السلام عليكم ورحمة الله وبركاته
خواتي انا مالي غيركم
ساعدوني الله يسعدكم
انا طالبة في الصف الثالث ثانوي
عندي صديقة من اول ابتدائي وهي معي بكل مكان مع بعض نطلع سوا ندخل سوا كل كل شي سوا
ومن اول ثانوي وحنا بنفس الفصل مافرقونا يوم جينا ثالث ثانوي فرقونا هي بفصل وانا بفصل
طبعا كانت صدمة كبيرة بالنسبه لي زعلت مرا
تخيلو بعد ماكنت البنت الفلة واللي اسولف واضحك بالفصل
والله يابنات اني صرت زي الجدار بالفصل لا اتكلم لا اشارك كله قاعده لحالي مااعرف اتكلم الا وصديقتي معي
والمشكله احس كل بنات فصلي شلل لا انا لحالي
بداية السنه قلت لازم انقل من فصلي وكل يوم اقول بكلم الادارة ومالاقي فرصة او اخاف وارجع
بس الحين قربت نهاية الترم الاول الله يخليكم يابنات عطوني طريقة اقنع فيها الادارة ويخلوني انقل لفصل صديقتي ع الترم الثاني والله ماهيب حاله صرت مصخره قدام البنات كلهم يضحكون علي ويسموني صنم بالفصل ولو مره ضحكت يستغربون مااقدر ادخل معهم ابي صديقتي وبس هدي اخر سنه لي بالثانوي ابي اتخرج بدكرى طيبه ماابي افتكر الايام هدي
,*
تأقلمي مع الكل مصيره في حفل وداع وتخرج
ومن ناحية الدروس اقريها في البيت يعني تحضير خفيف حشان تشاركين ّ
وسولفي مع الي جنبك سواليف سطحية ..
كذا راح تتعبين ّ
إذا تبين تنقلي فصل زميلتك لازم من بديلة هناك تبي فصل ذاك ولا قولي ل امك وامك تكلمهم ..
&
لا إِلَهَ إِلَّا أَنْتَ سُبْحَانَكَ. إِنِّي كُنتُ مِنَ الظَّالِمِينَ ..()
حنا بمدرستنا ماشاء الله تبارك الله نروح الفصل اللي نبيه ماحد يقول عينك برآسك انتي كبيره بثآلث ثانوي مانك ابتدائي يحطونك بآلفصل اللي يبغونه
المهم انا مثلك افترقت عن صاحباتي بسبب الادبي والعلمي والله ليومك ذا مو متاقلمه الا معهم!! واتذكر ايامنا والله يجيني حزن اقابلهم بالفسحه اسولف مع بنات الادبي بس مارتاح معهم والله قهر التفرقه لكن الله يعين !
كلمي المديره اذا مانفع خلي امك تكلمهم ع انك كبيره مايحتاج كل ذا تقدرين تختارين اللي تبين لك حريه الاختيار!
وبالتوفيق ..