لمسه اميره
 حبيبتي والله حاسه فيك ،، انتي ادعي له ،، انشغلي في نفسك،، ولا تواجهينه أبدا اللي يسويه بينه وبين ربه انتي وسعي صدرك وهو مب صغير يعرف الغلط من الصح
|
اي نعم انا معها
يعني الهدايه بيد الله
وان تكلمتي ترا بيقلب عليك وبيطلعك انتي الغلطانه
نصيحتي لك الي يسويه وبالخفاء خليه لربي يحاسبه
وانتي انتبهي لنفسك وحاولي تشجعينه على الصلاه لانها تنهى عن الفحشاء والمنكر
وخليك ذكيه قولي مثلا ياحظ ولدي في ابو مثلك ييالغالي اذا قال ليه قولي لانك وفي وراعي صلاه وتخاف الله ولا اوصيك بعيالي وكذا
ومرات قولي شفت مقطع مخيف ان بصلاح الاب ربي مايضيع الابناء
مثل قصه بسوره المهف الي ربي حفظ الكنز للايتام لان ابوهم صالح
تعالي من هذا الجانب بس مو بكثره علشان يشك او ينفر
ترا الرجل اهم ماعليه عياله انتي تعالي له من هالجانب
لكن لو اني واجهتيه فما راح يهتم
كوني ذكيه وصدقيني بتقعد بقلبه حتى لو ماوضح
وعليك الدعاء
تراه قلبه مو بيدك بيد ربك الحي بالدعاء واستغفري
ولاعاد تفتشين جوالك
ولاتروحين لبيت اهلك الي يقول يتادب ماراح مايتادب يمكن يجامل قدام اهلك خاص اذا فضحتيه وترا اذا قلتي عن سره بكرا الي يكرهونك يعيرون عيالك بابوهم
خليك في بيتك وادعي ربك ولاعاد تفتشين وكوني ذكيه بالتعامل
وترا المدح وتشعرينه بالثقه بياثر عليه لو مو عاجلا
انصحك بمقالات الدكتوره ناعمه الهاشمي مرا مفيدخ لمثل حالاتك
اذا بس هذا عيبه واحمدي ربك مايجاهر فيه خلاص الله يحاسبه فيه
انتي ماعليك الا بحياتك كل واحد فينا له جانب مظلم والله تكفل بستره فلا تبحرين فيه اكثر لانك الخسرانه
والله يوفقكك
وليكن خالص لله ،، وان شاء الله يستجاب منك ♥
وانتي ياصاحبة المشكله الغلط غلطك ليه تتبحثين من وراه؟!! يعني الا تطلعينه راعي بنات؟!! لازم تمسكين عليه شي؟!!! وانتي ترضين ان زوجك يشك فيك ويفتش بجوالك واغراضك؟!!! عيب تتبحثين من وراه ومو من حقك تدخلين حساابه من غير علمه 
واللي تقولك روحي بيت اهلك المشكله ماتستاهل لدرجة انها تروح بيت اهلها وتفضح زوجها ان عنده صور بحساابه والمشكله هذي تقدرين تحلينها ياصاحبة المشكله الحل بيدك بذكائك وهدوءك والنصح مثل ماقالت الاخت سر ابوها طبقي نصيحتها ….واللي تقولك صاارحيه من رايي انك تسوين نفسك ماتدرين عن شيء!!! لاتصاارحينه خصوصا انك قلتي بيقلب السالفه عليك وبموضوع كبير مثل هذا ممكن يخليه يعصب عليك ويقولك ليه تدخلين حسابي من وراي؟!!