طريقتى فى عمل اللزانيا بالخطوات المصورة من البوم وصفاتى سنة 2024 ان شاء الله تنال اعجابكم
لا احلل نقل وصفاتى الا بذكر المصدر
اولا العصاج
بصلة مبشوره وندبلها فى زبده ونقلب ونحط اللحمه المفرومه ونقلب لحد مايتغير لونها وبضيف عليها مكعبات فلفل الوان وماشروم وملح وفلفل اسود وبهارات وصلصة طماطم وبيكون الصوص سايل شويه
ثانيا البشاميل
نحط 4 معالق كبار زبده وزيهم دقيق مفروض كميه الزبده زى الدقيق ونسويهم على النار ونضيف اللبن بس يكون بارد ونظبط الملح والفلفل الابيض او الاسمر حسب الرغبه
ثالثا العجين
نص كيلو دقيق و5 بيض و10 جرام ملح و75 جرام زيت
نحط الدقيق وعليه الملح ونعمل حفرة فى النص ونضيف البيض والزيت ونخلط من الداخل للخارج لحد مايتكون عجينه متماسكه
نغطيها ونحطها فى التلاجه ترتاح حوالى نص ساعة
بعد ما ترتاح نطلعها ونفردها بماكنه المكرونه
ونفردها مستطيل ونقطعها
نكون مجهزين مايه سخنه بتغلى ونحط فيها ملح وزيت
ونبدأ نسلق المكرونه ونحط واحده واحده ونطلعها فى ماء بارد وتلج
كده نكون مجهزين كل المكونات ونبدا نركب اللازانيا
نجيب بايركس او صينيه ونحط باشاميل وبعدين شرايح من الازانيا وبعدين لحمه مفرومه بالصوص وجبنه مبشوره
ونكرر نفس الترتيب لحد ما نخلص كل الكميه وفوق الوجه نحط بشاميل وجبنه موزريلا وندخلها الفرن اهم حاجة مانسبهاش كتير فى الفرن علشان تفضل طريه
ودى اخر صور للطبق بعد ما طلعت من الفرن وقطعتها
لا احلل نقل وصفاتى الا بذكر المصدر
زووووم علشان تشوفوا الطبقات
الف هنا وشفااااااا
|
المشاركة الأصلية كتبت بواسطة مشاشة عتيقة
 ما شاء الله تبارك الله .شكلها تشهي
|
تسلمى يارب ياحبيبتى نورتينى
|
المشاركة الأصلية كتبت بواسطة سديم السما
انا بحب اللزانيا كثير يسملوا غاليتي
|
الله يسلمك من كل شر اتفضلى الف هنا وشفا على قلبك
تسلميِ
بتشهي جوعتيني وانا صايمة اهئ اهئ