صباح / مساء الحبايب بشعبان
يبلغهم ربي رمضان
تام بلا نقصان
و يجزيهم اعلى الجنان
رمضان جئت إلينا
تحنو سماك علينا
أهلاً قدمت ومرحبا
سقنا إليك حنـيـنا
رمضان ليتك دائم
فيك الثواب جنـينـا
لكي نفوز بجنـة
هبة الكريـم إليـنـا
تراءت فيك يا رمضانُ كلُّ معـالم الخيرِ
وفيك تنقلَ الوجـدانُ من طهرٍ إلى طهرِ
وفيك تنزّل القـرآنُ نوراً ليلةَ القدرِ
كم يوم ويطل علينا شهر رمضان بلغكم الله اياه..وجعلكم من الفائزين برضوانه..
كلنا عارفين عجقة رمضان من ناحية الطبخ والنفخ..
ومشان نستغل رمضان بالطاعات ويكون وقتنا منظم ومانضيعه
كمان وقت العزايم مشان مانتغلب بزيادة…
حلو انو نفرزن الشغلات يلي بتاخد منا وقت
اليوم رح اعرض عليكم مفرزناتي لهل السنة ..مع انو لسه باقي عندي كم شغلة لسه مافرزنتها بس الاخت بيلسان شجعتني انزله // قلت يابنت كرمال هل العضوات الأمورات خلصيه اليوم ونزليه ..قبل مايهل علينا رمضان
نبدااا بالشيش برك
اول شي بنعمل العجينة وبنتركها ترتاح مدة ساعة
العجينة بتطلع رووووعة بمعنى الكلمة وسهلة التشكيل
الحشوة عبارة عن لحمة وبصلة وملح وفلفل
بعد ماتخلصي حشي العجينة حطيها بالفريزر وخليها تجمد ,بعدها صفيها بالحافظة ,حطي استكر على العلبة وسجلي ماتحتويه العلبة
وهي الطريقة الاحسن نتبعها مع جميع المعجنات ..
ممكن تستعملي هل العجينة المحشية بنوعين من الاكلات
يلي هي الططر برك وهو نوع من انواع المقبلات ويلي سبق ونزلت طريقتو
الموجودة على هل الرابط
منيو عشاااا * لضيوفي *
الشيش برك
اضربي اللبن الزبادي بالخلاط..اضيفي بياض بيضة(ممكن الاستغناء عنها)
ذوبي القليل من النشاء بالماء..وضعيه بعدها مع اللبن على النار
حركي اللبن الى ان يغلي(لاتتركيه ابدا الى ان يغلي) بعدها ضعي حبات العجين فوق اللبن ..وخليه على نار هادئة الى ان تنضج العجين
وقديمه بجانب الرز مع الشعيرية
السمبوسه
رسالة حلوة عجبتني وحبيت اقولكم اياها على سيرة السمبوسه
بقرب رمضان اهديكي سمبوستين
الحرفين الاولين لعدوك
والباقي على خدك
بنرجع لموضوعنا
انا بفضل السمبوسه بالجبنة ,,
هي الحشوة
وهون بعد ماخلصت وحطيتها بالعلبة
انا بقص شوي من السمبوسك مشان تكون ارفع شوي ويلي بيطلع من القص // برجع بقصقصه وبخليه مربعات جاهزة للقلي مشان الفتوش
سمبوسك الجوز
طبعا هاد حلو بعد ماتقليه تحطي عليه عسل او نستله
نسيت اكتب القرفة
نفس العجينة حشيتها بعجينة البف باستر..كتغيير بالحلو وقت العزايم
سمبوسك البف
عملت عجينة الاخت كيكة شوكلاتة ..بس استغنيت عن البيضة
وهاد رابط
والحشوة كانت ..دجاج وبصل وخضار مشكلة وبهارات وكزبرة
وعملت بحشوة المرتديلااااا كتير لذيذة
اصابع الجبنة بالكلاج
زمان كنت اعملها بالسمبوسه بس لقيتها اخف واطيب بعجينة الكلاج
تقطع العجينة مربعات وبعدها تحشى بالجبنة وتغلق الاطراف بقليل من عجينة اللصق يلي هي ماء +طحين
