——————————————————————————–
السلام عليكم
طبعا تبغي تعرفي شخصية زوجك او خطيبك من قيادته لسيارته ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ياترا انتي لسه ماعرفتي شخصيته 
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ مو معقول اكيد عارفه بس حابه احد يأكد كلامك صح ؟
أنا بقولك علي شخصيتة من قيادة سيارته ؟
الزوج الكسول – تلاقيه يسوق علي عشرين ويتأمل الشوارع وهو ماشي واذا سرع شوي تحسيه مرتبك ويمشي جنب الرصيف يخاف يمشي بنصف الشارع
الزوج المتهور _تلاقيه سريع ويحاول يسابق الي جنبه ويسقط علي الي جاي وراه ويقطع الأشاره ومايربط حزام الامان
الزوج الزوج العاقل_ تلاقيه ماشي بالسرعه المحدده مو مشكله لو اسرع شوي ويربط حزام الامان ويوقف اذا احد بيقطع الشارع
ويركز في سواقته وممكن يكون عقله في شي تاني
الزوج العصبي _تلاقيه معصب وهو طاير واذا احد بيمر من قدامه نفسه يدهسه وتلاقيه اذا الاشاره صفراء يسرع يبي يقطعها ويهدي ويسرع ومو عارف اش يسوي بعمره ويسب المرور ويسب سيارته ومو طايق نفسه
الزوج الشكاك _تلاقيه يسوق ويطالع دايما بالسيارات الي تمر من جنبه ينظر كتير في المرايه الاماميه يحاول يمر من بين السيارات ويلحق الاشاره قبلهم وبما ان هو شكاك بتقفل الاشاره حمراء قبل يوصل يعني ارتاح مانت واصل لشي
الزوج الرايق _تلاقيه اذا دخل السياره يشغل المسجل ويحب يدندن وهو يسوق واذا احد سقط عليه يعطيه بوري مو معناه انه معصب لا لو معصب بيسبه ماعليه
الزوج الرومانسي _تلاقيه اذا ركب السياره دائما ماسك دريكسيون السياره مايسيبه علي باله حبيبته ودائما يهتم برائحة السياره تكون معطره ويحب سيارته تكون مرتبه مو اوراق طايحه بالارض وعلبة المناديل علي وجهها بالارض ومناديل ودوشه لا يحب يكون مافي اشياء كتير بالسياره غير معطر وسلسال معلق علي المرايه وعليه حرف من حروف حبيبته واذا وقف سيارته يحب يلصقها بالسياره الي امامه علي باله حبيبته كمان هههههههههه
اكيد عرفتي زوجك اي واحد ؟؟
واذا مو موجود في هاذي المجموعه ترقبوووو قريبا تعرفي علي شخصية زوجك من طريقة أكله وحبه للطعام !!!!!!!!!!
الي اللقاء في الحلقه القادمه مع يوميات طاش ماطاش
تحــــــــــــــــــــــــــــياتي