السلاااام عليكم ورحمة الله وبركاته وبعد..
عندي مشكلة يمكن تشوفونها تافهه بس انا متأثرة فيها كثير لدرجة اني خايفه على نفسي 
يصيرلي شي لو ماحققت هذا الحلم انا من يوم وانا صغيره أمني نفسي اني اذا كبرت بتزوج وبطلع من هذا البلد الجميل مو كرها فيه بلعكس هذي بلاد الاسلام وقبلة المسلمين بس مشكلتي المجتمع مدري انا اشبني ولله مدري ومن فين جايتني هذي الشتله في دماغي وليش بس هذا طموحي وحلمي في الحياه انا كل ما افكر في شي الاقيه مو متوفر عندنا نمط الحياه هنا مايناسب شخصيتي طموحي اكبر من انني اصير ام واغير حفايظ واجلس عند رجل شرقي يخونني ويتحكم فيا ابغا اطلع ابغا انفجر على الحياااااه ابغى اطيييير
اكره مجتمعنا المعقد الحسد والحقد وكلام الناس والكره والنفاق تعبت والله تعبت
ابغا اروح لناس تؤمن في الحرية ما تتتدخل في احد تبتسم وتضحك ولا تسوي شي ثاني ابغا قانون يحفظ حقوقي
ويعطيني حريتي ابغا اشتغل في وظيفتين بدال وظيفة ويكون عندي مشروع ابغا
احقق نفسي وطموحاتي ابغا انشر الاسلام واغير صورة الاسلام الي ماخذينها الغرب
ابغا اتعلم اكثر من لغه ابغا يكون عندي صداقات متعدده مع ناس مايتدخلون في حياتي
ولا يحقدون ويحسدون ويكيدون لي ابغا اخذ كلاسات اتيكيت وموسيقى ورقص ابغا اصحى الفجر واهج مع صاحباتي اي مكان
ابغى اطلع العب رياضه ابغى اعيش حياتي في حدود الاسلام كل اسبوع بجرب
شي جديد سكاي دايفينغ ولا اي رياضه وانشطه ثانيه ابغاااا افلها ابغا ناس تنتقدني
واكون مطمئنة من نقدها ان مافيه حسد وغيره
يعني الاسلام مايتعارض مع الحريه
ابغى اضحك وافرح ولا افكر في المشاكل ابغى ناس تفكيرها سطحي في العلاقات والتعاملات عميق في المستقبل والعلم والطموح
حتى صداقات متخيلين اني ماعمري حسيت بشعور الصداقة الحقيقية غير مره وحده يعني مالقيت صديقة تشبهني دايما اتعامل مع صديقاتي بتصنع يعني ياتكون مره مطوعه ولا اخذ راحتي معاها يا رسمية ممله يا فالتها زيادة عن اللزوم واستحقرها ودايما اتفق معاهم على طلعات وزيارات واذا جا وقت الزيارة اتعذر وفيه وحده زعلت مني وصارت تطنشني يجيني طفش فضيع ماني قادره انسسسسجم مع احد محد يشبهني ابغا انسانه مثقفه وفله بس بحدود وتخاف الله ومجنونه وقتت الجنان وتحبني وتتمنالي الخير من غير نفاق بس مافي وكل البنات همهم الزواج والرجال والحب ابغا ناس همهم بعيد عن العلاقات يعني بس يبغون يفرحون ويضحكون ويستهبلون ولا ييجيبون سيرة الرجاللللللل 
فكرت اقدم على بعثه بس اهلي مستحيل يوافقون اطلع لحالي وانا ماعندي غير اخ صغير عمره 10 سنوات على مايكبر قيدني معجزه ومخرفه!! وابويا موافق يطلع بس من غير نفس ويأنب ضميري انه كبير في السن ولا يبغى يموت هناك طيب حلممممممي
ما ابغى ابني حياتي على رجال يحقق احلامي اصلا صرفت نظر عن الزواج ولاابغى اتزوج قبل الثلاثين موافق يطلعني الجامعه الامريكية في الامارات يقول قريبه بس ماني مقتنعه
لحد يهزء الي مو عاجبها كلامي وتشوفه دلع ترا انا جاده 
عندك أخ عمره عشر سنين…وعلما يكبر ويصلح ان يكون لك محرم باقيله 8 سنوات..
وانتي تقولين اكون عجرت وخرفت…
يعني بعد 8 سنوات تكونين عجزتي وخرفتي…
طيب..
ارجعي لقراءة ماكتبتيه من طموحات وانجازات تربدين القيام بها…
متى ستنجزيها وانت قد عجزتي وخرفتي؟
كوني منطقيه ياحبيبتي…وواقعيه…وكفي عن الخيال والاحلام…
بامكانك تحقيق كل ماتتمنيه بنفس بلدك ومجتمعك..هذا إذا كنتي بمستوى المسؤوليه…
من يريد شيء…عليه دفع الثمن…لاحقوق تقدم على طبق من ورد….
بالتوفيق يابنتي….
بس انك ثلي في التفكيربس ما أبي أطلع برا واشنغل شغلتي كذا ضغط علي 
ارتاحي وادعي ربك وبس واستمتعي بكل شي عندك عادي سوي بسبوسة وصوريها وتخيليها ترتة مثلا وكلي انتي أهلك وسولفوا مليتي من البيت اقعدي بالحوش أوالسطح سوي رياضة في البيت عادي بعدين مجتمعنا مو شين لهدرجة ترى 
|
المشاركة الأصلية كتبت بواسطة lasa
 مدري وش أقول
بس انك ثلي في التفكيربس ما أبي أطلع برا واشنغل شغلتي كذا ضغط علي ارتاحي وادعي ربك وبس واستمتعي بكل شي عندك عادي سوي بسبوسة وصوريها وتخيليها ترتة مثلا وكلي انتي أهلك وسولفوا مليتي من البيت اقعدي بالحوش أوالسطح سوي رياضة في البيت عادي بعدين مجتمعنا مو شين لهدرجة ترى |
هههههههههههههههههههههههههههههههههههههههههههههههههه ههههههههههههههههههههههههههههههههههههه
عجبتني فكرة البسبوسة والانستغرام آه يا قلبي وربي اننا ننحزن مجتمع مكبوت
|
المشاركة الأصلية كتبت بواسطة pakiza
حبيبتي….
عندك أخ عمره عشر سنين…وعلما يكبر ويصلح ان يكون لك محرم باقيله 8 سنوات.. وانتي تقولين اكون عجرت وخرفت… يعني بعد 8 سنوات تكونين عجزتي وخرفتي… طيب.. ارجعي لقراءة ماكتبتيه من طموحات وانجازات تربدين القيام بها… متى ستنجزيها وانت قد عجزتي وخرفتي؟ كوني منطقيه ياحبيبتي…وواقعيه…وكفي عن الخيال والاحلام… بالتوفيق يابنتي…. |
الكلام سهل بس 8 سنوات من عمري كثيرة واحتاجها
بعدين الوقت من ذهب
وانا انسانه ماعندي صبر 
لانك ما تخطيتي حدود المنطق او الدين
احلامك ما راح تضر احد الله يساعدك و يحقق لك احلامك
لكن حبيبتي ادا كنت في السعودية فوالله انت فاحسن بقعة على الارض
يكفي انو خطااها الحبيب المصطفى