السلام عليكم ورحمة الله وبركاته
كيفكم اخواتي اليوم اوريكم شربة لسان العصفور حق البخاريه مو الجاهز حق السوق لا هادي حقتنا احنا البخاريه نسويها في البيت ونسميها بالبخاري (قشقش تلي) او ( الأُقره) صعبه صح هههههه بس ابغى اعلمكم الاسماء حقها بالبخاري علشانه تراث هههه طولت سامحوني
العجينه وتتكون من كالعاده
دقيق ومويه وملح وتكون عجينه قاسيه
بعد ماترتاح نفردها بالماكينه واحد وثلاث وسبعه وبين كل فرد وفرد نرش دقيق
الين مايصير خفيف زي كده
بعد مانخلص المقدار نتركه ينشف بس مو مره قاسي يصير لا ينشف واقدر اقطعه بالسكين ومايلصق العجين مع بعض إن شاء الله فهمتوان نشف جهه اقلبه على الجهه الثانيه
واحطه فوق بعض حوالي خمسه سته مستطيلات
وبعدين ابداء اقص بالسكين مستطيلات صغيره كما في الصوره شوفي السكين كيف لازم يكون
وهادي الشكل
وهنا الشكل النهائي
لازم تبعديهم عن بعض علشان ينشف مزبوط دحين وتقدري تفرزيه متى ماتبغيه تطلعيه وتحطي في المرقه وياسلام
المرقه كشني بصل وحطي عليه لحم وقلبيه وبعدين حطي عصير طماطم وقليل من الصلصه وملح انا علشان حطيت كلهم في قدر الضغط ماصورت علشان اسويه بسرعه
واتركه على النار لمدة عشره دقائق ويستوي لانه العجين خفيف وصغير
واقدمه انا اليوم قدمته مع رز بالحمص بعد ماحطيت فيه كزبره خضراء مفرومه
اتمنى انه يكون طبق على مزاجكم ويعجبكم ولا تنسوني من دعواتكم الصادقه
سلمت يمينك
مكرونه باشميلمجهودك يستحق الثناء
وشكلها مره خطير
ياريت تحطين كل اكلاتكم
اللغمن المنتو اليغمش اعتقد فيه اكله اسمها الجوشن
وفيه اللازا تكفيين كلها حطيها وحطبقها
شكرا لك
مجهووود تشكرري عليه
في أنتظار يااقي الاكلات البخارية
دمتي بووود