السلام عليكم ورحمة الله وبركاته
أخواتي .. أنا بنت صغيرة
بس أحس على قلبي هم كبييييير ..
وهو فعلاً هم وابتلاء من الله
وماله حل أبداً إلا الصبر عليه
وأنا خلاص نفذ صبري
وتعبت أمي معاي .. دايماً تسألني شفيج ؟
وأنا ما أبغي أجاوبها
ولا جيت أتشكى هنا
أنا جيت أقول لكم ان لي فكرة ملازمتني من شهوووووور
أبغي أهرب ..
لو شهر ..
ودي أهرب من كلللللللللللللل شي
من البيت .. من أهلي .. من ناسي .. من صديقاتي .. من دراستي .. من نفسي .. من أي مسؤولية محطوطة على راسي
ودي أعيش شهر واحد .. أقوم وقت أبغي وأنام وقت أبغي
بعيييييد عن ضغوط الحياة ..
وبعيييييييد عن القيود والسلاسل
المشكلة لو طلعت من بيتنا وين بروح ؟؟
ما عندي أي مكان ..
جربت الهرب مرة واحدة .. وحبيت الوضع
لكن هروبي كان 8 ساعات فقط
الحين أبغي أهرب شهر ولا شهرين ..
تهقون الله بيحاسبني لو طلعت من البيت بدون اذن احد ؟؟؟؟؟!!!
والله في خاطري ألم ثيابي واطلع من البيت في الليل بدون ما أخبرهم وين بروح ولا ليش طلعت !!!
تعبت والله ><"
ومصيبتي أنا الي أتعب نفسي ><"
رحمـــآآآآآآآآآك رب السمااااء .. 
ودي لك
انتي بس علشان بس تبعدين عن اهلك شوي تصحين متى مابغيتي وتنامين متى مابغيتي
دليل على ان امك مهتمه فيك ولاناقصك شي امك تسألك وش فيك يابنتي
كل اللي فيك قل ايمااان تعوذي من الشيطان واستغفري ربك وبترتاح نفسيتك
واذا كنتي حابه تهربين مرررره معزمه الحين لمي ملابسك واطلعي نامي بالشوارع والا بجنب الزبايل يمكن ترتاحين لا ام ولا اب ولا اخوان ولامسؤليه بس لحالك بالشارع
اتمنى انك فاهمه وش قصدي
مشكلتك عايشه داخلك ..يعني وين ماتهربين ماراح ترتاحين
عمر الهروب ماحل مشاكل والا كان شفتي كل البشر بكل العالم عايشين خارج منازلهم
الحياة لانستشعر الراحه بها الا حين نتعب ، اليوم تتعبين وبكره ترتاحين ان شاءالله
انتِ لازلتِ صغيره ونظرتك للحياة حسب عمرك يعني صغيره تنظرين لها من عدسه ضيقه
ومساحتها اصغر ، مع الأيام راح تكبر العدسه وبتشوفين الدنيا بشكل اعمق ، انتِ الآن لاترين
ماحولك الا من خلال مشكلتك فقط
تقدرين تتغلبين على مشكلتك حاليا بالتمرد ليوم واحد فقط وهو كفيل بمداواة تعبك
اصرخي وقولي لهم انا اليوم ما راح اعمل اي شي اريد اجازه من كل شي ، وهذا اليوم
يكون لك.. لذاتك اعملي فيه كل شي نفسك فيه ، تنامي تأكلي تشربي تقرأي ….الخ
وانظري بعد هذا اليوم هل شعرتي بالراحه المطلوبه او لا؟؟؟
وبعد هذا اليوم ..ارجعي لموضوعك هنا في هذه الصفحه واخبرينا عن نفسيتك الجديده
والكلام بينهشك من كل مكان
وهذا اذا ابوك يستقبلك ببيته مرا ثانيه
واذا انحشتي بيطيح وجه ابوك قدام العالم وبياكلونه باالسنتهم ورح يضيق حاله كل ماجابو طاريك
ممكن دعوه واحده منه تمنعك من الهروب اي مكان يمكن بالموت وانتهيتي وخلاص
بس صدقيني انك مراهقه وتتضجرين من المشاكل لانك ماتحلينها بعقلانيه وركاده وقوة ايمان
وفوق هذا كله (تأثير الافلام والمسلسلات منتشر )
ربي يهديك ويعينك
انا اسفة اذا كان ردي قاسي عليك بس الشي لصالحك
انتي بنت صغير يعني لس ع لهم والطفش والهروب
مافي انسان مايتضايق ويمل
قال الله تعالى {لقد خلقنا الانسان في كبد}
بس وينك من الرحمن الرحيم وينك من قيام الليل والدعاء والخشوع والتذلل لله سبحانة هوالقادر
الهروب ماهو حل ولاسعادة مصيبة تفتح عليكي باب من المصايب
سعادتك وراحتك ماهي في الهروب ولاعندي ولا في اي مكان
سعادتك وراحتك لما تقفي بين يدينة سبحانة
قوي الوزع الديني عندك واكثري من قراءة القران
صدقيني ما راح تلقين اللي تبينة الافي هـ الشي
والله يهديك