انا اليوم ابحكيلكم قصة اخوي وايش اللي صار فيه هذا اخوي اطيب واحن اخو بالعالم بس حسبي الله على اصحاب السوء والشله الفاسده اخوي كان يمشي مع ناس فاسده وللاسف دمرو حياته دخل اخوي السجن متهم بقضية سرقه وطبعا في السجن اللي مايتابع القضيه راح تنام ولا احد راح يفكر فيها احنا كنا نضن ان المحكمه هي اللي راح تمشي المعامله وتخلص هالقضيه بعد سنه قالولنا القضيه لسا نايمه انتم روحو طلعو الملف وابحثو عن القضيه وفعلا راح اخوي الكبير يبحث عن القضيه قالوله السجن ملف اخوك ضايع رح دوره جلس اخوي فتره يدور على الملف وبعدين حصل الملف وصارة القضيه رايحه جايه بين المحكمه وهيئة التمييز عشان سالفه تافهه كان المفروض تخلص بكم شهر المهم اخوي من النوع اللي يتعب بسرعه يعني حساس اى بروده اواحد مريض على طول يمرض وكانو بالسجن مايخلونه حتى يروح للدكتور وكانت امي دائما ماتنام ولا تاكل ولا تشرب وكانت بس تبكي وتقوم الصبح تقول والله ان فيه شي انا تحلمت فيه البارح انه تعبان وبعدين يصيرون اخواني يدقون على اصحابه بالسجن ويتطمنون عليه واحيانا مانلقى احد يطمنا عليه المهم بعد سنه وسبع شهور ولسا القضيه مش خالصه القاضي حكم عليه سنتين بس التمييز رافض الحكم قبل اسبوعين دق واحد من السجن على امي لانه عارف رقمها من كثرماتدق عليه قالها ياخله ولدك انقلوه للمستشفى البارح وانا ماني عارف وش اللي صار امي قومة الدنيا وماقعدتها وبعدين عرفنا انه صار عنده انفجار بالزائده يقول زميله انه له اسبوع يصيح من الالم بس ماعطوه وجه لحدمنفجرة عنده الزائده وطارت امي على طول هي وخواني للمستشفى ولما جت عندهم قالو ممنوع الزياره امي صارت تبكي وتبوس رجولهم عشان تدخل تشوفه انتم طبعا عارفين قلب الام وبعدين جت عندهم الحارسه قالتلهم حرام خلوها تشوفه وافقو ودخلت امي بالاستراحه وجبوه لها تخيلومارضو انها تدخل عنده وهو على السرير وكان ماسك اللي بيده اللي يسحب الوساخه اللي سببها الانفجارتخيلو على اللارض جلس وشبك بامي وامي شبكت فيه وجلسو ساعه ماسكين ابعض لين جت الحارسه وكانت تبكي قالت ياخاله تعوذي من الشيطان وكان يقول لامي تكفين لاتتركيني ويصيح وبعداسبوع سووله عمليه وامي تزوره بالقوه كل مره تخانق معاهم ويقولون باقي له عمليه ثانيه وامي مره تعبانه كل ماتجيه يبكي ويقولها تكفين خليك معايه وامي عاد تتاثرزياده الحين اخواني يقولون خلصو القضيه احكمو عليه عشان نرتاح وهو يرتاح مو راضين ::واحنا مو عارفين وش نسوي هو مره تعبان نفسيه ومرض واحنا مانعرف احدنكلمه يتوسطله ولا ندري وش راح يصير بالايام الجايه طبعا هذا اختصار للقصه 
القصه طويله ومحزنه ابيكم تدعون له واذا عندكم راى لاتبخلون عليه فيه حسبي الله ونعم الوكيل 
ربنا يفك اسرة ويلم شملكو عن قريب ان شاء الله
اختى لازم يكون فى محامى يتابع القضية حتى لا تهمل
ويدافع عنة حتى يقلل لة مدة السجن
ربنا يفك كربة
والله يرده لكم عاجل غير اجل
عليكم بكثره الاستغفار فيها تفريج للكربات
عزيزتي ضروري يكون عندكم محامي شاطر يلتزم القضيه
ومهما كانت مدة الحكم فسوف تحسب مدة التوقيف من ضمن المحكوميه
يعني اذا مضى على اخوك في السجن سنه ونص والمحكمه حكمت بسنتين سجن معناتها فقط يقضي ستة اشهر اخرى في السجن ومن ثم يطلق سراحه
دعواتي القلبيه لكم جميعا غاليتي
اقرؤوا له ماتيسر من القرآن على نية الفرج