ممكن تخليها مالحة او تحليها وتغطسي اطرافها بالفستق
كمان بعجينة الكلاج عملت اصابع الزعتر
ادهني مربع الكلاج بالجبنة السائلة ورشي عليها زعتر ولفيها
لفائف القرفة (السينابون)بالبف باستر
هي من حلوياتي المفضلة لانها سريعة والكل بيحبها
جيبي شريحة بف باستر ادهنيها بالجبنة السائلة ورشيها بالقرفة والسكر
لفيها اسطوانة وقطعيها حلقات// ولما تخبزيها حليها بالعسل او النستله
سبرينغ رول
حشوتي..دجاج وبصل وملفوف وجزر مبشور ..بقدونس /ماجي فلفل بهارات
جبنة شيدر مبشورة
شويت باذنجان وخليته جاهز للمتبل او الباباغنوج
ولب الكوسا سلقته وحطيته باكياس مشان متيل الكوسا (سبق ونزلته)
كفتة البطاطا بالجبنة
انا عملت طريقة نمسه..الموجودة على هذا الرابط
بس انا اضفت البقدونس والجزر..وحشيتها بالجبن الموزريلا والشيدر
لاتكتري جبنة بالداخل عشان ماتطلع وقت القلي
بعدها توضع بالفريزر وبعد ماتجمد بنحطها بالحافظات
انا قليت شوي شوفو كيف طلعت
وهون من جوا شوفوا الجبنة كيف طالعة
الكبة
وهي لسه ماعملتها //بس جبتلكم صورة من موضوع سابق الي
ويلي بدها الطريقة موجودة على هذا الرابط
الــــكـــــبــــــة الـــشّــــامـــيــــــة خمس انواع خطوة بخطوة وبالصور
في شغلات كتيرة ممكن تتفرزن ,متل الخضار ,,وفي ناس بتفرزن البصل سواء مفروم اومقلي مع التوم (بيحطوها بقوالب الثلج لتجمد وبعدها باكياس لوقت الاستعمال
البندورة بتتقشر وتقطع //وبتصير جاهزة للطبخ وهي انا بعملها دايما بس نسيت اصورها
ورق العنب ممكن تلفيه قبل بيوم //او اسبوع ورح يطلع بعد الطبخ حلو كتير وبدون مايتكسر الرز
الدجاج ينظف ويتبل ..ويحفظ جاهزللطبخ او الشوي
صحيح التفريز متعب ..بس بريح كتير برمضان وبعده لان الشغلات يلي بفرزنها بتضل عندي لبعد رمضان
وبالنهاية اتمنى انو موضوعي اعجبكم
]:كل عام وانتو بخير وعقبال كل سنة انشالله
رمضان كريم ,وألله يتقبل منكم الصيام والقيام وصالح الاعمال
اشتهيت اكل كل هالاكلات هههههههههاي
وكل عام وانتي بألف خير
بس انا مافرزنت كلشي ..في ناس بتفرزن اكتير من هيك…متل الشوربات..وطبخات كاملة مجهزة//بس بصراحة يعني مو لهدرجة….الا اذا كانوا موظفات فهذا شي تاني
مشكورة على المرور يالغلا
كل عام وانتي بخير يارب
اشكر مرورك
رمضان كريم
ماشاء الله تبارك الرحمن
مساء الحبايب بشعبان
يبلغهم ربي رمضان
تام بلا نقصان
و يجزيهم اعلى الجنان
ربى يبلغك رمضان وكل عام وانتى بخير
شغل حلو ومرتب طيب الله لايهينك (ارسليها لي)
علشان بس اكل يميييي
انا بصراحه عجبتني اشياء كثير سويتيها إلا كلها
بأذن الله راح اسويها بعزيمتي الي خبرتك عنها 
هذا اول المنيو
وبحاول اني افرزن منها
يسلمووووووووو ياقلبي بصراحه شغلك من جد روعه ماشاء الله [/color][/size][/font][/font]