السلام عليكم ورحمة الله وبركاته ،،
كيفكككم ياامهات الله يصبركم ويشفي الجميع يارررب،،
انا عندي بنت عمرها 7 شهور الله يحفظها ويخليها لي ويشفيها اكتشفت وهي عمرها 4 شهور ان عندها ضمور وكيس بالراس والحين هي ماتشوف ورقبتها ماتمسك ولاتوقف ع رجلها ولا تجلس ولاتنقلب يعني تأخر بالنمووو من عمرها اسبوع وانا من مستشفى لمستشفى بسبب الصخونه لحد مااكتشفت الضمور والى الان مالقيت اي تشخيص لحالة بنتي ولاعلاج واسافر شبه اسبوعيا للمتابعة ومابقيت مستشفى بالسعودية مارحته اذا راجعت بمستشفيات العيون قالوا عينها مافيها شي ويحولوني للمخ والاعصاب ولما اروح لهم يقولون العصب البصري مافيه شي ويحولوني للعيون جلست ع هالحال لحد ماقالوا لي ان الضمور اللي سبب لها ذا كله وان الكيس ماله دخل وان ماله علاج في الطب الحديث مع العلم ان بنتي تغاغي وتضحك وتقول ابه وامه والدكتور قالي ان بنتي مافيها شي وماعندها متلازمة ومافي قرابه قويه بيني انا وزوجي ومايدرون وش سبب الضمور بس يمكن لأنه بعد اسبوع من ولادتها ارتفعت درجة حرارتها وسببت الضمور للحين ماحد عارف سبب الضمور لاني وانا حامل كانت سليمة وكنت اراجع شهريا مااحد قال شي وكانت حركة اطرافها افضل من الحين بكثييير والله ربي زرع محبتها في قلبي انا وابوها بشكل مو طبيعي والله لو افديها بعيوووني حنا مستعدين نروح لأي مكان بالعالم عشان نعالجها بس ابي منكم وحدة تعطيني شي مجرررب وفين احصل العلاج الطبيعي والبدلة الفضائية وفي احد جرب العلاج بالاكسجين او الاوزون ..؟؟
تكفون افيدوني ولاتبخلون علي..
جزاااكم الله كل خيررر..
ما اقدر افيدك بشي ياقلبي
بس حبيت ارفع لك الموضوع بدعوه
دمتي بحفظ الرحمن انتي وبنتك
انا من رائي مابدك العلاجات الطبيعية والاعشاب خاصة بنتك صغيرة وما بتعرفي يمكن يضرها لا سمح الله
حاولي اتلاقي طبيب معروف وشاطر مو شرط داخل البلد وبرا كمان اكيدفي اطباء ممكن يساعدو بنتك وترجع تشوف اهم شي انك ما تستسلمي وخلي املك بالله كبير والله كريم ويشفيلك بنتك
وهي ببطنك يعني فيها مس اذا كنتي شيعية راح ادليك على منتدى شيعي واذا كنتي
سنية بدليك على منتدى سني الله يشفيها