ناشف دجـاج بالروب Chickn carry
(مع انه مهو ناشف بس اسمه كده؟؟)
المقادير:
دجاجه أو دجاجتين – مقطع 8 قطع منزف ومشيول عنه الجلد (احنا نسوي 1 وإذا العدد كبير 2)
6 علب روب (يفضل نادك لانك تحسينه كريمي القوام، لكن الروب اللي تحسين فيه مويه لا تستخدمينه لانه يتقطع)
5 – 6 حبات طماطم كبيره مقطعه مكعبات
4 حبات بصل كبيره
عدد من قرن فلفل اخضر حار
علبتين صلصه طماطم العلب
ورق كزبرة وبقدونس كميه مناسبه
كاستين زيت – 3 كاسات مويه
البهارات:
1 ملعقة شاي كركم + نص ملعقة شاي فلفل أسود ناعم + ملعقه اكل ملح (حسب الرغبه في الكميه أول شي ذوقي) + ملعقة شاي هيل بودرة + ربع ملعقة اكل فلفل أحمر ناعم + 1 ملعقة أكل بهارات الكاري carry powder
+ 1 ملعقة اكل كزبرة ناعمه ( بودره ) + 4 فصوص ثوم مدقوقه + نص ملعقة اكل زنجبيل مدقوق . او مطحون (الطازج أحلى) + حبوب هيل + كم ورقة غار + 1 ملعقة أكل ملياانه كمون حب + 1 ملعقة شاي قرفه مطحونه + قرفه اعواد كم حبه
احنا بعض الاحيان ما نلقى بودرة الكاري فنستخدم البزار البحريني
الطريقة:
بعد ما تقطعي الدجاج وتنظفيه جيدا،، اخلطيه مع كل الروب جيدا في طاسه.
جهزي قدر كبير على النار،، ضعي كاسه ونص زيت بعدين البصل والثوم بعدين قلبي جيدا وضيفي البهارات (كركم فلفل اسود ملح هيل بودره فلفل احمر ناعم بهار كاري او بحريني مثلا قرفه اعواد ورق غار زنجبيل كزبره ناعمه..)
قلبي جييييدا ثم ضيفي الطماطم والصلصه (عشان لا تتلصق البهارات في القاع) وقلبي جيدا،، ثم بعد ذلك ضيفي اوراق الكزبره والبقدونس،، قلبي جيدا ثم ضيفي الدجاج والروب وقلبي راح تلقينه زي الكريمه رووعه! ضيفي الماء عشان يستوي الدجاج وكمية الزيت المتبقيه خليه يغلي شويه بعدين ضيفي القرفه الناعمه والكمون الحب.
خليه على نار متوسطه خفيفه ليستوى، بعد شويه ضيفي الفلفل الحار.. عشان ما نخليه يستوى كثير في حالة ما رغبتي في أكله تشلوط هههه بس حلاتها تشلوط لا تفووووتكم
آخر شي راح تلقي الصوص صار متجانس،، وطبعا إذا سخنتي اكثر صار الصوص سميك،، بس حلاته نص ونص.. لا هو مويه ولا هو غليظ مره.
قدميه في صحن عميق كبير للتقديم بجانب الارز الابيض الخامر ( خلي فيه عند سلقه كم حبه هيل وعود قرفه) وشوفي كيف!
من جد من جد وبدون مبالغه هذي من اكلاتي المفضله واللي باستمرار تكون على السفره من فتره لأخرى لان طعمها ما تمللين منه..
طعم لذيييييييييييييييييييييييييييي يييييييييييذ لا يفووووووووتكم
واللي جربها ياريت نعرف النتايج كيف كانت
على فكره الوصفه حبيتها عشان كذا نقلتها لكم ياريت تعجبكم
يالله الى الامام بسويها وانشالله تطلع حلوه مثلج
|
المشاركة الأصلية كتبت بواسطة سبقتي
 الله والله شكلها حلوه
يالله الى الامام بسويها وانشالله تطلع حلوه مثلج |
تسلمين كلك ذ وق