السلام عليكم 
……
انا بنت في آخر سنة من المتوسط
أبوي الله يحفظه نقل للرياض وانا واخواني ننتظر امي تنقل ( بما انها مدرسه )عشان نروح نعيش مع ابوي 
المهم .. ان احنا الحين نعيش في بيت خوالي ( وهنا المشكله )
فيه وحده من خالاتي تعيش في هذا البيت مع ولدها ( يدرس في الجامعه )
وانا اكيد اتغطى منه , لكن المشكله ان البيت صغير وكل شوي نتصادف أنا وهو بالغلط .
أحس اني مخنوقه من جد يعني ماعرفت آخذ راحتي زي باقي البنات اللي يعيشون مع أهلهم .
كلمت امي عن الموضوع انها تخلينا نروح لبيت خالي بما انهم مسافرين ومافيه احد , لكن تقول انه صعب نروح هناك لحالنا والبيت ينقصه اشياء كثير
كل يوم احبس نفسي بغرفتنا الصغيره عشان ما أقابل ولد خالتي , وكل يوم ابكي على حالتي , اتمنى اكون مثل باقي البنات أقدر امشي في البيت على راحتي بس ما اقدر , احس نفسي في سجن مو بيت ( وامي ما راح تحس فيني اصلاً )
……………….
سامحوني اذا كان الكلام ملخبط بس بما انكم اول ناس افضفض لهم صرت اكتب بدون ما احس على نفسي 
إذا ما فهمتم شي قولو وراح ارد عليكم
والله يوفقك
الحل انك اذا بتطلعين مكان اسألي هو ووينه ؟ صاحي نايم ؟
اذا كان صاحي ارسلي احد يجيب الي تبينه بدل ما إنتي تلفين البيت
طفشتي من الغرفه ؟ اقعدي بأي مكان حابته مع امك بس بمكان امك تكون مقابل الباب
عشان لا جاء على طول تقوله لا يدخل
وعموماً لاحد يكذب عليك محد يرتاح عند الأقارب الا اذا كان البيت مافيه اولاد
وانتي مره بالغتي بالمشكله
يعني ماله داعي تبكين وتحسين نفسك بسجن !
اكيد انه مو طول الوقت موجود
واذا فرضاً طفشتي ماقدرتي تطلعين من غرفتك اطلعوا تمشوا روحوا السوق أي مكان
وبكل صدق ماراح تحسين براحه غير ببيتكم هوني الموضوع ولاتكبرينه وتعذبين نفسك وخذي احتياطك قبل تطلعين
شوفي متى اوقات طلوعه وقضيها خارج الغرفه
وإن شاء الله يجي نقل الوالده قريب عشان تستقرون في بيتكم مع الوالد وترتاحون
شوفي حد من عمامج ما عنده اولاد اذا ممكن تيلسين عنهم
او رمسي ابوج و خليه ياخذج عنده وامج وخواتج ينقلون بعدين
موفقة
استغفر الله العظيم الذي لا إله إلا هو الحي القيوم و أتوب إليه