السلام عليكم ورحمة الله وبركاته
بدخل بالموضوع تقدرون تقولون فضفضه او مشكله وابي له حل ضروري
بي صياح وقصم ,, خانقتني العبره ع الاخررر
م شكلتي الحين امي زعله علي ولا تكلمني وساحبه علي بالعربي ماتعبرني كلششش 
لاني مستحيل نتفاهم انا وياهآ
تخيلو كل شي مانتفاهم عليه
ابي الشي مستحيل تقول ايه
الا نادر ولازم كلام طووويل واخلي بيننا واسطات مثلا حدى خواتي المتزوجات تتكلم عشان تقتنع
يعني اذا بغيت الشي لازم اسوي حيله عشان اقدر احقق اللى ابيه
المشكله ان امي صغيره والمفروض تفهمني والحمدلله ربي منعم علينا بس مدرى وش السبب
الي قاهرني زوووود ان امي وابوي يشكون بي
لــ لعبت وستهبلت يعني عادي مثلي اي استهبال هم اهلى يفهموني خطاء ..!!!
طيب ليش انا شسويت 
ابوي يقول انتي اكيد وراك شي
انتي مطفوقه
لدرجة يعيروني ي الخنزيره انتي مو طبيعيه ومدري ايش والله اني مااكذب بكل كلمه وكم مره اقول لاختي ليش انا بي شي تقول لا عاديه مابك شي 
اضرب مثال لشك ابوي مره شافني ع الاب توب قام هاوشني عشاني قاعده اطقطق فيه قال ي الله جيبيه لغرفتي
المهم سكرته وحطيته بغرفته هوكان تحت يوم طلع فوق جا لمي بالغرفه قال وينه قلت حطته بغرفك قام يفتش بغرفتي قال انتي مو مظمونه ابد
وفتح مفرشي تخيلو والله شال السليب هاي بيشوف وش اللى تحته
وربي واللى خلقني ماعمري سويت شي يعني وش بخبي تحت السرير.!!
ادري يخافون علي بس ليش يشكون بي كذا وانا واختي بنفس الغرفه وانا اللى تتفتش اغراضي واختي لا؟
تقل شايفين علي شي .!
ودايم نظرات ابوي لي ان حركاتي ماتعجبه
ذاك اليوم صحت عنده وقلت انك تشك بي وانا وش سويت !!!
قال دايم تتكلمين بآلسفر
يمكن مره او مرتين قلت ليتنا نسافر لاوربا >يعني حتى الاحلام والامنيات ممنوعه.!!
ومره اخوي بيجيب من البقاله شي قلت بروح معك
قال انتي ماتظمنين ومن هالكلام اللى يجرح
وامي دايم تقول اصلا من يوم كنت بالنفاس عليك وانتي معذبتني حسيت اني بموت طلعت روحي ومدري ايش >وش ذنبي انا صغيره وربي مابيدي شي
وتقول
حرمتيني من وليدي >>قصده قبل كم سنه دخلت المستشفى شهرين وكان اخوي صغير تقريبا عمره سنه وفقد امي تقولي كله منك طيب وش اسوي انا والله لو بيدي كان ماعرفت المستشفى ولا دخلته
ساعات افكر اقول مني انا البلا
واحاول قد مااقدر اني ارضيهم والله ادعى ربي اني اكون قره لعين امي وابوي وانا واثقه بربي مايخيب رجاي
بس فعل الاسباب شي مهم
المهم اللى الاحظه اني مع الناس اوك
يعني مع صديقاتي يحبوني ويستانسون معي لدرجة ان اهلهم يحبوني من كلام بنتهم عني
مع بنات عمي فله وناسه مو تعاملي فض ولا علي كلمات بذيئه بالعكس الكل يقول والله قلبك طيب وكبير وحنونه
بس مدرى ليش امي وابوي مايشفون الحلا اللي بي
خوالي ينهبلون على سيرتي ومهبله فيهم ومستانسين علي
يعني قهر ابوي وامي هذولا لو احد غيرهم بطقااق
وربي محتاجه لحضن ولكلاام حلو مليت اقوم على هواش وانام على هوآش
امي لرضت عني وجيت بضمه قالت وخري ماحب الضم .!
