إياكي وكشف المستور عن ماضي خطيبك . 2024.

طب وليه بتسألي
عايزة تعرفى
طيب تعالى اعرفك كل حاجة من غير سؤال
يلا ركزى معايا واقرىء الاية الكريمة دى
{الْخَبِيثَاتُ لِلْخَبِيثِينَ وَالْخَبِيثُونَ لِلْخَبِيثَاتِ وَالطَّيِّبَاتُ لِلطَّيِّبِينَ وَالطَّيِّبُونَ لِلطَّيِّبَاتِ أُوْلَئِكَ مُبَرَّؤُونَ مِمَّا يَقُولُونَ لَهُم مَّغْفِرَةٌ وَرِزْقٌ كَرِيمٌ}
اقرى دي كمان
{الم * أَحَسِبَ النَّاسُ أَنْ يُتْرَكُوا أَنْ يَقُولُوا آمَنَّا وَهُمْ لا يُفْتَنُونَ * وَلَقَدْ فَتَنَّا الَّذِينَ مِنْ قَبْلِهِمْ فَلَيَعْلَمَنَّ اللَّهُ الَّذِينَ صَدَقُوا وَلَيَعْلَمَنَّ الْكَاذِبِينَ } ."العنكبوت"

ماشى ياستى قرينا الايات اية علاقتها بماضى خطيبنا
تعالى وحدة وحدة مع بعض
ربنا بيقول
الطيب للطيب و الخبيث للخبيث وكما تدين تدان
يعنى ياقمر لو عايزة تعرفى ماضى خطيبك: افتحى ماضيكى واقرىء فيه هل ياترى كنتى بتعملى حاجة تغضب ربنا ؟؟
هل ياترى كنتى بتبصى بصة حرام
كنتى بتكلمى شباب ع النت
كنتى بتضيفى شباب
بتتفرجى ع حاجات مش كويسة
——————-
طيب كنتى بتصلى
كنت بتقرىء وردك
بتقيمى الليل

ايوة بصى كدة وركزى كل اللى كنتى بتعمليه هو كان بيعمله
كنتى بتحاولى تبعدى عن الحرام
كنتى بتحافظى ع نفسك
هو كمان زيك

بس اوعى تزعلى ياقمر ولا من نفسك ولا منه
المهم انك فتحتى مع ربنا صفحة جديدة من اول ما دخل حياتك .ارمى الماضى ورا ظهرك
لان ده فتنة ربنا بيقول احسب الناس ان يتركو يقولو امنا وهم لا يفتنون
يعنى دة فتنة كلنا معرضين لها عشان يعرف مين الصالح ومين مدعى الصلاح
المهم ان احنا نبعد عن الفتنة دى ونتجنبها عشان نثبت ايمانا
نثبت ان احنا بنحب ربنا بجد مش مجرد كلام ع اللسان

والفتنة دى بتختلف من انسان للتانى حسب درجة ايمانة ,تلاقى اللى بيقول ان عمرى ما اسرق يتحط ف موقف ممكن يخلية يسرق
اللى بيقول عمرى ماارتشى يعرض لموقف يرتشى فيه
اللى بيقول انا بغض بصرى
تلاقى يعرض لفتنة ينظر نظرة محرمة
وهكذا
ولكن الفيصل هل هيقع في الحرام
ولو وقع غصب عنة هل هيستمر لا هيتوب

لو خطيبك بيعمل حاجة تغضب ربنا
لو له ماضى ومش قادر يبعد عن ماضية اقعدى معاه وكلميه
ادعيه خليه يتوب على ايدك عشان تاخدى اجر فيه
قال الرسول صلى الله عليه وسلم "لأن يهدي الله بك رجلا واحدا خير لك من حمر النعم"
قولى لة ان ده فتنة واختبار من ربنا ربنا بيختبر ايمانك بيها
بيشوفك هتقع في الغلط ولالا