السلام عليكم ورحمة الله
انا حابة احكيلكم عن مشاكلي والحرب الهادية الي تصير بيني وبين اختي …. واتمنى تقولولي الطريقة الصحيحة للتعامل معها وتقولون لي ايش شخصيتها لاني عايشة معها وتربيت معها بس للحين عجزت افهمها ..
اختي تكبرني بـ 7 سنوات ..
انا 20 سنة وهي 27 سنة .. غير متزوجة
شخصيتها دائما تحب الفرفشة والضحك والثرثرة الزائدة بشكل موطبيعي حتى الناس الثانيين يستغربوا منها طول الوقت تحكي سواء بشي مفيد او سخيف وماتعطي فرصة حق احد يتكلم ..
ولما احد يقول رايه بموضوع ما تهمشه وتقلل من قيمته وبطريقة السخرية والتجريح .. بقدر الامكان تحاول تسيطر على المكان اللي هي فيه …
غيورة بشكل مش طبيعي هي ماتظهر غيرتها بس تبان من تصرفاتها وكل اللي حولها يحسون بذا الشي ..
اكثر شي يزعجني انها لما تشوفني اكلم وحدة تجي ركضضضض وتحاول تخرب الجو وتستهبل وتحاول تشتت انتباه الطرف الثاني عشان لايكلمني ..
بعد في حركات كثيرة تعملها معي وانا اتنرفز منها بقوة ..
انا من النوع الهادي مرة مرة ماحب المزح الكثير يعني لو المزح بالكلام ايه عادي اتقبل لكن لعب زي الاطفال ماحب .. فهي تعرفني زين وتعرف اني اعصب لما احد يسوي كذا ..
دايما تجي تزعجني تسوي حركات اطفال مثلا تشد شعري وتركض او تاخذ مني ملابسي وتخبيها واشياء سخيفة ماقدر اقولها .. فانا اعصصصصصب ويثور دمي لاني مليون مرة انبهها لاتسوين معي هالحركات لاني بجد ازعل .. المهم لما تسمع امي صراخنا تجي وعلى طول اختي تبدا بتمثيل دور الطيوبة المظلومة واللي تحاول تمزح مع اخواتها بس خواتها يكرهونها …
فامي مسكينة تصدق وتهاوشنـا على اتفه الاسباب ..
ترا اختي من ايام الطفولة كذا .. عاد ايام الطفولة كانت تضربني ولما ابكي تقول لامي والله ماضربتها وتبكي وتسوي نفسها مظلومة …
هي دائما تحب التميز وتحب لما تدخل مكان كل الناس ينظروا لها ويهتموا فيها واذا ماانتبهوا لها تتحطم بقوووة ، اختي معقدة شوي من شكلها شوي بشرتها سمرا اكثر منـا وقصيرة شوي مع انو جميلة وكل شي فيها حلو وطبيعي بس هي تشوف انها موحلوة وصراحة عقدتها من نفسها خلتها تصير مو حلوة .. صارت ماتعرف تلبس ولاتعرف تكشخ ولا تتصرف مثل الكبار برزانة وثقل …
مرة سالتها وجلسنا جلسة صريحة قلت لها ليش انتي كذا ؟وليش احس عندك شخصيتين متناقضتين ؟ والله العظيم قالت لي وبكل صراحة ( انا احب الناس يمدحوني ويقولون لي فلانة سوت وفلانة طيبة وفلانة شاطرة ، وقالت انها ماتساعدنا باي شيء الا عشان الناس يقولون عنها انها اصيلة وتساعد خواتها )
فانا من ذاك اليوم منصدمـة وغاسلة يدي منها 
هذه اختج وانتي تقولين من هى صغيرة هذه تصرفاتها يبقى اللحين
بس قوليلها وادعي لها انو الله يهديها ….
طريقة حتى لو كانت غلط خذي لها كتاب عن الثقة بالنفس وارفعي من معنوياتها وخبريها انه مافيه
بنت مو حلوة واذا الله اخذ شي يعوض بشي مدحي شي فيها تشوفينه حلو مثلا جسمها لبسها ملامح
وجهها اي شي حتى لو تتغزلين فيها مثلا يؤبرني هالسمار مااحلاه يؤبرني هالطلة هيك شي صرت
اتكلم سورررررري هههه
وبعدين قولي لها باسلوب حلو ان في بعض التصرفات ماتصلح عليك لانك انتي كبيره وعاقله
وكمان قولي لها انك تفتخري فيها لانها حبوبه وطيبه يمكن كلامك يغيرها شوي
اذا هي بتحب تلعب وتمزح امزحي معها والعبي ما تكوني دائما بدور البنت الحكيمة الهادئة احلى شي اللعب بين الخوات لكن زي ماقلتي بالوقت المناسب وتقربي منها بطريقتها وخليها تحس انك بتحبيها لانها اختك ولو سمعتي منها كلام مو منيييح غيرييها للاحسن شو ما كانت هي اختك وحسسيها انها حلوة ما دام هيه حلوة ليش بتحس حالها بشعة ؟؟؟
ماتكوني مع الناس على اختك خليكي مع اختك على الناس ولو كانت غلطانه ومرة على مرة بتفهم انه تصرفاتها غلط وبتتغير للاحسن ان شاء الله
امدحيها بطريقه حلوه وقولي لها انتي ذكيه و و بس ناقصك نعومه وتصيرين كامله
حاولي تكونين ناعمه وهاديه وخجوله شوي عشان تلفتين انتباه الناس لانو مايحبون
البنت الخفيفه والمرجوجه يحبون الثقل وحنا تعدينا مرحلة المراهقه واللي ماينشره علينا
حنا كبار ولازم نكون رزينات ومن هالحكي
ويعني تقدري تقولي إني انا منهم
يعني لاتجرحينها وتقولي لها حركات بزران
الله يعينكم حاولوا تتأقلمو مع بعض
لانكم شخصيتين غييييير
….
اذا جيتي تصارحينها عن شخصيتها وانها ماتعجبك
والناس يستغربوا منها
لاتعطينها الكلام بالوجه
لانها يمكن تتحسس من كلامك
وتحس ان الناس مايحبونها
وتصير بعدين انطوائيه وحزينه
مرحين و لهم شخصيتين و يحبون اللهو و الصخب و نشيطين و شوفي اختك ادا ما كانت من مواليد الابراج الهوائية 5-6-7
هدي طبيعتها و هي من الصغر تقولين ولاااااااااا راح تتغير لانه يوصولون عمر 40 و تحسين انهم 20 بتصرفاتهم او اقل يغلب عليهم طابع الطفولة و المشاكسة و تعطيهم رووح يستمتعون غالبا فيها
مساوئهم الانانية و الغيرة بس انتي حاولي تتقربي منها وكل ما عاملتيها بشكل اوك كل ما تخليك فحالك
و يكفي انها اختك الكبيرة يعني المفروض تتفهمينها و انا متاكدة انه لما بتتزوج و تطلع من البيت راح تشتاقين لها
اقري على برجها وراح تستغربين انه هي فعلا تشي و اقري مساوئها و مزاياها و راح تعرف يتتعاملين معاها