ومره قلت انا حلوه ومدري ايش قدام امي قالت امي اسكت ترى برجع
والله تحاشيت كل المنتديات وكل المواقع المختلطه و اللى فيها رسائل و دردشات مثل الفيس بوك وغيره
لاني قسم اتعذب يجون يتكلمون علي رجال بكلام انا محتاجته وانا اخاف من ربي ومابي اضيع
ساعات افكر اقول هذا أبتلا لاني من يوم كنت صغيره معذبه اهلي بلبس مايلقون لي ومدري ايش>بس والله مالى ذنب
بعد احد تحرش بي وانا كنت صغيره بقووه
وادمنت العاده وانا مادري وش السالفه عليه يوم كبرت وعرفت انه حرام تركته لوجه الله وانا واثقه بربي بيعوضني بأخير منها
والقهر اني سمرا وودبدوبه عكس خواتي
احس كل شي شين متجمع فيني
الحمدلله انا راضيه بس اهلي معكرين ابو مزاجي بس يعايروني العبده والدبيه عادي امشيها بس مليت ابي يدلعوني او على الاقل يسكتون ع الطالع والنازل مخالف هي ضحكه مره مرتين باليوم نعديها اما كل الوقت كسسسل
اختي اللى اكبر مني يسمونه الحنونه والى اصغر مني القعده لو تسوي خطا شنيع كان يضحكون ويتدللون عليه
الله يهنيهم بالعكس ابي لخواتي الخير ,, بس انا لي مشاعر ..مخالف لايدلعوني بس يتركوني لايتطنزون بي
اللى قاهرني اقوى اقوى شي اذا كنت مو موجوده عند امي تقعد تبين اهتمامه لي يعني تقول اشرو لاختكم ناظرو اختكم تقصدني
بس لاشفتني غصب تنخلق هوشه من لاشي
قهر كذا ابي احس بحنانه الاحظ ان جدتي نفس حركته مع خالي اذا راح قامت تمدح فيه وتصيح بعد من حبه له بس اذا جا قامت تهوشه
الكل يقول عين
وانا خايفه اصير انا وامي كذا
تخيلو اذا صارت اي هوشه انا مالي دخل تقعد تنادين وتهوشن وراه كذا وراه كذا طيب مامي انا شدخلني تقوم تعصب وتهوشن زود
ولا تنادين وتقوم تسالني مثلا عساك انتي وخواتك بتروحون هناك وعساكم بتسوون كذا واذا قلت ايه تقوم تهوشني
طيب انا وخواتي هوشينا كلنا ..! بديت اقول مادرى يمه ايه صح عليك كذا ثم تعصب تقول انتي تستهيني بي وتستهترين بي
وربي محتاره مدرى شلون اتعامل معه
والاحظ ابوي ع وجهه ويسمع لامي الله يستر بس
والله اني منقهر بقووه
فيه كلام كثيررر لكن الله كريم
واعتذر عن تلخبط الكلام وعدم اتزانه
المهم اللى ابي افهمه
ليش امي وابوي يعاملوني باسلوب شك>للمعلوميه ترى الشك شي يجرح ومستحيل الجرح يلتأم ولا يعرف الواحد مدى عمقه الا المجربه
وقهر من المقربين لك واعزهم هم اللى يشكون !!
امي وابوي مايعطوني اللى ابيه الا لازم بحيله وعذاب وهواش
بعد ابي افهم تتوقعون البلا بي ولا من وين جاي لان من يوم كنت صغيره وامي تتشكا مني
وهل تقبل دعوة امي لزعلت من او لا
لان دعواته والله توحش
واقسم بربي ذاك اليوم دعت علي بدعوه ان اختي انهبلت قالت اختي روحي ترى اذا صرتي قدامه بتزود الدعوات يوم رحت نادتن وبدت تدعي علي زود
واقسم بالله واللى رفع سبع وطمن سبع اني ماسويت شي المهم صبرت وهي تدعي وتهوشن انا عجزت اتحمل قمت صحت وقلت يمه حرام وش سويت لك ورحت ..هي بعد وقت حست ان مالى ذنب جت نادتني وعطتني شيبس وبارد وشوكليت وراحت..! وربي مو اكبر همي الشيبس ولا غيره
انا ابي حنان رحمه عطف ضم كلام حلو وش ابي بالشيبس قولولي؟
والله تعبت مليت من صغري وانا حاسه بفرق المعامله بيني انا وخواتي والله ماانام لمين تطق الساعه 3 من الصياح وتشهد مخدتي من يوم كنت بالمتوسط
احس شي فوق اردتي انا وامي ابي اعرف وش السبب.؟!
اعتذر عن الاطاله والكلام الطويل لكن تحملوني واعتبروني اختكم
شوفي ترا أهلك أكيد يحبونك والله جربي لو تمرضي ولا لا قدر الله يصير لك حاجة
والله بتلقين أمك دموعها اربع اربع..وأنــتِ قلتيها تمدحك قدام الناس..
يعني ما تكررررهك ومستحيل تكرهك أصلاً..
لو تكرهك مآ مدحتك عند الناس وأمك عارفة منو بنتها وعارفة انها خلوقة ومؤدبة
وهي ما تهاوشك إلا عشان تصيرين من أفضل البنآت..
واذا على سمرا ودبدوبة عااااااااادي ي اختي ترى السمار مو عييييييب..
ودبدوبة سوي ريجيم التمر واللبن ممتااااااااااز وتنحفين وتصيرين رششييقه
ولا يتكلمون عنك كلمةة وحده .. في أهالي كذا يسوون يقولون دبدوبة مثلا
عشان تحسين بهالعيب وتصلحيييينه..
وأكثررري من الاستغفار واصبري على أمك واسكتي اذا هاوشتك..
واذا هاوشتك بس قولي حاضر , تآمرين أمر يمه , شي ثآني ي بعدهم..؟
والله راح تخجل من نفسها وتعدل معاملتها معاااااك بس أنتِ محتاجة شوية صبر..
موفقةة
الله يحنن قلوبهم عليك يارب