السلام عليكم ورحمة الله وبركاته
حبايبي سويت الحقن المجهري قبل 3شهور تقريبا في مستشفى الحبيب عند الدكتورة زينب وكان السحب ماشاءالله زين وتلقحوا ماشاءالله بعد وحقنت لي 3 اجنة بس من يوم حقنة واحساسي انها العملية راح تفشل مع اني كنت مرة متفائلة بالنجاح وبالفعل ماصار حمل وغير كذا خبيت عن اهلي وهذي اول مرة اسوي عملية في حياتي ومدري وش اسوي اللحين ودي اعيدها هل ارجع لزينب ولا غيرها بس ياريت مايكون رجال كفايه تكشفنا الله يستر علينا بس وكمان ابغى زوجي تتحسن عنده الحيونات وانا التكيس يروح وشلون
وكمان نجمع الفلوس لان هذيك العملية تدين زوجي
ادعولي والله طفشت لاوظيفة مع اني جامعية ولابيت حلال وايجارات ترفع الضغط و24س قاعده وحيدة واذا بتطلعين الناس تذكرك بالعيال أهج يعني ولا ايه…. ومقررة اسجل معهد انجليش بس وين مدري ومين بيوديني المواصلات ازمة زوجي عنده دوام ساعوني في هالنقاط وشكرا انا في الرياض غربها عند الشميسي
نعم كرريها وينصح بالامتناع عن الجماع لمدة أسبوع من يوم التلقيح .
ولايوجد ضمان مائة بالمائة في عمليات التلقيح الصناعي إلا أن تكرار المحاولة يزيد من فرص النجاح ، فنسبة النجاح بعد المحاولة الأولى تصل إلى 25% ، وبعد تكرار المحاولة ثلاث مرات تصل إلى 50%.
الحالة النفسية للمرأة مهمةٌ جداً في إنجاح العملية، وكذالك يجب اختيار طبيب يتمتع بخبرةٍ ومهارةٍ جيدة.
وبالله التوفيق.
صدقيني ماتاخر حملنا الا فيه خير لنا الله تعالى له حكمه في كل شي
وافضل تسجلي في معهد عشان تنسي الموضوع ترى النفسيه لها دور في تاخير الحمل
ولاتياسي عيدي العملية مرة واثنين حتى تنجح ويصير حمل باذن الله
وان شاء الله ماننساك بدعواتنا
وربي يرزقك بتوام