السلام عليكم ورحمة الله وبركاته
بدخل بالموضوع ع طول
حاليا انا مخطوبة لشخص صار لي شهرين والزواج ماجلينه لبعد سنتين بحكم ظروف عمله ونقله من مدينة الى اخرى – اكتشفت حسابه بالفيس بوك وتويتر وصرت اتابع وش يكتب من باب انى اتعرف عل شخصيتة وتفكيرة وحياته – لانه من فخذ ثاني من عايلتنا ولااعرفه – ,, المهم لاحظت حاجه اثارت مخاوفي , يتكلم عن الحب كثيراً وكان له قصه يعيش بها ,, وجميع كتاباته العاطفية موجه لانثى مثل : لكي ,حبيبتي ,صوتكي >> وهكذا ..
مثل – لاشي مثل ان اغفوا ع صوتك – اشكر الله على وجودك بحياتي – ومن هالسوالف الى تخليك تقول يتكلم عن شخص مش خيال ..
بالبداية قلت يمكن انه عاطفي وهذي طريقته للتعبير بس صراحه في اكثر من بنت دايم يرد عليهم ويكمل اشعارهم او يرتوت كتاباتهم العاطفية ايضاً وهم كمان متفاعلين معاه جدا, احسه منغمس بالعاطفة مرة 
صدقوني مو تغريدة ولا 2 الي خلتني اقول كذا 🙁 كل بعد كم يوم تجيه هالحاله العاطفية ويبدا
ماابي اصير شكاكة من بدايتها بس شي يجيب الاحباط ماابي ابدي حياتي وفقلبه وحدة او متعود ع وجود حبيبه ..
كل يوم ادعي الله يصرفه عني اذا بيجيب لي الشقا ووجع القلب واذا لي فيه خير يطمن قلبي ويريحني
وش رايكم؟
الله يعينك
حبيبتي لا تهدمين عش الزواج من سبب گذا ..
هل تضمنين أنه الحساب له فقط و لخصوصياته و مـا أحد يدخله غيـْره ؟
ثاني شيء لو كان الگلام موجه لفتــاة من حقگ تشگين و تتضايقين
لگــن كلمات عادية لوصف أنثى فقط لا غير ..
الله يوفقگ يا رب و يتمم عليگ
استمــري بالدعاء وان كان لج الخــير ربي ان شاء الله راح يقدمه لج …
خلج واقعـية يمكن بس مجرد خواطرر ليست إلا ..!!
او اذا استمريتي على هالمنوال صارحيـه وشوفي رده وانتهــى
الله يرزقج راحـة البال ويكتب لج اللي فيه الخــير
ولكن اذا تزوجك صدقيني حيكتفي فيكي ولن يعود لهذي التخيلات.