السلام عليكم جميعا المشكلة تخص اختي وزوجها وربي شاهد على ما اقول انيروني وارشدوني للفعل الصحيح في حل مشكلتهم… اختي تزوجت بعمر 23 سنة من شاب 26سنة صفاته طيب وحنون ولا يقصر عليها بشيء يحترمها ويحترم اهلها كل ماتطلبها يلبيها لها على طول يعني معيشها ملكة بس عيوبة اذا غابت عنه مايسأل ولا يتصل إلا كلمة سلام عليكم كيفكم ويقفل انسان صامت ما يحب يتكلم كثير اعترف لها بالشيء هذا ويقول انا كذا ايش اسوي… طبيعة عملة صعبة شوي احيانا 12 ساعة وغير كذا ساكنين بغير مدينتنا اما اختي عيوبها اذا نزلت بالاجازات ماترضى ترجع معاه اقل شي تقعد عندنا اسبوعين تربت على انها مرتاحة ولا تخدم يعني ماتعرف تطبخ وتحطه بالامر الواقع ان يجيب من المطاعم وثقيلة بأمور البيت الفترة الاخيرة الجو مكهرب بينهم بشكل خطير هو يقول هي مهملتني على قد ما اعطيها ما تعطيني (يبغى انسانه تنوعله بالاكل والطبخ والحلا وغيره) يقول طول وقتها تلفزيون ومسلسلات ماتهتم (صادق بالنقطة هذي) وهي تشتكي وتقول ما يهتم ما يتصل ما يقول كلام رومنسي …. الخطاء على مين وكيف نصلح بينهم (بينهم اطفال وهو يعزها ويقدرها ومستحيل يطلقها) نخاف يتزوج عليها بس
إنصَحيهآ لآزم تَغير مِن نفسهآ إذآ مآتبغَى علآقتهُم تِتوتر أكثر وَ يحصُل زَوآج من أخرَى
إجلسِي معآهآ جلسَه أخويه وَ سآعديهآ تِتغير لأنهآ حِتندم !
لأن مُمكن يتغَير تعآملُه معآهآ ، وأصلاً نفسيتهآ تِتغير لو عَملت شَيء جَديد ..
وَكذآلك قُولي لهآ يتَصآرحوآ بِهدوء وَ يلبي كل شَخص رغبآت الثآني ..
موفقـه 🙂
تهتم في زوجها مثل ماتهتم في عيالها .
عزيزتي لآزم انتي من يبدأ في حل هالازمة قبل لا يتزوج او يصير شيء يندمون عليه بالمستقبل
تقعدين مع اختك وتكلمينها بالتي هي أحسن وبأسلوب لبق وشرح
تفهمينها من حق الرجال إنك تطبخين له ويأكل من تحت أيدك ؟ اساليها ترضى زوجها يأكل من ايد غيرها ويقعد يتغزل بطباخها وريحة نفسها على الاكل ؟ هني هي بتزعل واكيد بتقول لا ، لانها تبي الغزل لها مو للحرمة ثانيه
اختك عليها حقوق على زوجها واهي مقصرة بصورة كبيرة ، حتى لو متعودة على الدلال والراحة ، الزوج ما طلب شيء فوق طاقتها > طبخ نظافة اشياء جداً مقدور عليها
اساليها شنو بيكون شعورها لما يتزوج زوجها الثانية ، وتطبخ له وتكون معاه بكل وقته وتلقائي الزوج بيكون متعلق فيها ومايقدر يبعد عنها
حاولي تقنعين أختك بهذا الاسلوب إللي هو الغيرة والشريكة الثانية
الحرمة بطبعها لا تقبل إن يكون لها شريك في زوجها حتى وإن كانت أمه ، كيف وهي الزوجة الثانية
وخلي أمك أو ابوك > او اذا علاقتك حلوة بـ زوج أختك ويعدك مثل أخته تكلمينه إنه يجي البيت ويجيب له ورد او هدية اهي راح تستانس واطير من الوناسة بتقول خلاص يحبني
الرجال يبحث عن الاهتمام ، وآهي تبحث عن الحب
اثنينهم مكملين بعض ، لاكن للاسف كلن يتغلى ويكابر وقاعد مكانه ولازم احد يضحي ويتعب
وقولي لآختك لآزم أهي تبدا معاه باجواء رومنسية ، تساعده وتهيئة إنه يتغزل فيها
لا تنسيني من دعائك ، واتمنى التوفيق لهم وحياة زوجية سعيدة
اسمعي وانا اختك
مشكلة اختك وزوجها بسيطه جداً وسهل حلها
وزوج اختك انسان طيب حرام تفرط فيه
الموضوع ومافيه انه اختك لسى عقلها صغير وتفكر في الخيال
وزوجها ما قصر عليها بشئ
وهي همها اللام الحلو والرومانسيه يعني بالعربي الكلام الفاضي
الرجال طبعهم كذا مايحبون يسألون كثير وهذا الشئ مو القصد منه التقصير بالعكس القصد منه عشان مايضايقها لانه الرجال مايحبو احد يسالهم عن كل شئ
انصحي اختك انها تدبر امور بيتها وتحتوي زوجها
لازم تطبخ وتهتم ببيتها
مستحيل الرجال يرضى بالزوجه الكسوله والمهمله وممكن يتزوج عليها في اي وقت و ممكن يطلقها
لازم تريح زوجها وتبادله نفس الشعور
وبعدين زوجها يستاهل لانه مايقصر عليها
بيتزوج عليها إختج لازم تغير من نفسها
مب طول عمرة بيستحمل أختج
ريال يوم تزوج يبي وحدة تخدمة تشوف طلباته
يومها ما بيهمه عياله بيبيعها لآجل راحته
حلي هو عدلو بنتكم فهموها ان الي يالسة تسويه غلط
ومحد بينفعها يوم بيتزوج عليها
في أمان الله~
|
المشاركة الأصلية كتبت بواسطة زيـــون .
 الخطأ على أختك لا على زوجها > الرجال كتوم بسبب تصرفاتها معه
عزيزتي لآزم انتي من يبدأ في حل هالازمة قبل لا يتزوج او يصير شيء يندمون عليه بالمستقبل تقعدين مع اختك وتكلمينها بالتي هي أحسن وبأسلوب لبق وشرح تفهمينها من حق الرجال إنك تطبخين له ويأكل من تحت أيدك ؟ اساليها ترضى زوجها يأكل من ايد غيرها ويقعد يتغزل بطباخها وريحة نفسها على الاكل ؟ هني هي بتزعل واكيد بتقول لا ، لانها تبي الغزل لها مو للحرمة ثانيه اختك عليها حقوق على زوجها واهي مقصرة بصورة كبيرة ، حتى لو متعودة على الدلال والراحة ، الزوج ما طلب شيء فوق طاقتها > طبخ نظافة اشياء جداً مقدور عليها اساليها شنو بيكون شعورها لما يتزوج زوجها الثانية ، وتطبخ له وتكون معاه بكل وقته وتلقائي الزوج بيكون متعلق فيها ومايقدر يبعد عنها وخلي أمك أو ابوك > او اذا علاقتك حلوة بـ زوج أختك ويعدك مثل أخته تكلمينه إنه يجي البيت ويجيب له ورد او هدية اهي راح تستانس واطير من الوناسة بتقول خلاص يحبني الرجال يبحث عن الاهتمام ، وآهي تبحث عن الحب وقولي لآختك لآزم أهي تبدا معاه باجواء رومنسية ، تساعده وتهيئة إنه يتغزل فيها |
ماشاء الله ونعم رد
مووفقه غلاتي 🌺🌺