ساعدوني الله يجعل الجنه من نصيبكم 2024.

الله يرحم امج برحمته ان شاء الله و يجعل الجنه مثواها يــــــــارب ..

و الصراحه يالغالية الله يعينج على هذه المشكلة .. الصراحه ما تستاهلين .. و راح ادعي لج ..

انتي حاولتي تعاملينها بالحسنى ..؟؟

يعني في مره عاملتيها عدل و ردت عليج بسوء ..؟؟

بس حبيبتي شوفي انا يعني مو خبيرة بهذه الأشياء .. بس ابي اقول لج شي .. و يمكن ما يساعدج وايد بس صدقيني .. يمكن راح يريحج ..

اولا حبيبتي مادام انتي الأحسن فلا تخافين هذا كله مسجل في كتاب اعمالج يالغالية .. و الله يعرف مقدار ايمانج فيه ..
و صدقيني هذا كله راح تتحاسب عليه و الله الي راح يحاسبها .. و كله في ميزان اعمالها .. و صدقيني يا اميرة .. ان يوم القيامة راح تيي و تطلب منج ان تسامحينها او حتى ترضين عنها .. و صدقيني ان يوم القيامة الواحد يتمنى بس لو يحصل حسنه وحده .. فعشان جذي اهي اذتج بالدنيا لكن صدقيني ان يوم القيامة راح تترجاكي حتى لو تعفي عنها … و انا الي اقوله راح يحصل لا محالة لأن يوم القيامة موجود و الحساب موجود ..

و يمكن البنات يفيدونج في شي ثاني ..!! والله ماادري بس هذا الكلام الصج .. و يمكن انتي تتحملين بالدنيا كثير و كثير لكن صدقيني يالغالية .. هذا كله راح يعتبر ثواب لج و بالعكس ان شاء الله راح تحصلين منه مرتبة عالية بالجنة بإذن الله ..

يــــــــــارب يرزقنا و يرزقكم ..

والله لو كنت اقدر اساعدج اكثر من جذي .. كان قلت .. لكن هذا الي عندي ..

و الله يهسل لج ان شاء الله ..

و مثل ما قلت لج ما ارح انساك بالدعاء ان شاء الله..

و ها شنو قلتي ..؟؟

تراسليني على الخاص و لا ..؟؟

ابي اعرفك اكثر …ممكن و لا لا ..؟؟