الله لا يعيدها من ليلة هههههههههههه
يقول المثل جت الحزينه تفرح ما لقت لها مطرح
وهذا انا
من سجلت بهالمنتدى وانا أقرا عن الليالي الرومنسيه .. وحده تقول سوي غرفة نومك زي الغابه والبسي زي طرزان وتعلقي بحبل وطبي فوق رجلك هههههه
واللي تقول البسي احمر في احمر وكل شي احمر … وخلي احمر منك مافيه هههههه
والثالثه تقول اكتبي له عبارات حب في كل مكان حتى في الثلاجه
وغيرها وغيرها
وانا حرمة في حالي من البزارين للمطبخ ومن المطبخ للبزارين ولا اعرف ذالحركات
فقلت في نفسي خلني اجرب واتقرب لقلب الحبيب
اول شي سويته اتصلت على امي وقلت لها ابجيب لك البزارين يرقدون عندك .. قالت : عسى ما شر ؟
قلت : ابد عندي ليله رومنسيه
قالت: وشو !
قلت : ليله رومنسيه
قالت : هو .. بسم الله عليتس الرحمن الرحيم ، اشربي مره يا بعد حيي << تحسبه اسم مرض
قلت : لا يمه انا مافيني شي بس ودي اقعد مع رجلي بلحالنا
قالت : طيب
جا اخوي واخذ البزارين وجهزت لي كم طبق وحلى وسلطة فواكه
وبعدين رحت للصالون وسويت حمام مغربي وسويت شعري ومكياج
واتصلت على رجلي وقلت له لا تتأخر اليوم وهاوشني هههههه بس عادي
ولبست قميص نوم خطيييييير
وبعدين فرشت مفرش جديد ووزعت عليه ورد وشموع وبخرت الغرفه وسكرتها
وجلست انتظر المحبوب
وبينما انا في انتظاره اتصلت امي وقالت ولدك يستفرغ كل شوي ابرسله لتس
وجابو الولد لي وقريت عليه وعطيته سفن اب بس انه استفرغ علي
وادخل الحمام واروشه والحمام حرررر والكشخه خربت
ودخل زوجي واننا مع الولد في الحمام على هالحال
قلت له كنت بسوي لك مفاجئه بس مو مشكله انتظر انوم الولد قال طيب
وطلع للغرفه وما دريت الا هو يهاوش ويقول السرير يحترق
وحده من الشمعات طاحت واحرقت المفرش
قلت له معليش الحين اغير المفرش ( ما زالت البنت مصره هههههههه )
وغيرت المفرش وجلست اطحل الولد نص ساعه الين نام
ويوم رجعت غرفتي
لقيت ابو العيال
نايم
قلت له قم يا فلان .. قال تعبان وفيني النوم
قلت له طيب ما تبي عشا ؟؟ قال لا
ورجع ينام
خوش ليله
م ل ط وووووووو ش
قرات موضوع ف المنتدى عن الذكاء فى اليالى الرومانسيه اهم من التحضيرات والشموع وغيره
يعطيكى العافيه
شاكره مرورك
خيرها في غيرها ههههههههههههههههههههههههه
لا يائس مع الحياةيعطيك الف عافية
على منقولاتك الرائعة والجميلة والمميزة
تقبلي مروري وتحياتي لشخصك
ثااانكس حبيبتي
اللعنة التي اصابت سيدات المنتدى هاهاهاهاهاههاهاه
شكرا لك على الموضوع