تقدم لي شخص من دوله مجاوره عن طريق النت انا عمري 21 وهو عمره 36 المهم هو دز لي صوره له مره عجبتني عليه نظاره وبعدها فكرت قلت له ابي صوره بدون نظاره ودز لي بس للاسف ماعجبني وهو مره متعلق فيني ويخطط لزواجنا ويسالني عن المهر ….الخ مادري عقب الصوره الثانيه حسيت نفسي بضيع شبابي مع واحد كبير بالعمر مع العلم كنت متملكه وفسخت الملكه وهذي المره لازم يكون اختيار صح قبل ماتملك وقول لا … هو مدير فرع بالوزاره ويكمل جامعه وعنده بيوت هو عنده كل شي بس هذي الاشياء ماتهمني لان نحنا عائله بفضل الله غنيه ..هو يتكلم بمور الجنس وانه بتزوجني بااسرع وقت .. مفروض مايتكلم معاي كذا صراحه شي يخووف …. مع العلم انه طلب رقم الوالد وتعرفنا تقريبا له ثلاث ايام … طبعا انا ارسلت صورتي له قبل لايرسل صورته الثانيه لو دز لي صورته الثانيه كان هونت … بس هو حلف انه مسح الصوره … ً
اعطيه رقم بابا او لا اخاف اذا اعطيته رقم بابا يهددني بصورتي … هو مبين من شكله انسان عاقل مو حق حركات تهديد بس الحذر واجب … وعطيتخ اسمي كامل … والله شووي خايفه اعطيه الرقم او لا ؟؟ طبعا انا تعرفت عليه بموقع زواج
مع العلم اني جميله جدا … بس ابي نصيحتكم تكفون
بس تصرفج غلط انج عطيتيه الصورة
وانتي ماتعرفينه الا عن طريق النت
يعني شلون وثقتي فيه بهالسرعه
تعارفكم ثلاث ايام ويبي يخطب
ولا يتكلم ب امور عيب عليه يتكلم فيها انصحك لا تاخذينه لان اشوفه مو راعي جديه راعي لعب اسحبي عليه وادعي ربي يعوضك ب اللي احسن